1."Ədliyyə orqanlarına qulluğa qəbulla bağlı əlavə tədbirlər haqqında" Azərbaycan Respublikasının Ədliyyə Nazirliyi Kollegiyasının 2011-ci il 12 avqust tarixli 1-N nömrəli Qərarında dəyişiklik təsdiq edilsin (əlavə olunur).
2. Bu Qərarın Azərbaycan Respublikasının Hüquqi Aktların Dövlət Reyestrinə daxil edilməsi təmin olunsun (E. Nəsibov).
3. Bu Qərar Azərbaycan Respublikasının Hüquqi Aktların Dövlət Reyestrinə daxil edildikdən sonra 72 saat müddətində rəsmi dərc edilməsi üçün zəruri tədbirlər görülsün (L. Hüseynzadə).
4. Qərar aidiyyəti ədliyyə orqanlarına göndərilsin.
Kollegiyanın sədri, Nazir III dərəcəli dövlət ədliyyə müşaviri Fərid Əhmədov Azərbaycan Respublikası Ədliyyə Nazirliyinin Kollegiyasının 17 noyabr 2025-ci il tarixli 3-16/1-KQ/5/2025 nömrəli Qərarı ilə təsdiq edilmişdir "Ədliyyə orqanlarına qulluğa qəbulla bağlı əlavə tədbirlər haqqında" Azərbaycan Respublikasının Ədliyyə Nazirliyi Kollegiyasının 2011-ci il 12 avqust tarixli 1-N nömrəli Qərarında dəyişiklik:
1. Həmin Qərarla təsdiq edilmiş 1 nömrəli əlavə - "Ədliyyə orqanlarına qulluğa qəbul olunmaq üçün namizədlərlə müsabiqənin və müsahibənin keçirilməsi Qaydaları" üzrə:
1.1. 3.1.4-cü yarımbənddə "(xarici dövlətlərin ali təhsil sahəsində ixtisasları Azərbaycan Respublikasında tanınmaqla və ekvivalentliyi müəyyən edilməklə (nostrifikasiya olunmaqla)" sözləri "(xarici dövlətlərin ali təhsilə aid kvalifikasiyalarının Azərbaycan Respublikasında peşə tanınması həyata keçirilməklə)" sözləri ilə əvəz edilsin;
1.2. həmin Qaydalara 1 nömrəli əlavə - "Azərbaycan Respublikası vətəndaşının ədliyyə orqanlarına qulluğa qəbulla bağlı müsabiqədə iştirak etməsi üçün müraciətinin forması" nın 6-cı hissəsi üzrə:
1.2.1. hər üç halda "nostrifikasiyası" sözü "xarici dövlətlərin ali təhsilə aid kvalifikasiyalarının peşə tanınması" sözləri ilə əvəz edilsin;
1.2.2. 6.1.5-ci, 6.2.5-ci, 6.3.5-ci yarımbəndlərdə "Nostrifikasiya şəhadətnaməsinin" sözləri "Xarici dövlətlərin ali təhsilə aid kvalifikasiyalarının peşə tanınmasına dair şəhadətnamənin" sözləri ilə əvəz edilsin.
2. Həmin Qərarla təsdiq edilmiş 2 nömrəli əlavə - "Ədliyyə orqanlarına qulluğa qəbul olunmaq üçün müraciət etmiş şəxslərin sənədlərinin toplanması və yoxlanılması Qaydaları"nın 4.3-cü bəndində "(xarici dövlətlərin ali təhsil sahəsində ixtisasları Azərbaycan Respublikasında tanınmaqla və ekvivalentliyi müəyyən edilməklə (nostrifikasiya olunmaqla)" sözləri "(xarici dövlətlərin ali təhsilə aid kvalifikasiyalarının Azərbaycan Respublikasında peşə tanınması həyata keçirilməklə)" sözləri ilə əvəz edilsin.