1. "Bina tikintisi fəaliyyəti ilə məşğul olan şəxslər tərəfindən yaşayış və qeyri-yaşayış sahələrinin təqdim edilməsi ilə bağlı hər bina üzrə verilməli məlumatın forması"nın, "Transmilli şirkətlər qrupuna daxil olan Azərbaycan Respublikasının rezidenti olan müəssisənin hesabatının vergi orqanına təqdim edilməsi müddəti, forması və qaydası"nın, "Üzləşmə aktının forması"nın və "Kredit və ya elektron pul təşkilatları tərəfindən vergi ödəyicilərinin hesabları üzrə aparılmış əməliyyatlar barədə elektron qaydada təqdim olunan məlumat forması"nın təsdiq edilməsi haqqında" Azərbaycan Respublikası İqtisadiyyat Nazirliyinin Kollegiyasının 2020-ci il 28 aprel tarixli 1 nömrəli Qərarında dəyişikliklər təsdiq edilsin (əlavə olunur).
2. Hüquq şöbəsinin müdiri Tural İsgəndərova tapşırılsın ki, bu Qərarın Azərbaycan Respublikasının Hüquqi Aktların Dövlət Reyestrinə daxil edilməsi məqsədilə 3 gün müddətində Azərbaycan Respublikasının Ədliyyə Nazirliyinə göndərilməsi üçün zəruri tədbirlər görülməsini təmin etsin.
3. İctimaiyyətlə əlaqələr şöbəsinin müdiri Leyla Zamanovaya tapşırılsın ki, bu Qərarın Hüquqi Aktların Dövlət Reyestrinə daxil edildikdən (Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş "İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə"nin 5.5-ci bəndi nəzərə alınmaqla) sonra 72 saat müddətində rəsmi dövri mətbu nəşrdə dərc edilməsi və Azərbaycan Dövlət İnformasiya Agentliyinin (AZƏRTAC-ın) informasiya ehtiyatında, eləcə də qüvvəyə mindiyi gündən Azərbaycan Respublikası İqtisadiyyat Nazirliyinin internet informasiya ehtiyatında yerləşdirilməsi üçün zəruri tədbirlərin görülməsini təmin etsin.
4. Kollegiyanın məsul katibi, Daxili nəzarət şöbəsinin müdir müavini Elnur Əliyevə tapşırılsın ki, bu Qərarın surətinin göndərilmə siyahısına uyğun çatdırılmasını təmin etsin.
5. Bu Qərarın icrasına nəzarəti öz üzərimdə saxlayıram.
Əsas: Azərbaycan Respublikası İqtisadiyyat Nazirliyinin Kollegiya iclasının protokolu. Sədr, İqtisadiyyat naziri Mikayıl Cabbarov Azərbaycan Respublikası İqtisadiyyat Nazirliyinin Kollegiyasının 2025-ci il 17 noyabr tarixli 13 nömrəli Qərarı ilə təsdiq edilmişdir. "Bina tikintisi fəaliyyəti ilə məşğul olan şəxslər tərəfindən yaşayış və qeyri-yaşayış sahələrinin təqdim edilməsi ilə bağlı hər bina üzrə verilməli məlumatın forması"nın, "Transmilli şirkətlər qrupuna daxil olan Azərbaycan Respublikasının rezidenti olan müəssisənin hesabatının vergi orqanına təqdim edilməsi müddəti, forması və qaydası"nın, "Üzləşmə aktının forması"nın və "Kredit və ya elektron pul təşkilatları tərəfindən vergi ödəyicilərinin hesabları üzrə aparılmış əməliyyatlar barədə elektron qaydada təqdim olunan məlumat forması"nın təsdiq edilməsi haqqında" Azərbaycan Respublikası İqtisadiyyat Nazirliyinin Kollegiyasının 2020-ci il 28 aprel tarixli 1 nömrəli Qərarında dəyişikliklər
1. Qərarın adında və 2-ci hissəsində "Respublikasının rezidenti olan müəssisənin hesabatının" sözləri "Respublikasında vergi uçotuna alınmış vergi ödəyicisi tərəfindən hesabatın və bildirişin" sözləri ilə əvəz edilsin.
2. Həmin Qərarla təsdiq edilmiş "Transmilli şirkətlər qrupuna daxil olan Azərbaycan Respublikasının rezidenti olan müəssisənin hesabatının vergi orqanına təqdim edilməsi müddəti, forması və Qaydası" üzrə:
2.1. Adında "Respublikasının rezidenti olan müəssisənin hesabatının" sözləri "Respublikasında vergi uçotuna alınmış vergi ödəyicisi tərəfindən hesabatın və bildirişin" sözləri ilə əvəz edilsin;
2.2. 1-ci hissədə "Respublikasının rezidenti olan müəssisə" sözləri "Respublikasında vergi uçotuna alınmış vergi ödəyicisi" sözləri ilə əvəz edilsin və həmin hissəyə "hesabatın" sözündən sonra "və bildirişin" sözləri əlavə edilsin;
2.3. 2.0.1-ci yarımbənddə və 3.1-ci bənddə "Respublikasının rezidenti olan müəssisə" sözləri "Respublikasında vergi uçotuna alınmış vergi ödəyicisi" sözləri ilə əvəz edilsin;
2.4. 4.0-cı bənddə "Respublikasının rezidenti" sözləri "Respublikasında vergi uçotuna alınmış vergi ödəyicisi" sözləri ilə əvəz edilsin.
3. "Transmilli şirkətlər qrupuna daxil olan Azərbaycan Respublikasının rezidenti olan müəssisənin hesabatının vergi orqanına təqdim edilməsi müddəti, forması və qaydası"na 1 nömrəli Əlavə üzrə:
3.1. Yuxarı sağ küncündə "Respublikasının rezidenti olan müəssisənin hesabatının" sözləri "Respublikasında vergi uçotuna alınmış vergi ödəyicisi tərəfindən hesabatın və bildirişin" sözləri ilə əvəz edilsin;
3.2 "Ölkələrarası hesabatın tərtib edilməsi Qaydası"nın preambulasının 2-ci abzasında "Respublikasının rezidenti" sözləri "Respublikasında vergi uçotuna alınmış vergi ödəyicisi" sözləri ilə əvəz edilsin.
4. "Transmilli şirkətlər qrupuna daxil olan Azərbaycan Respublikasının rezidenti olan müəssisənin hesabatının vergi orqanına təqdim edilməsi müddəti, forması və qaydası"na 2 nömrəli Əlavə üzrə:
4.1. Yuxarı sağ küncündə "Respublikasının rezidenti olan müəssisənin hesabatının" sözləri "Respublikasında vergi uçotuna alınmış vergi ödəyicisi tərəfindən hesabatın və bildirişin" sözləri ilə əvəz edilsin;
4.2. "Bildirişin tərtib edilməsi Qaydası"nın 1.4-cü bəndində "Respublikasının rezidenti olan müəssisənin hesabatının vergi orqanına təqdim edilməsi Qaydaları"nın 3-cü bəndinə" sözləri "Respublikasında vergi uçotuna alınmış vergi ödəyicisi tərəfindən hesabatın və bildirişin vergi orqanına təqdim edilməsi müddəti, forması və Qaydası"nın 3-cü hissəsinə" sözləri ilə əvəz edilsin.