Azərbaycan Respublikasının Cinayət Məcəlləsində və “Terrorçuluğa qarşı mübarizə haqqında” Azərbaycan Respublikasının Qanununda dəyişiklik edilməsi barədə

AktivNöv: Qanun·Qəbul edən orqan: Prezident·Dərc tarixi: 8 may 2026

XülasəAI

Dəyişiklik Cinayət Məcəlləsinə yeni 214-4-cü maddəni ("Terror təşkilatı yaratma, ona rəhbərlik etmə və ya onun fəaliyyətində iştirak etmə") əlavə edir: təşkilat yaratma və ya rəhbərlik 10-14 il, üzvlük və ya fəaliyyətdə iştirak isə 7-12 il azadlıqdan məhrumetmə ilə cəzalandırılır; hakimiyyəti vaxtında xəbərdar edən şəxs cinayət məsuliyyətindən azad edilir. Məcəllənin 214-1 (terrorçuluğu maliyyələşdirmə) və 214-2 (açıq çağırışlar) maddələrində, habelə "Terrorçuluğa qarşı mübarizə haqqında" Qanunun 1-ci maddəsindəki "terrorçuluğun maliyyələşdirilməsi" anlayışında istinad edilən maddələr siyahısına 214-4, 219-1, 219-2, 226, 227, 227-1, 270-1, 278, 280 və 283-1-ci maddələr əlavə olunur. Məcəllənin 282-ci maddəsi ("Təxribat") yeni redaksiyada verilir: 282.1-də obyektlərin siyahısı (kritik informasiya infrastrukturu, enerji və nəqliyyat infrastrukturu, telekommunikasiya şəbəkələri) və hərəkət üsulları (süni intellekt texnologiyaları, xüsusi proqram təminatları daxil olmaqla) genişləndirilir, 282.2-də ağırlaşdırıcı hallara mütəşəkkil dəstə ilə yanaşı cinayətkar birlik, fövqəladə/hərbi vəziyyət, qulluq mövqeyindən istifadə və ehtiyatsızlıqdan ağır nəticələr əlavə edilir, həmçinin maddəyə hakimiyyəti xəbərdar edən şəxsin məsuliyyətdən azad olunmasını nəzərdə tutan qeyd əlavə olunur.

7 dəyişiklikdən 7-si maddə-maddə izlənir.

Hədəf akt 1 / 2

Bu dəyişikliyin təsir dairəsi

Dəyişiklik başqa qanunların istinad etdiyi 3 maddəyə toxunur. Bu maddələrə istinad edən aktlar da təsirlənə bilər.

Azərbaycan Respublikasının Cinayət Məcəlləsi

Maddə 214-1

214-1

Əldə olunma mənbəyindən asılı olmayaraq, pul vəsaitlərinin və ya digər əmlakın tamamilə və yaxud qismən, bilavasitə və ya dolayısı ilə bu Məcəllənin 102, 214, 214-2, 214-3, 214-4, 215, 219, 219-1, 219-2, 226, 227, 227-1, 270-1, 277, 278, 279, 280, 282 və 283-1-ci maddələrində nəzərdə tutulmuş əməllərin şəxs və ya qrup (dəstə, təşkilat) tərəfindən hazırlanmasının, təşkil olunmasının və ya törədilməsinin, yaxud terrorçunun və ya terrorçu qrupun (dəstənin, təşkilatın) maliyyələşdirilməsi üçün istifadə olunacağım bilərək pul vəsaitlərinin və ya digər əmlakın qəsdən toplanılması və ya verilməsi -

Maddə 214-2

214-2

Bu Məcəllənin 102, 214, 214-3, 214-4, 215, 219, 219-1, 226, 227, 277, 279 və ya 282-ci maddələrində nəzərdə tutulmuş əməllərin törədilməsinə açıq çağırışlar etmə, habelə bu cür məzmunlu materiallar yayma -

214-4

Maddə 214-4. Terror təşkilatı yaratma, ona rəhbərlik etmə və ya onun fəaliyyətində iştirak etmə

214-4.1

214-4.1. Bu Məcəllənin 102, 214, 214-1, 214-3, 215, 219, 219-1, 219-2, 226, 227, 227-1, 270-1, 277, 278, 280 və 282-ci maddələrində nəzərdə tutulmuş əməllərin törədilməsi məqsədilə terror təşkilatı yaratma, yaxud həmin təşkilata və ya onun struktur bölməsinə rəhbərlik etmə – on ildən on dörd ilədək müddətə azadlıqdan məhrum etmə ilə cəzalandırılır.

214-4.2

214-4.2. Terror təşkilatına üzv olma və ya onun fəaliyyətində iştirak etmə – yeddi ildən on iki ilədək müddətə azadlıqdan məhrum etmə ilə cəzalandırılır. Qeyd: Bu Məcəllənin 214-4.2-ci maddəsində nəzərdə tutulan əməli törətmiş şəxs hakimiyyət orqanlarını vaxtında xəbərdar etməklə və ya başqa üsulla cinayət əməllərinin qarşısının alınmasına, terror təşkilatını yaratmış, ona rəhbərlik etmiş, fəaliyyətində iştirak etmiş və ya onu maliyyələşdirmiş şəxslərin aşkar edilməsinə yardım etdikdə və onun əməlində başqa cinayətin tərkibi olmadıqda, cinayət məsuliyyətindən azad edilir.

Maddə 282

282

Qeyd: Bu Məcəllənin 282-ci maddəsi ilə nəzərdə tutulan əməlin hazırlanmasında iştirak etmiş şəxs hakimiyyət orqanlarını vaxtında xəbərdar etməklə və ya başqa üsulla bu cür əməlin qarşısının alınmasına yardım etdikdə və onun əməlində başqa cinayətin tərkibi olmadıqda, cinayət məsuliyyətindən azad edilir.

282.1

Azərbaycan Respublikasının müdafiə qabiliyyətini və iqtisadi təhlükəsizliyini zəiflətmək məqsədilə müəssisələrin, qurğuların, yolların, əlaqə və rabitə vasitələrinin, əhalinin həyat təminatı obyektlərinin dağıdılmasına, yaxud zədələnməsinə yönəldilən partlayışlar, yanğınlar və sair hərəkətlər törətmə, həmçinin eyni məqsədlə kütləvi surətdə zəhərləmə və ya insanlar və heyvanlar arasında yoluxucu xəstəliklər yayma—Azərbaycan Respublikasının müdafiə qabiliyyətini, iqtisadi təhlükəsizliyini və elmi-texniki potensialını zəiflətmək məqsədilə əhalinin həyat təminatı və kritik informasiya infrastrukturu obyektlərinin, enerji və nəqliyyat infrastrukturunun, telekommunikasiya şəbəkələrinin, müəssisələrin, qurğuların məhv edilməsinə, zədələnməsinə və ya normal fəaliyyətinin pozulmasına, əhalinin sağlamlığına və ətraf mühitə zərər vurulmasına yönəldilən partlayış, yanğın törətmə, kütləvi zəhərləmə, yoluxucu xəstəliklər yayma, yaxud eyni məqsədlə əməli süni intellekt texnologiyalarından, habelə xüsusi proqram təminatlarından istifadə etməklə törətmə və ya digər hərəkətlər etmə –";

282.2

~~Eyni əməllər mütəşəkkil dəstə tərəfindən törədildikdə—~~Eyni əməllər: 282.2.1. mütəşəkkil dəstə və ya cinayətkar birlik tərəfindən törədildikdə; 282.2.2. fövqəladə və ya hərbi vəziyyət, sosial xarakterli fövqəladə mühit rejimi, habelə kütləvi iğtişaşlar zamanı törədildikdə; 282.2.3. şəxs tərəfindən öz qulluq mövqeyindən istifadə etməklə törədildikdə; 282.2.4. ehtiyatsızlıqdan insan ölümünə və ya digər ağır nəticələrə səbəb olduqda –

Hədəf akt 2 / 2

Terrorçuluğa qarşı mübarizə haqqında

Maddə 1

terrorçuluğun maliyyələşdirilməsi - əldə olunma mənbəyindən asılı olmayaraq, pul vəsaitlərinin və ya digər əmlakın tamamilə və yaxud qismən, bilavasitə və ya dolayısı ilə Azərbaycan Respublikası Cinayət Məcəlləsinin 102, 214, 214-2, 214-3,214-4, 215, 219, 219-1, 219-2, 226, 227, 227-1, 270-1, 277, 278, 279, 280, 282 və 283-1-ci maddələrində nəzərdə tutulmuş əməllərin şəxs və ya qrup (dəstə, təşkilat) tərəfindən hazırlanmasının, təşkil olunmasının və ya törədilməsinin, yaxud terrorçunun və ya terrorçu qrupun (dəstənin, təşkilatın) maliyyələşdirilməsi üçün istifadə olunacağını bilərək pul vəsaitlərinin və ya digər əmlakın qəsdən toplanılması və ya verilməsidir;