“Azərbaycan Respublikası Milli Məclisi Daxili Nizamnaməsinin təsdiq edilməsi haqqında”, “İctimai iştirakçılıq haqqında” və “Azərbaycan Respublikası vətəndaşlarının qanunvericilik təşəbbüsü hüququndan istifadə etməsi qaydası haqqında” Azərbaycan Respublikasının qanunlarında dəyişiklik edilməsi barədə

AktivNöv: Qanun·Qəbul edən orqan: Prezident·Dərc tarixi: 17 iyul 2026

XülasəAI

Dəyişikliklər üç qanunda ictimai iştirak proseslərinin elektronlaşdırılmasını təmin edir. "İctimai iştirakçılıq haqqında" Qanunda dövlət və yerli özünüidarəetmə orqanlarının elanları üçün "internet səhifəsi" termini "rəsmi internet informasiya ehtiyatı" ilə əvəz edilir (məs. maddə 6.3, 14.2, 16.1, 18.2.1-18.2.3) və bütün bildirişlərin, yekun sənədlərin həmçinin Elektron Hökumət İnformasiya Sistemi (EHİS) və mediada yerləşdirilməsi tələbi əlavə olunur; maddə 15.1 və 15.2-də iştirakçı subyektlərin dairəsi "hüquqi şəxslər" və sənədlərin ünvanlandığı "media subyektləri" ilə genişləndirilir. Milli Məclisin Daxili Nizamnaməsinə əlavə edilən yeni müddəaya görə ictimai dinləmə və müzakirələr EHİS üzərindən də təşkil oluna bilər (maddə 15). "Qanunvericilik təşəbbüsü hüququ" Qanununa yeni 7-1 maddəsi əlavə edilərək təşəbbüs qrupunun qeydiyyatı, imza toplanması (o cümlədən gücləndirilmiş elektron imza ilə) və protokolların EHİS vasitəsilə elektron qaydada həyata keçirilməsi imkanı yaradılır, bununla yanaşı maddə 6.1-də əvvəlki "yalnız təşəbbüs qrupunun üzvləri tərəfindən" kağız üsulu saxlanılır və yeni 5.2-2 maddəsi ilə imza toplama formasının (kağız və ya elektron) əvvəlcədən seçilməsi və paralel tətbiqin qadağan olunması tələbi əlavə edilir.

Bu dəyişikliyin mətnə tətbiqi yoxlanılır (×2)

28 dəyişiklikdən 28-si maddə-maddə izlənir.

Bu dəyişikliyin təsir dairəsi

Dəyişiklik başqa qanunların istinad etdiyi 1 maddəyə toxunur. Bu maddələrə istinad edən aktlar da təsirlənə bilər.

«İctimai iştirakçılıq haqqında» — maddə 191 qanun istinad edir
- “Texniki reqlamentlərin hazırlanması, ekspertizası, qəbulu, onlarda dəyişikliklər edilməsi Qaydaları”nın təsdiq edilməsi haqqında

Hədəf akt 2 / 3

İctimai iştirakçılıq haqqında

Maddə 6

6.3

Mərkəzi və yerli icra hakimiyyəti və yerli özünüidarəetmə orqanı ~~öz internet səhifəsi~~özünün rəsmi internet informasiya ehtiyatı, Elektron Hökumət İnformasiya Sistemi (bundan sonra – EHİS) və mövcud olan digər vasitələrlə ictimai şuraya namizədlərin irəli sürülməsi, onların qeydiyyatının başlanması və başa çatması vaxtını elan edir. Namizədlərin irəli sürülməsi və qeydiyyatı üçün nəzərdə tutulan müddət iyirmi iş günündən az ola bilməz.

Maddə 14

14.2

İctimai dinləmənin və ictimai müzakirənin keçirilməsi barədə elan təşəbbüskarın internet ~~səhifəsində~~informasiya ehtiyatında və ya mediada, habelə EHİS-də tədbirdən ən azı yeddi iş günü əvvəl dəqiq vaxt və yer göstərilməklə yerləşdirilir.

Maddə 15

15.1

Vətəndaş cəmiyyəti institutları və hüquqi şəxslər tərəfindən keçirildiyi təqdirdə ictimai dinləmənin yekun sənədi dinləmə zamanı açıqlanmış əsas fikir, rəy və təkliflərin icmalı formasında hazırlanır, ictimai dinləməyə sədrlik edən tərəfindən imzalanır və dinləmə başa çatdıqdan sonra ən geci üç iş günü müddətində aidiyyəti dövlət və yerli özünüidarəetmə orqanlarına və media subyektlərinə təqdim olunur (o cümlədən EHİS vasitəsilə).

15.2

Vətəndaş cəmiyyəti institutları və hüquqi şəxslər tərəfindən keçirildiyi təqdirdə ictimai müzakirənin yekun sənədi rəy və təkliflər formasında qəbul edilir, iclasın sədri tərəfindən imzalanır və müzakirə başa çatdıqdan sonra ən geci üç iş günü müddətində aidiyyəti dövlət və yerli özünüidarəetmə orqanlarına və media subyektlərinə təqdim olunur (o cümlədən EHİS vasitəsilə).

Maddə 16

16.1

Mərkəzi və yerli icra hakimiyyəti və yerli özünüidarəetmə orqanları hazırladıqları hüquqi aktların layihələri və ya müzakirə olunan ictimai və yerli əhəmiyyətli məsələlər barədə yazılı məsləhətləşmələrin başlanması haqqında məlumatı ~~öz internet səhifəsində~~özünün rəsmi internet informasiya ehtiyatında və ya mediada, habelə EHİS-də yerləşdirir.

Maddə 17

17.1

Mərkəzi və yerli icra hakimiyyəti və yerli özünüidarəetmə orqanları hazırladıqları hüquqi aktların layihələri və ya müzakirə olunan ictimai və yerli əhəmiyyətli məsələlər barədə vətəndaş cəmiyyəti institutlarının rəy, irad və təkliflər verə bilməsi (o cümlədən EHİS vasitəsilə) üçün azı yeddi iş günü nəzərdə tutur.

17.2

Daxil olmuş rəy, irad və təkliflər mərkəzi və yerli icra hakimiyyəti və yerli özünüidarəetmə orqanları tərəfindən müzakirə edilib qiymətləndirildikdən sonra onların nəzərə alınmasına və ya rədd edilməsinə dair on dörd gün ərzində əsaslandırılmış qərar verilir və dərc edilir (o cümlədən EHİS vasitəsilə).

Maddə 18

18.2.1

Azərbaycan Respublikası Milli Məclisinin ~~internet səhifəsində~~rəsmi internet informasiya ehtiyatında xüsusi bölmə ayırır;

18.2.2

Azərbaycan Respublikası Milli Məclisinin Aparatında qeydiyyata alınmış bütün qanun layihələrini müvafiq komitəyə göndərdikdən sonra üç gün ərzində Azərbaycan Respublikası Milli Məclisinin ~~internet səhifəsinin~~rəsmi internet informasiya ehtiyatının xüsusi bölməsində və EHİS-də yerləşdirir;

18.2.3

Azərbaycan Respublikası Milli Məclisinin ~~internet səhifəsinin~~rəsmi internet informasiya ehtiyatının xüsusi bölməsində qanun layihəsi ilə birlikdə onu təqdim edən subyekt, layihənin qeydiyyat nömrəsi, göndərildiyi komitə (komitələr), ictimai dinləmələrin qrafiki və keçiriləcəyi yer və ictimai müzakirənin müddəti, keçirilməsi qaydaları, rəy, irad və təkliflərin təqdim olunması qaydası, onlara baxılması və nəticələrin açıqlanacağı müddətlər barədə məlumatı yerləşdirir;

18.2.4

qanun layihələrinə dair təqdim olunmuş rəy, irad və təkliflərin nəzərə alınmasının nəticələri barədə ictimaiyyəti məlumatlandırır (o cümlədən EHİS vasitəsilə);

Maddə 19

Hüquqi aktların layihələrinə dair ictimai dinləmənin və ictimai müzakirənin elektron qaydada təşkili eyni zamanda EHİS vasitəsilə təmin edilir.

Hədəf akt 3 / 3

Azərbaycan Respublikası vətəndaşlarının qanunvericilik təşəbbüsü hüququndan istifadə etməsi qaydası haqqında

Maddə 5

5.2-1

Bu Qanunun 7-1.1-ci maddəsində qeyd edilən halda, bu Qanunun 3-cü maddəsi ilə müəyyən edilmiş tələblərə uyğun olaraq tərtib olunmuş layihə Elektron Hökumət İnformasiya Sistemi (bundan sonra – EHİS) üzərindən elektron sənəd formasında təqdim edilir.

5.2-2

Təşəbbüs qrupunun və təklif olunan layihənin qeydiyyata alınması barədə ərizəyə layihənin dəstəklənməsi üçün vətəndaşların imzalarının hansı formada toplanılacağı (kağız daşıyıcıda və ya elektron formada) barədə məlumat əlavə edilir. Hər iki formanın eyni qanunvericilik təşəbbüsü layihəsi üzrə paralel və ya ardıcıl şəkildə tətbiqinə yol verilmir.

5.6

Təşəbbüs qrupunun və təklif olunan layihənin qeydiyyata alındığı gündən 3 iş günü müddətində, bu Qanunun 6.1-ci və 7-1-ci maddələrində qeyd edilənlər nəzərə alınmaqla, təşəbbüs qrupunun və təklif olunan layihənin qeydiyyata alınması barədə qərarın surəti və imza toplanması üçün imza vərəqələrinin nümunəsi təşəbbüs qrupunun sədrinə təqdim edilir, həmçinin təşəbbüs qrupunun sədrinə, müavinlərinə və seçki dairələri üzrə koordinatorlarına müvafiq vəsiqələr verilir.

Maddə 6

Bu Qanunun 7-1.1-ci maddəsində qeyd edilən halda layihənin tam mətninin və onun məzmununun izahının təqdim edilməsi, eləcə də vətəndaşa layihə ilə tanış olmaq imkanının yaradılması EHİS vasitəsilə təmin edilir.

6.1

6.1. Milli Məclisin müzakirəsinə təqdim edilməsi təklif olunan layihənin dəstəklənməsi üçün vətəndaşların imzalarının toplanması təşəbbüs qrupunun və təklif olunan layihənin qeydiyyata alındığı gündən iki ay ərzində yalnız təşəbbüs qrupunun üzvləri tərəfindən həyata keçirilir.6.1. Milli Məclisin müzakirəsinə təqdim edilməsi təklif olunan layihənin dəstəklənməsi üçün vətəndaşların imzalarının toplanması həmin layihənin qeydiyyata alındığı gündən iki ay ərzində təşəbbüs qrupunun üzvləri tərəfindən, bu Qanunun 7-1.1-ci maddəsində qeyd edilən halda isə EHİS üzərindən həyata keçirilir.

6.3-1

Bu Qanunun 7-1.1-ci maddəsində qeyd edilən halda layihənin dəstəklənməsi üçün vətəndaşların imzalarının toplanılması onların EHİS-də olan elektron kabinetləri vasitəsilə həyata keçirilir. Bu zaman vətəndaşlar dəstəkləmək üçün imza toplanması davam etdirilən layihəni seçərək təkmil sertifikatlı gücləndirilmiş elektron imza ilə imzalayırlar. Bu halda imza vərəqələrinin doldurulması və vətəndaşların imzalarının toplanılmasının nəticələri haqqında protokol tərtibi tələb olunmur və müvafiq məlumatlar EHİS üzərindən təqdim olunur.

Maddə 7

7.1

Bu Qanunun 6.10-cu maddəsində nəzərdə tutulan protokol imzalandığı gündən bir ay ərzində həmin protokolun 2 nüsxəsi və imza vərəqələri təşəbbüs qrupu tərəfindən, bu Qanunun 7-1-ci maddəsində qeyd edilən halda isə layihənin dəstəklənməsi ilə bağlı imzalar barədə məlumatlar EHİS üzərindən Mərkəzi Seçki Komissiyasına təqdim olunur. Mərkəzi Seçki Komissiyasına təqdim edilən imza vərəqələri nömrələnməli və qovluq formasında səhifələnməlidir.

7.2

Bu Qanunun 7-1-ci maddəsində qeyd edilən hal nəzərə alınmaqla, Mərkəzi Seçki Komissiyası sənədləri qəbul edərkən imza vərəqələri olan hər bir qovluğu möhürü ilə təsdiqləyir, təqdim olunmuş imza vərəqələrinin sayının vətəndaşların imzalarının toplanmasının nəticələri haqqında protokola uyğunluğunu yoxlayır, sonra isə onların qəbul edilmə tarixini qeyd edərək, təşəbbüs qrupunun sədrinə, qəbul edilmiş imza vərəqələrinin sayını və oradakı imzaların sayını göstərməklə, sənədlərin qəbulu barədə yazılı arayış verir.

imzaların toplanması zamanı bu Qanunun 5.2-2-ci, 6.8-ci və 6.9-cu maddələrinin tələblərinin pozulması;

7-1

Maddə 7-1. Vətəndaşların qanunvericilik təşəbbüsü hüququndan istifadəsinin elektron qaydada təşkili

7-1.1

7-1.1. Təşəbbüs qrupunun və təklif olunan layihənin qeydiyyata alınması üçün təşəbbüs qrupunun sədri tərəfindən bu Qanunun 5.1-ci və 5.2-ci maddələrində qeyd edilən sənədlərin və məlumatların Mərkəzi Seçki Komissiyasına təqdim edilməsi, habelə layihənin dəstəklənməsi üçün vətəndaşların imzalarının toplanılması qanunvericilik təşəbbüsü hüququndan istifadə, dövlət informasiya sistemlərinin və ehtiyatlarının fəaliyyəti, eləcə də elektron imza və elektron sənəd sahələrində yaranan münasibətləri tənzimləyən Azərbaycan Respublikasının normativ hüquqi aktlarının tələblərinə uyğun olaraq EHİS üzərindən həyata keçirilə bilər.

7-1.2

7-1.2. Bu Qanunun 5.6-cı maddəsində qeyd edilən sənədlər, habelə bu Qanunun 7.2-ci, 7.6-cı və 7.10-cu maddələrində qeyd edilən yazılı arayış, protokol və qərarlar Mərkəzi Seçki Komissiyası tərəfindən qanunvericilik təşəbbüsü hüququndan istifadə, dövlət informasiya sistemlərinin və ehtiyatlarının fəaliyyəti, eləcə də elektron imza və elektron sənəd sahələrində yaranan münasibətləri tənzimləyən Azərbaycan Respublikasının normativ hüquqi aktlarının tələblərinə uyğun olaraq təşəbbüs qrupu sədrinin EHİS-dəki elektron kabinetində yerləşdirilir və təşəbbüs qrupunun sədri bu barədə elektron poçt və ya SMS vasitəsilə məlumatlandırılır.

Bu dəyişikliyin təsir dairəsi

Bu sənəddəki digər dəyişikliklər