AZƏRBAYCAN RESPUBLİKASININ ƏDLİYYƏ NAZİRLİYİ KOLLEGİYA QƏRARI № 3-16/1-KQ/13/2025 Bakı şəhəri 28 noyabr 2025-ci il "Xüsusi icra məmurunun şəxsi işinin aparılması qaydası"nın təsdiq edilməsi haqqında "Xüsusi icra məmurları haqqında" Azərbaycan Respublikasının 2025-ci il 14 iyul tarixli 248-VIIQ nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında və Sərəncamında dəyişiklik edilməsi barədə" Azərbaycan Respublikası Prezidentinin 2025-ci il 13 avqust tarixli 478 nömrəli Fərmanının 3.1.1.4-cü abzasının icrasını təmin etmək məqsədilə Azərbaycan Respublikası Prezidentinin 2006-cı il 18 aprel tarixli 391 nömrəli Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"nin 19-cu hissəsini rəhbər tutaraq Kollegiya QƏRARA ALIR:
1. "Xüsusi icra məmurunun şəxsi işinin aparılması qaydası" təsdiq edilsin (əlavə olunur).
2. Bu qərarın Azərbaycan Respublikasının Hüquqi Aktların Dövlət Reyestrinə daxil edilməsi təmin olunsun (E. Nəsibov).
3. Bu qərar Azərbaycan Respublikasının Hüquqi Aktların Dövlət Reyestrinə daxil edildikdən sonra 72 saat müddətində rəsmi dərc edilməsi üçün zəruri tədbirlər görülsün (L. Hüseynzadə).
4. Nazirliyin Sənəd dövriyyəsi və vətəndaşların müraciətləri ilə iş idarəsi bu qərarla bağlı məlumatlandırmanı həyata keçirsin.
5. Bu qərarın 1-ci hissəsi 2026-cı il yanvarın 1-dən qüvvəyə minir.
Kollegiyanın sədri, Nazir III dərəcəli dövlət ədliyyə müşaviri Fərid Əhmədov
Azərbaycan Respublikası Ədliyyə Nazirliyinin Kollegiyasının 2025-ci il 28 noyabr tarixli 3-16/1-KQ/13/2025 nömrəli qərarı ilə təsdiq edilmişdir.
XÜSUSİ İCRA MƏMURUNUN ŞƏXSİ İŞİNİN APARILMASI QAYDASI
1. Ümumi müddəalar
1.1. Bu Qayda "Xüsusi icra məmurları haqqında" Azərbaycan Respublikası Qanununun 13.5-ci maddəsinə əsasən hazırlanmışdır və xüsusi icra məmurunun şəxsi işinin aparılması qaydasını müəyyən edir.
1.2. Xüsusi icra məmurunun şəxsi işinə onun fərdi məlumatları, xüsusi icra məmuru şəhadətnaməsinin (bundan sonra — şəhadətnamə) verilməsi, fəaliyyəti, şəhadətnamənin ləğv edilməsi ilə əlaqədar olan sənədlər və məlumatlar daxil edilir.
1.3. Xüsusi icra məmurunun fəaliyyəti ərzində yalnız bir şəxsi işi tərtib edilir və aparılır.
1.4. Xüsusi icra məmurunun şəxsi işi Azərbaycan Respublikası Ədliyyə Nazirliyinin İnsan resursları idarəsi (bundan sonra — İnsan resursları idarəsi) tərəfindən aparılır. İnsan resursları idarəsi xüsusi icra məmurunun şəxsi işində olan məlumatların mühafizəsini, o cümlədən həmin məlumatlardan qeyri-qanuni istifadəyə yol verilməməsini təmin edir.
1.5. Xüsusi icra məmurunun şəxsi işi ilə tanış olmaq səlahiyyətinə onun özü və İnsan resursları idarəsində çalışan şəxslər malikdirlər. Digər şəxslərin xüsusi icra məmurunun şəxsi işi ilə tanış olması "Fərdi məlumatlar haqqında" və "İnformasiya əldə etmək haqqında" Azərbaycan Respublikasının qanunlarına uyğun həyata keçirilir.
1.6. Xüsusi icra məmurunun fərdi məlumatları şəxsin özündən alınır. Xüsusi icra məmuruna aid fərdi məlumatların digər mənbədən alınmasına "Fərdi məlumatlar haqqında" Azərbaycan Respublikası Qanununun 8.1-ci maddəsinə uyğun olaraq onun razılığı əsasında yol verilir. Bu bənddə nəzərdə tutulan tələblər dövlət informasiya ehtiyatlarından və sistemlərindən əldə edilən fərdi məlumatlara aid edilmir.
1.7. Xüsusi icra məmuruna aid fərdi məlumatlar açıq mənbələrdən daxil olduqda və ya dövlət informasiya ehtiyatlarından və sistemlərindən əldə edildikdə xüsusi icra məmuruna həmin məlumatların tərkibi və mənbəyi bildirilir.
1.8. Xüsusi icra məmurunun siyasi, dini və digər baxışları, şəxsi həyatı, o cümlədən həmkarlar ittifaqlarına və ictimai birliklərə üzvlüyü barədə məlumatların və qanunla əldə edilməsinə yol verilməyən digər məlumatların toplanılmasına, həmin məlumatların işlənilməsinə və şəxsi işə tikilməsinə yalnız "Məlumat azadlığı haqqında" Azərbaycan Respublikası Qanununun 13-cü maddəsi ilə müəyyən edilən hallarda yol verilir.
2. ŞƏXSİ İŞİN TƏRTİB EDİLMƏSİ VƏ APARILMASI
2.1. Xüsusi icra məmurunun şəxsi işi üç hissədən ibarət olmaqla tərtib edilir. Xüsusi icra məmurunun şəxsi işinə sənədlər aidiyyəti hissələrə ardıcıl tikilir, şəxsi işin səhifələri
nömrələnir və hər bir hissədə saxlanılan sənədlərin qeydiyyatı bu Qaydanın 1 nömrəli əlavəsinə uyğun aparılır.
2.2. Xüsusi icra məmurunun şəxsi işinin birinci hissəsinə aşağıdakı sənədlər tikilir:
2.2.1. kadrlar uçotunun şəxsi vərəqəsi (2 nömrəli əlavə);
2.2.2. tərcümeyi-hal;
2.2.3. İnsan resursları idarəsinin tərtib etdiyi bioqrafik arayış (3 nömrəli əlavə).
2.3. Xüsusi icra məmurunun şəxsi işinin ikinci hissəsinə aşağıdakı sənədlər tikilir:
2.3.1. İnsan resursları idarəsinin tərtib etdiyi xüsusi icra məmurunun şəxsi vərəqəsi (4 nömrəli əlavə);
2.3.2. "Xüsusi icra məmurları haqqında" Azərbaycan Respublikası Qanununun 8-ci və 9-cu maddələrinə uyğun olaraq, xüsusi icra məmuru vəzifəsinin tutulması üçün müraciət və müsabiqənin, habelə ilkin icbari hazırlıq və stajın nəticəsinə dair sənədlər;
2.3.3. şəhadətnamənin surəti;
2.3.4. müvəqqəti əvəz edilməsi və fəaliyyətini dayandırması haqqında sənədlərin surəti;
2.3.5. fəaliyyətinə xitam verilməsi haqqında sənədlərin surəti;
2.3.6. xüsusi icra məmurunun imzaladığı xüsusi icra məmurunun andı;
2.3.7. dövlət təltiflərinin (orden və medalların), fəxri adların, dövlət mükafatlarının, fərdi mükafatların verilməsini təsdiq edən rəsmi sənədlərin surəti;
2.3.8. intizam tənbehi tədbirlərinin tətbiq edilməsi ilə bağlı sənədlərin surəti;
2.3.9. fəaliyyətinin monitorinqi və yoxlanılması barədə sənədlər;
2.3.10. şəxsi, ailə, dövlət, peşə, həkim, bank, sığorta, kommersiya və ya vergi sirrini təşkil edən, habelə qiymətli kağız mülkiyyətçilərinə dair məlumatları, həmçinin digər konfidensial informasiyanı və peşə fəaliyyətinin həyata keçirilməsi ilə əlaqədar ona məlum olan məlumatları yaymamaq barədə öhdəlik;
2.3.11. peşə məsuliyyətinin sığortası müqaviləsinin surəti;
2.3.12. seçkili orqanların işində iştirakı haqqında məlumatlar.
2.4. Xüsusi icra məmurunun şəxsi işinin üçüncü hissəsinə aşağıdakı sənədlər tikilir:
2.4.1. şəxsiyyət vəsiqəsinin surəti;
2.4.2. təhsili haqqında, habelə əlavə təhsil (o cümlədən ixtisasının və peşə hazırlığının artırılması məqsədilə keçdiyi dövri təlimlər), elmi dərəcə və elmi adların verilməsi haqqında rəsmi sənədlərin surəti;
2.4.3. Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin "Əmək və məşğulluq" altsistemindən əmək müqavilələrinə dair çıxarış, Azərbaycan Respublikası Əmək Məcəlləsinin 7-ci maddəsinin 2-1-ci hissəsi ilə müəyyən edilmiş hallarda, eləcə də 2014-cü il iyulun 1-dək xitam verilmiş əmək müqavilələrinə münasibətdə isə əmək kitabçasının surəti, habelə hərbi xidmət keçməsini təsdiq edən sənədlərin surəti;
2.4.4. hərbi qeydiyyat haqqında sənədlərin (hərbi vəzifəlilər və çağırışçılar üçün) surəti;
2.4.5. xüsusi icra məmurunun xidməti vəsiqəsinin surəti;
2.4.6. sağlamlıq haqqında tibbi arayış;
2.4.7. xüsusi icra məmurunun soyadı, adı və ata adı dəyişmişdirsə, buna dair qəbul edilmiş sənəd;
2.4.8. xüsusi icra məmurunun şəxsi işi ilə tanış olduqdan sonra yazılı izahatları olduqda, həmin sənədlər;
2.4.9. şəxsi xarakterizə edən digər sənədlərin surətləri.
2.5. Xüsusi icra məmuru, Xüsusi İcra Məmurlarının Reyestrində olan məlumatlar istisna olmaqla, onun barəsində məlumatlarda və sənədlərdə hər hansı bir dəyişiklik baş verdikdə, 10 iş günü müddətində həmin məlumatları və sənədləri İnsan resursları idarəsinə təqdim etməyə borcludur. Xüsusi icra məmurunun məzuniyyətdə olduğu, əmək qabiliyyətini müvəqqəti itirdiyi və digər üzrlü hesab edilən vaxt həmin müddətə daxil edilmir.
2.6. Bu Qaydanın 2.2.3-cü və 2.4.5-ci yarımbəndlərində göstərilən sənədlərin yenisi şəxsi işə daxil edilərkən şəxsi işdə mövcud olan əvvəlki analoji sənədlər onlarla əvəz edilir.
2.7. Şəxsi işin istifadəsini tənzimləmək məqsədilə onun tərkibinə nəzarət vərəqəsi əlavə edilir (5 nömrəli əlavə).
2.8. İnsan resursları idarəsi xüsusi icra məmurunun şəxsi işini kağız daşıyıcılarla yanaşı, elektron qaydada da apara bilər.
3. ŞƏXSİ İŞİNDƏ SAXLANILAN FƏRDİ MƏLUMATLARLA ƏLAQƏDAR XÜSUSİ İCRA MƏMURUNUN HÜQUQLARI
3.1. Şəxsi işində saxlanılan fərdi məlumatlarla əlaqədar xüsusi icra məmurunun aşağıdakı hüquqları vardır:
3.1.1. öz fərdi məlumatları və bu məlumatların işlənilməsi barədə informasiya almaq;
3.1.2. öz fərdi məlumatları ilə tanış olmaq;
3.1.3. dürüst və tam olmayan fərdi məlumatların, habelə qanunvericiliyin pozulması yolu ilə işlənilmiş məlumatların şəxsi işindən çıxarılmasını və ya onlara müvafiq düzəliş edilməsini və qiymətləndirmə xarakterli fərdi məlumatlara dair mövqeyini əks etdirən qeydinin şəxsi işinə əlavə edilməsini tələb etmək;
3.1.4. əvvəllər xüsusi icra məmuru barəsində dürüst və tam olmayan fərdi məlumatlar vermiş bütün şəxslərə onun şəxsi işində dəyişdirilmiş və ya düzəliş edilmiş məlumatlar barədə bildiriş göndərilməsini tələb etmək;
3.1.5. fərdi məlumatların qanunsuz toplanılması və işlənilməsi, mühafizəsinin təmin edilməməsi, habelə "Fərdi məlumatlar haqqında" Azərbaycan Respublikası Qanununun tələblərinə əməl olunmaması nəticəsində onun hüquqları pozulduğu hallarda, həmin Qanunun 7.4-cü maddəsi ilə müəyyən edilmiş qaydada şikayət etmək, habelə ona vurulmuş mənəvi və maddi ziyanın ödənilməsini məhkəmə qaydasında tələb etmək.
4. ŞƏXSİ İŞİN APARILMASI İLƏ ƏLAQƏDAR İNSAN RESURSLARI İDARƏSİNİN ƏSAS VƏZİFƏLƏRİ
4.1. İnsan resursları idarəsinin xüsusi icra məmurunun şəxsi işinin aparılması ilə əlaqədar əsas vəzifələri aşağıdakılardır:
4.1.1. bu Qaydanın 2.2-2.4-cü bəndlərində göstərilən sənədləri qəbul edərək və ya Xüsusi İcra Məmurlarının Reyestrindən əldə edərək bu Qaydanın tələblərinə cavab verməsini yoxlayıb şəxsi işə tikmək;
4.1.2. xüsusi icra məmurunun şəxsi işində olan məlumatların mühafizəsini, o cümlədən həmin məlumatlardan qeyri-qanuni istifadəyə yol verilməməsini təmin etmək;
4.1.3. xüsusi icra məmurunu onun müraciəti ilə şəxsi işindəki sənədlərlə tanış etmək.
4.2. Fərdi məlumatlar üçüncü şəxslərə, "Fərdi məlumatlar haqqında" Azərbaycan Respublikası Qanununun 5.2-ci və 13-cü maddələrinin tələbləri gözlənilməklə, yalnız xüsusi icra məmurunun razılığı əsasında verilə bilər.
4.3. Şəxsi işlər İnsan resursları idarəsində girişi möhürlənmiş xüsusi otaqda, bu məqsədlə xüsusi otaq ayrılmadıqda isə qapısı möhürlənmiş metal şkaflarda saxlanılır.
4.4. Fəaliyyətinə xitam verilmiş xüsusi icra məmurlarının şəxsi işləri xitam verilmə günündən etibarən "Milli arxiv fondu haqqında" Azərbaycan Respublikasının Qanunu ilə müəyyən edilmiş müddətdə İnsan resursları idarəsində saxlanılır.
5. YEKUN MÜDDƏALAR
5.1. Xüsusi icra məmurunun şəxsi işinin aparılması ilə bağlı tələblərin pozulmasında təqsirli olan şəxslər qanunvericiliklə nəzərdə tutulmuş qaydada məsuliyyət daşıyırlar.
"Xüsusi icra məmurunun şəxsi işinin aparılması Qaydası"na 1 nömrəli əlavə Üz tərəf Şəxsi işdə olan sənədlərin SİYAHISI (soyadı, adı, atasının adı) Sıra №- si Sənədin adı Sənədin şəxsi işə daxil edildiyi tarix Vərəqlərin sayı Sənədi kim və hansı səbəbə görə götürmüşdür Sənədin götürüldüyü tarix Sənədin Qaytarıldığı tarix 1 2 3 4 5 6 7 Arxa tərəf Sıra №- si Sənədin adı Sənədin şəxsi işə daxil edildiyi tarix Vərəqlərin sayı Sənədi kim və hansı səbəbə görə götürmüşdür Sənədin götürüldüyü tarix Sənədin qaytarıldığı tarix 1 2 3 4 5 6 7 Şəxsi iş tərtib edilmişdir Siyahı tərtib edilmişdir "____"____________20 __ il "____"____________ 20 __ il İmza __________________ İmza __________________
"Xüsusi icra məmurunun şəxsi işinin aparılması Qaydası"na 2 nömrəli əlavə KADRLAR UÇOTUNUN ŞƏXSİ VƏRƏQƏSİ Ağ fonda fotoşəkil (40 mm x 60 mm) Soyadınız _______________________________________ Adınız __________________________________________ Atanızın adı Soyadınızı, adınızı və ya atanızın adını dəyişmisinizsə, nə vaxt və hansı səbəbə görə Doğulduğunuz tarix (gün, ay, il) və yer (ölkə, şəhər, rayon, qəsəbə, kənd) Cinsiniz Vətəndaşlığınız (dəyişmisinizsə, nə vaxt və hansı səbəbə görə) Təhsiliniz (tam orta, peşə, orta ixtisas, ali) Təhsil müəssisəsinin adı, fakültə Təhsil dövrü Təhsil haqqında sənəd üzrə ixtisasınız və peşəniz Təhsil haqqında sənədin nömrəsi, verildiyi tarix (gün, ay, il) daxil olduğunuz tarix bitirdiyiniz tarix Əlavə təhsiliniz (ixtisasartırma, təkmilləşdirmə və s. kurslarda iştirak, o cümlədən ixtisasının və peşə hazırlığının artırılması məqsədilə keçdiyi dövri təlimlər) Təhsil müəssisəsinin adı Təhsil dövrü Təhsil proqramının adı (istiqaməti) Müvafiq təhsil sənədlərinin (diplom, sertifikat, arayış və s.) nömrəsi, verildiyi tarix (gün, ay, il) daxil olduğunuz tarix bitirdiyiniz tarix Elmi dərəcəniz və elmi adınız Elmi dərəcə, elmi ad (fəlsəfə doktoru, elmlər doktoru, dosent, professor) Verildiyi tarix Hansı qurum tərəfindən verilmişdir Diplomun, attestatın nömrəsi, verildiyi tarix Hansı xarici dilləri bilirsiniz və nə dərəcədə Dillər Bilmə dərəcəsi (zəif, yaxşı, sərbəst)
Əmək fəaliyyətinə başladığınız vaxtdan (hərbi xidmət və əvəzçilik üzrə iş də daxil olmaqla) iş yeriniz və Tarix (gün, ay, il) İş yeriniz (nazirliyin, idarənin, müəssisənin, təşkilatın adını vaxtilə olduğu kimi göstərməklə) daxil Vəzifəniz olduğunuz çıxdığınız Digər fəaliyyət növləriniz Tarix (gün, ay, il) Fəaliyyət növünün (sahibkarlıq və s.) adı başladığınız bitirdiyiniz Kompüter texnikasından istifadə və digər peşə (ixtisas) bacarıqlarınız Əmək (peşə) fəaliyyəti ilə bağlı konfrans, seminar və s. tədbirlərdə iştirakınız Dövlət təltifləriniz və mükafatlarınız, fəxri adlarınız (nə vaxt və nə ilə təltif edilmisiniz) Hərbi xidmətə münasibətiniz, hərbi rütbəniz və verildiyi tarix (gün, ay, il).
Cinayət məsuliyyətinə cəlb edilmisinizsə, nə vaxt və hansı əmələ görə Əlavə etmək istədiyiniz məlumat Şəxsiyyət vəsiqənizin seriyası, nömrəsi__________________________________________________ Fərdi identifikasiya nömrəniz (FİN)_____________________________________________________ Sosial sığorta nömrəniz (SSN)__________________________ Vergi ödəyicisinin eyniləşdirmə nömrəsi (VÖEN)__________________________ Bank hesab nömrələri________________________________________________________ Ofisinizin ünvanı_____________________________________________________________ Qeydiyyatda olduğunuz ünvan və ev telefonu ___________________________________________ Faktiki yaşadığınız ünvan və ev telefonu _______________________________________________ İş tel.: _______________________________ Mob. tel.: _____________________________ Elektron poçt ünvanınız _______________________________________________________________ Ailə vəziyyətiniz _____________________________________________________________________ Yaxın qohumlarınız (atanız, ananız, qardaşlarınız, bacılarınız, arvadınız* (əriniz), uşaqlarınız, qayınatanız, qayınananız, qayınlarınız, baldızlarınız) haqqında məlumat Qohumluq dərəcəsi Soyadı, adı, atasının adı Doğulduğu tarix (gün, ay, il) və yer İş yeri və vəzifəsi Qeydiyyatda olduğu ünvan
* Arvad ərinin soyadını daşıyırsa, onun əvvəlki soyadı da göstərilməlidir. Qeyd. Yaxın qohumlar haqqında qeyd yazılarkən işləməyən və vəfat etmiş şəxslərin sonuncu iş yerləri və vəzifələri göstərilməlidir. Yaxın qohumların vəfat etməsi barədə müvafiq qeyd ünvan bölməsində aparılmalıdır. Yaxın qohumların tələbə, şagird, azyaşlı olduğu və ya heç vaxt işləmədiyi hallarda, bu barədə müvafiq qeyd iş yeri və vəzifə bölməsində aparılmalıdır. "_____" _________________________ 20 ___ il ______________________________ vərəqənin doldurulduğu tarix vərəqəni dolduran şəxsin imzası Vərəqəni dolduran şəxs məlumatları düzgün qeyd etməli və bundan sonrakı bütün dəyişikliklər haqqında 10 iş günü müddətində İnsan resursları idarəsinə məlumat verməlidir.
"Xüsusi icra məmurunun şəxsi işinin aparılması Qaydası"na 3 nömrəli əlavə BİOQRAFİK ARAYIŞ Fotoşəkil ARAYIŞ (soyadı, adı, atasının adı) Nə vaxtdan fəaliyyət göstərir Doğulduğu tarix və yer Təhsili Bitirdiyi təhsil müəssisəsinin adı, bitirdiyi il Peşəsi, ixtisası Elmi dərəcəsi, elmi adı (fəlsəfə doktoru, elmlər doktoru, dosent, professor) Hansı xarici dilləri bilir Dövlət təltifləri və mükafatları, fəxri adları İntizam məsuliyyətinə cəlb olunması Seçki orqanlarında iştirakı Kompüter bilikləri ƏMƏK FƏALİYYƏTİ Sıra №-si İşlədiyi dövr İşlədiyi müəssisənin/təşkilatın adı Vəzifəsi DİGƏR FƏALİYYƏTİ Sıra №-si Fəaliyyət dövrü Fəaliyyət növü
"Xüsusi icra məmurunun şəxsi işinin aparılması Qaydası"na 4 nömrəli əlavə Üz tərəf XÜSUSİ İCRA MƏMURUNUN ŞƏXSİ VƏRƏQƏSİ ÜMUMİMƏLUMAT
1. Soyadı _________________________ Adı ___________________________ Atasının adı ___________________________
2. Doğulduğu tarix ____________________________________________________ (gün, ay, il)
3. Doğulduğu yer ____________________________________
4. Xarici dil bilməsi ______________________________________________________________________________________
5. Təhsil ______________________________________________________________________________________ (ali, orta ixtisas, peşə, tam orta) Təhsil müəssisəsinin adı Təhsil haqqında sənəd üzrə peşəsi, ixtisası Təhsil haqqında sənəd, seriyası, nömrəsi Bitirmə tarixi
6. Elmi dərəcəsi, elmi adı _________________________________________________________________________________ (fəlsəfə doktoru, elmlər doktoru, dosent, professor)
7. Ümumi iş stajı __________________ il _______________________ay ____________________gün Xüsusi icra məmuru kimi iş stajı _____________ il _________________ay ___________________gün
8. Ailə vəziyyəti _________________________________________________________________________________
9. Ailə tərkibi (ata, ana, qardaşlar, bacılar, arvad (ər), uşaqlar, qayınata, qayınana, qayınlar, baldızlar) Qohumluq dərəcəsi Soyadı, adı, atasının adı Doğulduğu il HƏRBİ QEYDİYYAT BARƏDƏ MƏLUMAT Qeydiyyat qrupu ________________________________ Hərbi qeydiyyata alındığı dövlət orqanının adı_________ Qeydiyyat kateqoriyası ___________________________ Hərbi qeydiyyata alındığı tarix ____________________ Hərbi rütbə _____________________________________ Ümumi (komanda nömrəsi) _______________________ Heyət Xüsusi __________________________________________
__________________________________________ Hərbi uçot ixtisası _______________________________ Hərbi vəzifəli olmaması barədə qeyd _______________ Hərbi xidmətə yararlıq ___________________________ _________________________________________________ Arxa tərəf ƏLAVƏ TƏHSİL, O CÜMLƏDƏN İXTİSASININ VƏ PEŞƏ HAZIRLIĞININ ARTIRILMASI MƏQSƏDİLƏ KEÇDİYİ DÖVRİ TƏLİMLƏR Tarix Təhsil proqramının adı (istiqaməti) Təhsil müəssisəsinin adı, yerləşdiyi yer Müvafiq təhsil sənədləri (diplom, sertifikat, arayış və s.) Əsas təhsil almağa başladığı tarix təhsili bitirmə tarixi adı seriya, nömrə tarix MƏZUNİYYƏT Məzuniyyətin növü İş ili Məzuniyyət günlərinin sayı Tarix Qeyd başlanma bitmə əsas əlavə başlanma bitmə
10. Şəxsiyyət vəsiqəsi (seriya, nömrə) _________________ Fərdi identifikasiya nömrəsi_________________________
11. Qeydiyyat ünvanı:
______________________________ Faktiki ünvan: _____________________________________ Telefonlar: ________________________________________ Elektron poçt ünvanı: _______________________________ ƏLAVƏ MƏLUMATLAR Xüsusi icra məmuru fəaliyyətinə xitam verilməsinin əsası________________________________________________________________ Xitamverilmə tarixi "_____" __________________20__ il Sənəd № ____________ "_____" __________________ 20 __ il
İnsan resursları idarəsinin işçisi _________________________________________________________________________________ (vəzifəsi) (soyadı, adı, atasının adı) (imza)
"Xüsusi icra məmurunun şəxsi işinin aparılması Qaydası"na 5 nömrəli əlavə Üz tərəf NƏZARƏT VƏRƏQƏSİ Şəxsi işin nömrəsi Soyadı, adı, atasının adı Verildiyi tarix Kimə İmza Telefon nömrəsi Qaytarıldığı tarix Arxa tərəf Verildiyi tarix Kimə İmza Telefon nömrəsi Qaytarıldığı tarix