1. "Neft-qaz sahəsində fəaliyyəti olan və ya dövlət sektoruna aid edilən, habelə "Yaşıl dəhliz" buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə məlumat forması"nın təsdiq edilməsi haqqında" Azərbaycan Respublikası İqtisadiyyat Nazirliyinin Kollegiyasının 2022-ci il 14 mart tarixli 6 nömrəli Qərarında dəyişikliklər təsdiq edilsin (əlavə olunur).
2. Hüquq şöbəsinin müdiri Tural İsgəndərova tapşırılsın ki, bu Qərarın Azərbaycan Respublikasının Hüquqi Aktların Dövlət Reyestrinə daxil edilməsi məqsədilə 3 gün müddətində Azərbaycan Respublikasının Ədliyyə Nazirliyinə göndərilməsi üçün zəruri tədbirlərin görülməsini təmin etsin.
3. İctimaiyyətlə əlaqələr şöbəsinin müdiri Leyla Zamanovaya tapşırılsın ki, bu Qərarın Hüquqi Aktların Dövlət Reyestrinə daxil edildikdən (Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş "İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə"nin 5.5-ci bəndi nəzərə alınmaqla) sonra 72 saat müddətində rəsmi dövri mətbu nəşrdə dərc edilməsi və Azərbaycan Dövlət İnformasiya Agentliyinin (AZƏRTAC-ın) informasiya ehtiyatında, eləcə də qüvvəyə mindiyi gündən Azərbaycan Respublikası İqtisadiyyat Nazirliyinin internet informasiya ehtiyatında yerləşdirilməsi üçün zəruri tədbirlərin görülməsini təmin etsin.
4. Kollegiyanın məsul katibi, Daxili nəzarət şöbəsinin müdir müavini Elnur Əliyevə tapşırılsın ki, bu Qərarın surətinin göndərilmə siyahısına uyğun çatdırılmasını təmin etsin.
5. Bu Qərarın icrasına nəzarəti öz üzərimdə saxlayıram.
Əsas: Azərbaycan Respublikası İqtisadiyyat Nazirliyinin Kollegiya iclasının protokolu. Sədr, İqtisadiyyat naziri Mikayıl Cabbarov Azərbaycan Respublikası İqtisadiyyat Nazirliyinin Kollegiyasının 2025-ci il 17 noyabr tarixli 14 nömrəli Qərarı ilə təsdiq edilmişdir. "Neft-qaz sahəsində fəaliyyəti olan və ya dövlət sektoruna aid edilən, habelə "Yaşıl dəhliz" buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə məlumat forması"nın təsdiq edilməsi haqqında" Azərbaycan Respublikası İqtisadiyyat Nazirliyinin Kollegiyasının 2022-ci il 14 mart tarixli 6 nömrəli Qərarında dəyişikliklər "Neft-qaz sahəsində fəaliyyəti olan və ya dövlət sektoruna aid edilən, habelə "Yaşıl dəhliz" buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə məlumat forması"nın təsdiq edilməsi haqqında" Azərbaycan Respublikası İqtisadiyyat Nazirliyinin Kollegiyasının 2022-ci il 14 mart tarixli 6 nömrəli Qərarında aşağıdakı dəyişikliklər edilsin:
1. adında "forması" sözü "formasının və təqdim edilmə qaydasının" sözləri ilə əvəz edilsin.
2. həmin Qərarla təsdiq edilmiş "Neft-qaz sahəsində fəaliyyəti olan və ya dövlət sektoruna aid edilən, habelə "Yaşıl dəhliz" buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə məlumat forması" yeni redaksiyada təsdiq edilsin (əlavə olunur).
3. aşağıdakı məzmunda 1-1-ci hissə əlavə edilsin:
"1-1. Bu Qərarla təsdiq edilmiş "Neft-qaz sahəsində fəaliyyəti olan və ya dövlət sektoruna aid edilən, habelə "Yaşıl dəhliz" buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə məlumat forması" vergi ödəyiciləri tərəfindən Dövlət Vergi Xidmətinin informasiya sistemində yaradılan elektron kabinet vasitəsilə doldurularaq vergi orqanına təqdim edilir.". Azərbaycan Respublikası İqtisadiyyat Nazirliyinin Kollegiyasının 2025-ci il 17 noyabr tarixli 14 nömrəli qərarı ilə təsdiq edilmişdir. Neft-qaz sahəsində fəaliyyəti olan və ya dövlət sektoruna aid edilən, habelə "Yaşıl dəhliz" buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə MƏLUMAT FORMASI
1. Məlumat formasının təqdim edildiyi vergi orqanı:
2. Vergi ödəyicisinin VÖEN-i:
3. Vergi ödəyicisinin adı:
4. Qısa idxal bəyannaməsinin (və ya gömrük bəyannaməsinin) nömrəsi:
5. İdxal ediləcək malların saxlanılacağı (boşaldılacağı) yer və ya malların sifarişçiləri barədə məlumat
5.1. Mallar digər şəxslərə məxsus yerlərdə məsuliyyətli mühafizəyə və ya saxlanca verildiyi halda tərəflər arasında bağlanmış müqavilə və malların saxlanma yeri barədə S/S Saxlama müqaviləsi barədə Malların saxlanma yeri barədə Saxlayıcının adı Saxlayıcının VÖEN-i Müqavilənin tarixi Müqavilənin nömrəsi Təsərrüfat subyektinin (obyektinin) adı Təsərrüfat subyektinin (obyektinin) vergi orqanındakı uçot kodu Təsərrüfat subyektinin (obyektinin) yerləşdiyi ünvan
5.2. Mallar sifariş əsasında gətirildiyi halda sifariş verən şəxslər və hər bir sifarişçi üzrə sifarişin məbləği barədə S/S Sifariş verən vergi ödəyicisi barədə Sifariş verən vergi ödəyicisi olmayan fiziki şəxs barədə Sifarişin məbləği Adı VÖEN-i Adı, soyadı, atasının adı FİN-i 6. Məlumat formasını tərtib edən səlahiyyətli şəxsin:
6.1. soyadı
6.2. adı
6.3. atasının adı M. Y.
6.4. məlumatın təqdim edilmə tarixi 6.6.
6.5. imzası _______________________ Qeyd 1: Bu məlumat forması Azərbaycan Respublikası Vergi Məcəlləsinin 16.1.11-11-ci maddəsinə əsasən malların gömrük nəzarətindən çıxdığı vaxtadək (hava nəqliyyatı ilə daşınan malların gömrük nəzarətindən çıxdığı vaxtdan 1 iş günü müddətində) təqdim edilir. Qeyd 2: Mallar sifariş əsasında gətirildiyi halda belə həmin malların saxlanılacağı (boşaldılacağı) yer barədə məlumatlar bu məlumat formasının müvafiq olaraq 5.1 bəndində qeyd olunmalıdır. Sifariş verən vergi ödəyicisi olmayan fiziki şəxsə məxsus mallar vergi orqanında uçota alınmayan təsərrüfat subyektində (obyektində) saxlanılacağı (boşaldılacağı) halda isə bu məlumat formasının 5.1-ci bəndinin "Təsərrüfat subyektinin (obyektinin) yerləşdiyi ünvan" xanası doldurulmalıdır. Qeyd 3: Vergi ödəyicisinin vergi orqanında uçota alınmış bir və ya bir neçə təsərrüfat subyekti (obyekti) olduğu halda bu məlumat forması vergi orqanına təqdim edilmir. Bu halda idxal edilmiş mallar həmin təsərrüfat subyektinə (obyektinə) və ya təsərrüfat subyektlərinə (obyektlərinə) boşaldılmış hesab olunur. Azərbaycan Respublikası Vergi Məcəlləsinin 16.1.11-11-ci maddəsinin tələbləri qeyri-sahibkarlıq və şəxsi istifadə üçün idxal olunan mallara şamil edilmir.