Sığorta fəaliyyəti haqqında

1. v108.04.20252 dəyişiklik

   “Azərbaycan Respublikası Rəqabət Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında” Azərbaycan Respublikasının 2023-cü il 8 dekabr tarixli 1051-VIQ nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi barədə Azərbaycan Respublikasının Qanunu

Bu qanuna dəyişikliklər (7)

sığorta qaydalarıfəsil:1/maddə:1/hissə:1.1/bənd:1.1.12

sığorta qanunvericiliyinə uyğun olaraq, sığortaçının həyata keçirdiyi könüllü sığorta növünün əsaslandığı, sığortaçının özü tərəfindən; bu Qanunun 16.5-ci maddəsinə uyğun olaraq Azərbaycan Respublikasının Mərkəzi Bankı (bundan sonra – Mərkəzi Bank) tərəfindən və ya bu Qanunun 16.6-cı maddəsinə uyğun olaraq müvafiq icra hakimiyyəti orqanının müəyyən etdiyi orqan (qurum) tərəfindən Azərbaycan Respublikası Mülki Məcəlləsinin və bu Qanunun tələbləri nəzərə alınmaqla qəbul edilən, həmin sığorta növü üzrə qayda və şərtləri müəyyən edən sənəd

sığorta obyektifəsil:1/maddə:1/hissə:1.1/bənd:1.1.13

sığortalının, yaxud sığorta olunanın qanunazidd olmayan hər hansı əmlak mənafeyi

qaytarılan məbləğfəsil:1/maddə:1/hissə:1.1/bənd:1.1.16

həyatın yığım sığortası üzrə müqaviləyə vaxtından əvvəl xitam verilərkən sığortaçının sığortalıya ödəməli olduğu pul məbləği

sığorta predmetifəsil:1/maddə:1/hissə:1.1/bənd:1.1.17

sığorta müqaviləsi üzrə sığortalanan əmlak mənafelərinin aid olduğu fiziki şəxs, əmlak və ya hal

sığorta riski və ya riskfəsil:1/maddə:1/hissə:1.1/bənd:1.1.18

sığorta obyekti ilə bağlı itkilərin və ya zərərlərin yaranmasına səbəb olan hadisənin baş verməsi və ya halın yaranması ehtimalı, həmçinin bu ehtimala qarşı sığortaçının üzərinə götürdüyü öhdəlik

müştərək sığorta fondufəsil:1/maddə:1/hissə:1.1/bənd:1.1.2-2

fiziki və hüquqi şəxslərin əmlak mənafelərinin müştərək sığorta əsasında sığorta etdirilməsi məqsədilə həmin şəxslərin ödədiyi, habelə dövlət büdcəsindən bu məqsədlə ayrılan vəsaitin məcmusu

sığorta tələbifəsil:1/maddə:1/hissə:1.1/bənd:1.1.20

sığorta hadisəsi baş verdikdə sığortalının, sığorta olunanın və ya faydalanan şəxsin sığortaçıya öz vəzifələrini Azərbaycan Respublikasının Mülki Məcəlləsinə, bu Qanuna, icbari sığorta qanunlarına və sığorta müqaviləsinə uyğun olaraq icra etməsi barədə müraciəti; bu anlayış təkrarsığorta müqavilələri üzrə təkrarsığortalının təkrarsığortaçıya etdiyi müvafiq müraciətinə münasibətdə "təkrarsığorta tələbi" kimi işlədilir

şəxsi tutumfəsil:1/maddə:1/hissə:1.1/bənd:1.1.22

sığorta və ya təkrarsığorta müqaviləsinə əsasən sığorta riskinin sığortaçının (təkrarsığortalının) öhdəliyində qalan hissəsi

şərikli sığortafəsil:1/maddə:1/hissə:1.1/bənd:1.1.23

sığorta müqaviləsi ilə müəyyən edilmiş sığorta risklərinin birgə sığortalanması və sığorta ödənişi üzrə öhdəliklərin bölüşdürülməsi barədə bir neçə sığortaçının öz aralarında bağladıqları müqavilədən yaranan hüquqi və iqtisadi münasibətlər mexanizmi

həyatın yığım sığortasıfəsil:1/maddə:1/hissə:1.1/bənd:1.1.24

sığortalının müntəzəm şəkildə ödədiyi sığorta haqlarının sığortaçıda müddətli yığım vəsaitləri kimi toplanılmasını nəzərdə tutan həyat sığortasının aparılmasının forması

aktuarifəsil:1/maddə:1/hissə:1.1/bənd:1.1.25

bu Qanuna uyğun olaraq iqtisadi-riyazi hesablamalar aparmaqla sığorta haqlarının hesablanmasının əsaslarını müəyyən edən, həmçinin sığorta ehtiyatlarını hesablayan mütəxəssis

lisenziyafəsil:1/maddə:1/hissə:1.1/bənd:1.1.26

sığortaçıya sığorta fəaliyyətini, təkrarsığortaçıya təkrarsığorta fəaliyyətini, sığorta brokerinə sığorta brokeri fəaliyyətini, sığorta agentinə sığorta agenti fəaliyyətini həyata keçirməyə icazə verən rəsmi sənəd

tələb olunan kapitalfəsil:1/maddə:1/hissə:1.1/bənd:1.1.27

sığortaçının maliyyə öhdəliklərinin tam həcmdə yerinə yetirilməsi üçün tələb olunan vəsaiti ifadə edən məbləğ

sığortaçının öz vəsaitifəsil:1/maddə:1/hissə:1.1/bənd:1.1.28

sığortaçının öhdəliklərindən azad olan, məbləği Mərkəzi Bank tərəfindən müəyyən edilən qaydalara əsasən hesablanan vəsaitləri

məcmu kapitalfəsil:1/maddə:1/hissə:1.1/bənd:1.1.29

sığortaçının maliyyə sabitliyinin və ödəmə qabiliyyətinin təmin edilməsi üçün lazım olan vəsaitin mövcud məbləği

müştərək sığortaçıfəsil:1/maddə:1/hissə:1.1/bənd:1.1.3-1

müstəsna olaraq müştərək sığorta əsasında fəaliyyət göstərmək üçün müvafiq lisenziyaya malik olan sığortaçı

yerli hüquqi şəxsfəsil:1/maddə:1/hissə:1.1/bənd:1.1.31

Azərbaycan Respublikasının hüdudlarında yaradılmış istənilən hüquqi şəxs

xarici fiziki şəxsfəsil:1/maddə:1/hissə:1.1/bənd:1.1.32

Azərbaycan Respublikasının vətəndaşı olmayan və daimi yaşayış yeri Azərbaycan Respublikasının ərazisi olmayan fiziki şəxs

xarici sığortaçıfəsil:1/maddə:1/hissə:1.1/bənd:1.1.34

öz ölkəsinin qanunlarına əsasən sığorta fəaliyyətini həyata keçirmək hüququ olan xarici hüquqi şəxs

xarici təkrarsığortaçıfəsil:1/maddə:1/hissə:1.1/bənd:1.1.35

öz ölkəsinin qanunlarına əsasən təkrarsığorta fəaliyyətini həyata keçirmək hüququ olan xarici hüquqi şəxs

törəmə cəmiyyətfəsil:1/maddə:1/hissə:1.1/bənd:1.1.36

bu Qanunun məqsədləri üçün idarə edilməsində əsas təsisçisinin (səhmdarının) əhəmiyyətli nəzarətə malik olduğu hüquqi şəxs

asılı cəmiyyətlərfəsil:1/maddə:1/hissə:1.1/bənd:1.1.37

biri digərinin və ya onların hər birinin eyni üçüncü şəxsin (şəxslərin) əhəmiyyətli nəzarəti altında olan hüquqi şəxslər

əhəmiyyətli müqaviləfəsil:1/maddə:1/hissə:1.1/bənd:1.1.38

bu Qanunun məqsədləri üçün, hər hansı şəxsə onun hüquqi şəxsin səhmlərinə malik olub-olmamasından asılı olmayaraq həmin hüquqi şəxsə qərarların qəbul edilməsində mühüm təsir göstərmək səlahiyyəti verən müqavilə

əhəmiyyətli nəzarətfəsil:1/maddə:1/hissə:1.1/bənd:1.1.39

bu Qanunun məqsədləri üçün səhmdarın hüquqi şəxsin yerləşdirilmiş adi səhmlərinin 50 faizinə və ya daha çox hissəsinə malik olması, yaxud əhəmiyyətli müqavilə əsasında hər hansı şəxs tərəfindən hüquqi şəxsin qərarlarının qəbul edilməsinə mühüm təsir göstərmək imkanı

məqbul və lazımi keyfiyyətlərfəsil:1/maddə:1/hissə:1.1/bənd:1.1.40-1

vətəndaş qüsursuzluğu, ictimai mövqeyinə görə vicdanlı və etimada layiqolma, habelə bu Qanunla nəzərdə tutulmuş hüquqları əldə etməyə imkan verən peşəkarlıq, təcrübə və işgüzar nüfuz

maliyyə sahəsifəsil:1/maddə:1/hissə:1.1/bənd:1.1.43

bu Qanunun məqsədləri üçün bank, sığorta, qiymətli kağızlar sektorları, pensiya fondları, həmçinin maliyyə bazarlarının tənzimləməsi və nəzarəti sahəsi

sığorta olunanfəsil:1/maddə:1/hissə:1.1/bənd:1.1.5

sığorta müqaviləsi əsasında əmlak mənafeləri sığortalanan şəxs

faydalanan şəxsfəsil:1/maddə:1/hissə:1.1/bənd:1.1.6

icbari sığorta qanunlarına və ya sığorta müqaviləsinə uyğun olaraq sığorta ödənişi verilməli olan şəxs

təkrarsığortalıfəsil:1/maddə:1/hissə:1.1/bənd:1.1.8

sığortaladığı və ya təkrarsığortaladığı riskləri təkrarsığorta müqaviləsi əsasında təkrarsığorta etdirən (təkrarsığortaya ötürən) sığortaçı və ya təkrarsığortaçı

müstəqil ekspert fəaliyyətifəsil:1/maddə:1/hissə:1.1/bənd:1.1.9-1

sığorta predmeti ilə bağlı sığorta risklərinin, sığorta hadisəsi nəticəsində dəymiş zərərin qiymətləndirilməsi və (və ya) sığorta hadisəsinin araşdırılması üzrə həyata keçirilən fəaliyyət

sığorta müqaviləsidaxilifəsil:1/maddə:1/hissə:1.1/bənd:1.1.10

sığortalının müvafiq sığorta haqqı ödəməsi müqabilində sığorta obyektinin məruz qala biləcəyi risklərlə bağlı itkilərin, dəyən zərərin əvəzinin və ya razılaşdırılan pul məbləğinin müəyyən bir hadisənin baş verməsi əsasında ödənilməsinin sığortaçı tərəfindən öhdəlik kimi götürülməsi şərtlərinin təsbit edildiyi razılaşma

sığorta şəhadətnaməsidaxilifəsil:1/maddə:1/hissə:1.1/bənd:1.1.11

sığorta müqaviləsinin bağlanması faktını təsdiq edən, sığortaçı tərəfindən sığortalıya və (və ya) sığorta olunana verilən sənəd

sığorta haqqıdaxilifəsil:1/maddə:1/hissə:1.1/bənd:1.1.14

risklərin qəbul edilməsi və ya bölüşdürülməsi müqabilində könüllü sığortada sığorta müqaviləsi ilə, icbari sığortada isə icbari sığorta qanunları ilə nəzərdə tutulan qaydada sığortalının sığortaçıya ödəməli olduğu pul məbləği

sığorta məbləğidaxilifəsil:1/maddə:1/hissə:1.1/bənd:1.1.15

sığortalanmış risklər üzrə sığortaçının öhdəliyinin icbari sığorta üzrə icbari sığorta qanunları ilə, könüllü sığorta üzrə sığorta müqaviləsi ilə müəyyənləşdirilmiş məbləğlə ifadə olunan son həddi

sığorta hadisəsidaxilifəsil:1/maddə:1/hissə:1.1/bənd:1.1.19

icbari sığorta üzrə icbari sığorta qanunlarına, könüllü sığorta üzrə sığorta müqaviləsinə görə sığorta ödənişinin sığortalıya, sığorta olunana və ya digər faydalanan şəxslərə ödənilməsi üçün əsas olan, sığorta müqaviləsinin qüvvədə olduğu müddət ərzində baş verən hadisə və ya yaranan hal

sığorta ödənişidaxilifəsil:1/maddə:1/hissə:1.1/bənd:1.1.21

sığorta hadisəsi baş verdikdə, icbari sığorta qanunlarına və ya sığorta müqaviləsinə uyğun olaraq sığortaçı tərəfindən ödənilən maliyyə kompensasiyası

sığortaçıdaxilifəsil:1/maddə:1/hissə:1.1/bənd:1.1.3

bu Qanun əsasında sığorta fəaliyyətini həyata keçirmək üçün müvafiq lisenziyaya malik olan, sığorta müqaviləsində nəzərdə tutulan sığorta hadisəsi baş verdiyi halda icbari sığorta qanunlarında və ya müqavilə ilə müəyyən olunmuş qaydada sığorta ödənişini vermək öhdəliyi daşıyan sığorta müqaviləsinin tərəfi olan yerli hüquqi şəxs

xarici hüquqi şəxsdaxilifəsil:1/maddə:1/hissə:1.1/bənd:1.1.33

yerli hüquqi şəxs anlayışı ilə əhatə edilməyən hüquqi şəxslər

sığortalıdaxilifəsil:1/maddə:1/hissə:1.1/bənd:1.1.4

sığorta haqqı ödəyən, sığorta obyektinin sığorta etdirilməsində sığorta marağı olan sığorta müqaviləsinin tərəfi

yaxın qohumlardaxilifəsil:1/maddə:1/hissə:1.1/bənd:1.1.42

bu Qanunun məqsədləri üçün ər, arvad, valideynlər, övladlar, övladlığa götürülənlər, bacılar, qardaşlar, ərin və ya arvadın valideynləri, bacıları, qardaşları

maliyyə bazarlarına nəzarət orqanıdaxilifəsil:1/maddə:1/hissə:1.1/bənd:1.1.9

maliyyə bazarlarında tənzimləmə və nəzarətin həyata keçirilməsi məqsədilə müvafiq icra hakimiyyəti orqanının yaratdığı qurum