“Antiinhisar və istehlak bazarına nəzarət sahələrində idarəetmənin təkmilləşdirilməsi ilə bağlı əlavə tədbirlər haqqında” Azərbaycan Respublikası Prezidentinin 2024-cü il 27 avqust tarixli 190 nömrəli Fərmanının icrası ilə əlaqədar…

Dövlət əyar damğalarının və ad damğalarının izlərinin ekspertizası Azərbaycan Respublikası Maliyyə Nazirliyinin Qiymətli Metallara və Qiymətli Daşlara Nəzarət Dövlət Xidməti (bundan sonra - Qiymətli Metallara və Qiymətli Daşlara Nəzarət Dövlət XidmətiAzərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi (bundan sonra — Agentlik)) tərəfindən həyata keçirilir.

Qiymətli daşların ekspertizası və diaqnostikası (qanunvericiliklə nəzərdə tutulmuş cinayət işləri üzrə keçirilən ekspertizalar istisna olmaqla) Azərbaycan Respublikası Maliyyə Nazirliyinin Qiymətli Metallara və Qiymətli Daşlara Nəzarət Dövlət Xidməti (bundan sonra - Qiymətli Metallara və Qiymətli Daşlara Nəzarət Dövlət Xidməti)Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi (bundan sonra — Agentlik) tərəfindən həyata keçirilir.

Qiymətli metalların və qiymətli daşların, onlardan hazırlanmış məhsul növlərinin sertifikatlaşdırılması AZS Milli sertifikatlaşdırma sistemində sertifikatlaşdırma üzrə orqan kimi akkreditasiya edilmiş Azərbaycan Respublikası Maliyyə Nazirliyinin Qiymətli Metallara və Qiymətli Daşlara Nəzarət Dövlət Xidməti (bundan sonra - Qiymətli Metallara və Qiymətli Daşlara Nəzarət Dövlət Xidməti)Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi (bundan sonra — Agentlik) tərəfindən həyata keçirilir.

Bu Qaydaların 2.5.2-ci yarımbəndinə əsasən iştirak haqqının geri qaytarılması Azərbaycan Respublikası İqtisadiyyat NazirliyininAzərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin (bundan sonra — Agentlik) büdcədənkənar vəsaitləri hesabına həyata keçirilir.

Büdcədənkənar vəsaitin Azərbaycan Respublikası İqtisadiyyat NazirliyininAzərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin (bundan sonra — Agentlik) işçilərinin sosial müdafiəsinin gücləndirilməsinə yönəldilən hissəsi aşağıdakı istiqamətlərə xərclənir:

Büdcədənkənar vəsaitin Azərbaycan Respublikası İqtisadiyyat NazirliyininAzərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin (bundan sonra — Agentlik) maddi-texniki bazasının yaxşılaşdırılmasına yönəldilən hissəsi aşağıdakı istiqamətlərə xərclənir:

Məhkəmənin, Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti (bundan sonra – AİBNDX)Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi (bundan sonra — ARPAİBNDA), Azərbaycan Respublikasının Hesablama Palatası və Maliyyə Nazirliyinin qanunla müəyyən edilmiş hüquq və vəzifələrinin icrası ilə bağlı məlumatların açıqlanması halları istisna olmaqla, Satınalan təşkilat digər hallarda Təchizatçıların kommersiya sirri təşkil edən və ya qanunla qorunan digər məlumatlarını açıqlamır və onları məxfi (konfidensial) saxlayır.

Ümumi 1. Satınalma haqqında 1.1. Satınalma məlumat vərəqində(1)qeyd edilən satınalan təşkilat tərəfindən (B) Mallara dair tələblərsənədində nəzərdə tutulmuş malların və tətbiq olunduğu halda əlaqədar xidmətlərin maliyyə vəsaiti hesabına dövlət satınalmaları haqqında Azərbaycan Respublikasının qanunvericiliyinə uyğun görülməsi üçün bu şərtlər toplusu hazırlanmışdır. Satınalma predmeti, satınalan təşkilatın adı, VÖEN-i və satınalan təşkilatın əlaqələndirici şəxsi barədə məlumatlar Satınalma məlumat vərəqində(1) qeyd edilir. 1.2. Dövlət satınalmaları haqqında Azərbaycan Respublika-sının qanunvericiliyi Azərbaycan Respublikasının Konstitusiyasından, Azərbaycan Respublikasının tərəfdar çıxdığı beynəlxalq müqavilələrdən, 2023-cü il 14 iyul tarixli 988-VIQ nömrəli "Dövlət satınalmaları haqqında" Azərbaycan Respublikası Qanunundan (bundan sonra – Qanun) və digər normativ hüquqi aktlardan ibarətdir. 1.3. Təkliflərin qiymətləndirilməsi zamanı aşağıdakı anlayışlar tətbiq edilir: "Kənara çıxma" şərtlər toplusunda göstərilən tələblərdən yayınmadır; "Qeyd-şərt" məhdudlaşdırıcı şərtlərin müəyyən edilməsi və ya şərtlər toplusunda göstərilən tələblərin tam qəbul edilməsindən boyun qaçırmadır; "Çatışmazlıq" şərtlər toplusunda tələb olunan məlumat və ya sənədlərin bir hissəsinin və ya hamısının təqdim edilməməsidir. 1.4. Bu şərtlər toplusunda istifadə olunan digər anlayışlar Qanun və Azərbaycan Respublikasının normativ hüquqi aktları ilə müəyyən edilmiş mənaları ifadə edir. 2. Saxtakarlıq və korrupsiya ilə əlaqədar hüquqpozmalar 2.1. Satınalan təşkilat "Korrupsiyaya qarşı mübarizə haqqında" Azərbaycan Respublikasının Qanununa riayət olunmasını tələb edir. 3. Təchizatçıların münasibliyi 3.1. Satınalma məlumat vərəqində(2) göstərilən Azərbaycan Respublikasının beynəlxalq öhdəlikləri ilə nəzərdə tutulduğu və ya dövlət təhlükəsizliyi baxımından müəyyən xarici təchizatçıların və ya müəyyən ölkələrdən (o cümlədən Azərbaycan Respublikasının diplomatik əlaqələri olmadığı ölkələrdən) olan xarici təchizatçıların satınalmada iştirak etməsinə məhdudiyyətlər qoyulduğu hallar istisna olmaqla, istənilən rezident və qeyri-rezident təchizatçı (fiziki şəxs, hüquqi şəxs, o cümlədən hüquqi şəxs yaratmadan birgə fəaliyyət aparmaq üçün hüquqi və (və ya) fiziki şəxslərin müqavilə əsasında yaratdığı müvəqqəti və ya daimi birliyi (bundan sonra – birgə fəaliyyət) daxil olmaqla) Azərbaycan Respublikasında keçirilən satınalmalarda iştirak edə bilər. Təchizatçı nizamnaməsi (və ya buna bərabər tutulan sənədləri) və ya qeydiyyat sənədləri ilə müəyyən olunduğu ölkənin qanunlarının müddəalarına uyğun olaraq yaradılmış, təsis edilmiş və ya qeydiyyatdan keçmiş və fəaliyyət göstərdiyi təqdirdə həmin ölkəyə mənsub hesab edilir. Müqavilənin hər hansı hissəsinin icrasına cəlb edilməsi təklif edilən subpodratçıların ölkə mənsubiyyəti bu meyar əsasında müəyyən edilir. 3.2. Təchizatçının iştirak etdiyi satınalmada Qanunun 6.1-ci maddəsinə əsasən maraqlar toqquşması olmamalıdır. (Qanunun 6.1-ci maddəsindən çıxarış: Təchizatçıların aşağıdakı hallarda (satınalma predmetinin yalnız hər hansı konkret təchizatçıda olduğu, yaxud satınalma predmetinin əvəzedicisi və alternativi olmadığı hallar istisna olmaqla) satınalmalarda iştirakına yol verilmir, bu hallar müəyyən olduqda satınalmadan kənarlaşdırılır: təchizatçının satınalan təşkilatdan və ya satınalan təşkilatla təchizatçının eyni qurumdan hüquqi, maliyyə və ya təşkilati asılılığı olduqda; təchizatçılardan biri digərinin benefisiar mülkiyyətçisi olduqda, yaxud təchizatçıların azı ikisi eyni benefisiar mülkiyyətçinin nəzarətində olduqda; təchizatçılardan biri digərinin idarəetmə orqanının üzvü və (və ya) iştirakçısı olduqda, yaxud təchizatçıların azı ikisinin idarəetmə orqanının üzvü və (və ya) iştirakçısı eyni şəxs olduqda; satınalmada təchizatçı qismində çıxış edən fiziki şəxs və ya hüquqi şəxsin Azərbaycan Respublikası Mülki Məcəlləsinin 49-1-ci maddəsinə əsasən aidiyyəti şəxsi satınalan təşkilatın rəhbəri ilə qohumluq (ər-arvadlar, valideynlər, övladlar, övladlığa götürənlər, övladlığa götürülmüş şəxslər, babalar, nənələr, nəvələr, doğma (ögey) bacılar və qardaşlar, bacı və qardaşların övladları, bacıların ərləri, qardaşların arvadları, valideynlərin bacıları və qardaşları, ər-arvadların valideynləri, bacıları və qardaşları) münasibətində olduqda). 3.3. Birgə fəaliyyətin üzvü olaraq və ya fərdi şəkildə alternativ təkliflərə icazə verilən hallar istisna olmaqla təchizatçılar eyni satınalma üzrə birdən artıq təklif təqdim etməməli və ya birdən artıq təklifdə iştirak etməməli, həmçinin həmin satınalmada iştirak edən digər təchizatçının subpodratçısı olmamalıdır. Bu hal aşkarlandıqda həmin təchizatçıların təqdim etdikləri və (və ya) iştirak etdikləri bütün təkliflər kənarlaşdırılır. 3.4. Birgə fəaliyyət göstərmək istəyən təchizatçılar bu məqsədlə tərəflərin hər birinin imzaladığı müqaviləyə və ya müqavilə layihəsi əlavə edilməklə müqavilə bağlamaq barədə tərəflərin hər birinin imzaladığı niyyət məktubuna malik olmalıdırlar. Bu halda birgə fəaliyyət göstərmək istəyən tərəflərin hər birinin müqavilənin müqavilə şərtlərinə uyğun icrası üçün birgə və fərdi məsuliyyət daşıması və tərəflər arasındakı iş öhdəliklərinin bölgüsü barədə müddəalar birgə fəaliyyət müqaviləsinə və ya müqavilə layihəsinə daxil edilməlidir. Birgə fəaliyyət onun adından və tərəfləri üçün satınalmada iştirak və müqavilə bağlanıldıqda isə müqavilənin icrasını təmin etmək məqsədilə müvafiq səlahiyyətə malik nümayəndə təyin edir. Satınalma məlumat vərəqində(3) göstərilmədiyi təqdirdə birgə fəaliyyətin üzvlərinin sayına məhdudiyyət qoyulmur. 3.5. Qanunun 16-cı maddəsi ilə tənzimlənən qaydada etibarsız təchizatçıların reyestrinə daxil edilmiş təchizatçıların müəyyən olunmuş müddətdə satınalmalarda iştirakına yol verilmir. Etibarsız təchizatçıların reyestri etender. gov. az - dövlət satınalmalarının vahid internet Portalında (bundan sonra – Portal) yerləşdirilir. 3.6. Təchizatçıların uyğunluğunun əvvəlcədən müəyyənləş-dirilməsi proseduru keçirildikdə, yalnız uyğunluq göstəricilərinə cavab verən təchizatçılar satınalmada iştirak edə bilərlər. 4. Malların və əlaqədar xidmətlərin münasibliyi 4.1. Müqavilə çərçivəsində Azərbaycan Respublikasının beynəlxalq öhdəlikləri ilə nəzərdə tutulduğu və ya dövlət təhlükəsizliyi baxımından müəyyən xarici təchizatçılar və ya müəyyən ölkələrdən (o cümlədən Azərbaycan Respublikasının diplomatik əlaqələri olmadığı ölkələrdən) olan xarici təchizatçılar tərəfindən malların (materialların, avadanlıqların və s.) təchiz edilməsinə və xidmətlərin göstərilməsinə yol verilmir. Satınalan təşkilatın tələbi ilə təchizatçılardan malların və xidmətlərin mənşəyinə dair sübut təqdim etmələri tələb oluna bilər. 4.2. Mallar anlayışı Qanunun 1.1.13-cü maddəsinə əlavə olaraq əmtəə, xammal, maşın, avadanlıq, sənaye qurğuları və sığorta, quraşdırma, təlim, ilkin texniki qulluq kimi əlaqədar xidmətləri əhatə edir. 4.3. Malların mənşə ölkəsi qanunvericiliklə müəyyən edilmiş qaydada təyin edilir. 5. Satınalmada istifadə və iştirak haqqı 5.1. Birdəfəlik və ya istifadə müddətinə görə istifadə haqqını ödəyərək Portaldan istifadə hüququnu əldə etmiş təchizatçılar təklifləri təqdim etmək üçün Satınalma məlumat vərəqində(4) qeyd edilən məbləğdə iştirak haqqı ödəyirlər. 5.2. İstifadə və iştirak haqqı Portalda "ASAN ödəniş" informasiya sistemi vasitəsilə bank kartı ilə ödənilir. 5.3. Təkliflə təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayının üçdən az olması səbəbindən satınalmanın ləğv edilməsi və həmin satınalma predmeti üzrə təkrar satınalma keçirilməməsi halı istisna olmaqla ödənilmiş iştirak haqqı və istifadə haqqı heç bir halda geri qaytarılmır. Satınalmanın maliyyələşdirilməsinin dayandırılması və təchizatçıların sayının üçdən az olması səbəbindən satınalma ləğv edildikdə satınalma planında nəzərdə tutulmuş həmin satınalma predmeti üzrə təkrar satınalma keçirildiyi təqdirdə iştirak haqqını ödəyən və geri almayan təchizatçıların təkrar ödəniş etmədən satınalmada iştirakı təmin edilir. 5.4. Təchizatçıların uyğunluğunun əvvəlcədən müəyyənləşdirilməsi proseduru keçirildikdə uyğunluq göstəricilərinə cavab verərək satınalmada iştirakı davam etdirən təchizatçılar iştirak haqqı ödəmirlər. Şərtlər toplusunun məzmunu 6. Şərtlər toplusunun tamlığı 6.1. Şərtlər toplusu aşağıda verilmiş bütün bəndləri əhatə edən və təchizatçılar üçün təlimatın (bundan sonra – Təlimat) 7-ci hissəsinə uyğun olaraq ona edilən dəyişikliklər və əlavələrlə birlikdə nəzərə alınmalı olan aşağıdakı bölmələrdən ibarətdir: A. SATINALMA PROSEDURLARI IBölmə. Təchizatçılar üçün təlimat II Bölmə. Satınalma məlumat vərəqi III Bölmə. Qiymətləndirmə və uyğunluq meyarları IV Bölmə. Satınalma formaları B. MALLARA DAİR TƏLƏBLƏR C. SATINALMA MÜQAVİLƏSİ 6.2. Təchizatçıdan şərtlər toplusunda verilmiş bütün təlimat, forma, tələb, texniki və keyfiyyət xüsusiyyətləri (göstəriciləri) ilə tanış olması və şərtlər toplusunda tələb edilən bütün məlumat və sənədləri təqdim etməsi tələb olunur. 6.3. Portal vasitəsilə birbaşa əldə edilmədiyi təqdirdə satınalan təşkilat şərtlər toplusunun tamlığı, şərtlər toplusunda aydın olmayan hallarla bağlı sorğularına, əvvəlki görüşlərin (əgər olubsa) nəticələri barədə protokollara və (və ya) Təlimatın 7-ci hissəsinə uyğun olaraq şərtlər toplusuna edilmiş dəyişikliklərə görə məsuliyyət daşımır. Hər hansı ziddiyyət olduqda Portaldan birbaşa əldə olunan sənədlər üstünlük təşkil edir. 7. Şərtlər toplusuna dair izahat 7.1. Təchizatçı şərtlər toplusunda aydın olmayan hallarla bağlı təkliflərin təqdim edilməsi müddətinin bitməsinə 5 (beş) iş günü qalanadək (Satınalma məlumat vərəqində(5)qeyd olunan tarix və vaxt) satınalan təşkilata Portal vasitəsilə sorğu ünvanlaya bilər. Satınalma komissiyası sorğunu aldıqdan sonra 2 (iki) iş günü ərzində sorğuya cavab verir. Sorğu və ona verilən cavab sorğu verənin gizliliyi təmin edilməklə həmin gün Portalda yerləşdirilir. 7.2. Sorğu və ona verilən cavab şərtlər toplusuna əlavə edilərək onun ayrılmaz tərkib hissəsi hesab edilir. 7.3. Satınalan təşkilatla təchizatçılar arasında görüş keçirildiyi zamanı iştirak haqqını ödəmiş bütün təchizatçılar üçün bərabər iştirak imkanları yaradılır və görüş videomüşahidə vasitələrinin nəzarəti altında aparılaraq nəticələri protokolla rəsmiləşdirilir. Protokol nəzərə alınmaq üçün iştirak haqqını ödəmiş bütün təchizatçılara həmin gün göndərilir və Portalda yerləşdirilir. Satınalan təşkilatla təchizatçılar arasında qeyri-rəsmi danışıqlar aparılması və görüşlərin keçirilməsi qadağandır. 8. Şərtlər toplusuna dəyişikliklərin edilməsi 8.1. Satınalma komissiyası təkliflərin təqdim edilməsi müddətinin bitməsinə 3 (üç) iş günü qalanadək (Satınalma məlumat vərəqində(6) qeyd olunan tarix və vaxta qədər) şərtlər toplusuna hər hansı təchizatçının sorğusu əsasında və ya texniki səhvlər və ya çatışmazlıqlar aşkar edildikdə öz təşəbbüsü ilə dəyişikliklər (satınalma predmetinin dəyişdirilməsi istisna olmaqla) edə bilər. 8.2. Təklifi uyğun olmayan təchizatçının belə tələblərə uyğunlaşdırılması məqsədilə şərtlər toplusunda hər hansı dəyişiklik edilməsinə, habelə bununla bağlı hər hansı sorğuya, təklifə və icazəyə yol verilmir. 8.3. Satınalma komissiyası şərtlər toplusuna dəyişikliklər etdiyi halda təkliflərin təqdim edilməsi müddətini ən azı 5 (beş) iş gününədək uzadır. Təchizatçının əsaslandırılmış müraciəti əsasında təkliflərin təqdim edilməsi müddəti 10 (on) iş gününədək uzadıla bilər. 8.4. Şərtlər toplusuna edilmiş dəyişiklik onun ayrılmaz tərkib hissəsi hesab edilir. Dəyişikliklər Portal vasitəsilə bütün təchizatçılara göndərilir və bütün təchizatçılar üçün məcburi qüvvəyə malikdir. Təkliflərin hazırlanması 9. Satınalma xərcləri 9.1. Təchizatçı öz təklifini hazırlamaq və təqdim etməklə bağlı bütün xərcləri özü çəkir və satınalan təşkilat satınalma prosesinin nəticəsindən asılı olmayaraq, həmin xərclərə görə məsuliyyət və ya öhdəlik daşımır. 10. Təklifin tərtib olunmasının dili 10.1. Təklif və həmçinin təchizatçı ilə satınalan təşkilat arasında bütün yazışmalar və sənəd mübadiləsi Azərbaycan dilində aparılır. Satınalma komissiyasının qərarı ilə satınalmalara dair sənədlər Satınalma məlumat vərəqində(7)nəzərdə tutulmuş xarici dillərdən birinə (bir neçəsinə) tərcümə oluna bilər. Bu halda, satınalmalara dair sənədlər arasında ziddiyyət yaranarsa, Azərbaycan Respublikasının dövlət dilində tərtib olunmuş sənədlərə üstünlük verilir. 10.2. Təklifin tərkibinə daxil olan müşayiətedici sənədlər və çap materialları tərcüməsi ilə verilmək şərtilə, başqa dildə ola bilər. Təchizatçının xarici dildə təqdim etdiyi sənədlərin Azərbaycan dilinə notarial qaydasında təsdiqlənmiş tərcüməsi təqdim olunmalıdır. Təklif ilə tərcüməsi arasında ziddiyyət yaranarsa, Azərbaycan Respublikasının dövlət dilində tərtib olunmuş sənədlərə üstünlük verilir. 11. Təklifə daxil olan sənədlər 11.1. Təchizatçı təqdim etdiyi təklifə aşağıdakıları əlavə edir: Təlimatın 12-ci hissəsinin tələbləri nəzərə alınmaqla təklif məktubu; Təlimatın 12-ci və 15-ci hissələrinin tələbləri əsasında qiymətləndirilmiş qiymət cədvəli daxil olmaqla digər cədvəllər; Təlimatın 20.1-ci bəndinin tələbləri nəzərə alınmaqla təklifin təminatı; icazə verildiyi təqdirdə Təlimatın 13-cü hissəsinin tələbləri nəzərə alınmaqla alternativ təklif; Səlahiyyət: Təlimatın 21.2-ci və 21.4-cü bəndlərinə uyğun olaraq təklifi imzalayan şəxsin səlahiyyətli olduğunun yazılı təsdiqi; Uyğunluq: Təlimatın 18-ci hissəsinin tələbləri nəzərə alınmaqla uyğunluq sənədləri, habelə şərtlər toplusunda nəzərdə tutulduğu halda, subpodratçının müəyyən olunmuş tələblərə uyğun olması barədə sənədlər; Münasiblik: Təlimatın 17-ci hissəsinin tələbləri nəzərə alınmaqla texniki təklif; Qiymətləndirmə-uyğunluq meyarları və prosedurları (III) bölməsində tələb olunan digər sənədlər. 11.2. Təlimatın 11.1-ci bəndinin tələblərinə əlavə olaraq, birgə fəaliyyət tərəfindən təqdim edilən təklifə bütün tərəflərin imzaladığı birgə fəaliyyət müqaviləsinin surəti daxil edilməlidir. Alternativ olaraq, satınalmada qalib olacağı təqdirdə birgə fəaliyyət müqaviləsinin icrasına dair niyyət məktubunu bütün tərəflər imzalamalı və birgə fəaliyyət müqavilə layihəsi ilə birlikdə təqdim edilməlidirlər. 12. Təklif məktubu və cədvəllər 12.1. Təklif məktubu və qiymət cədvəli Satınalma formaları (IV) bölməsində verilmiş müvafiq formalardan istifadə edilməklə hazırlanmalıdır. Formalar mətnə heç bir dəyişiklik edilmədən doldurulmalıdır və heç bir əvəzedici qəbul edilə bilməz. Bütün boş xanalara tələb olunan məlumatlar yazılmalıdır. 13. Alternativ təklif 13.1. Satınalma məlumat vərəqində(8) başqa hal nəzərdə tutulmayıbsa, alternativ təkliflər nəzərə alınmayacaq. 14. Satınalma predmetinin bölünməsi 14.1. Satınalma məlumat vərəqində(9) nəzərdə tutulduğu təqdirdə heç bir təklif satınalma predmetinin tam həcmdə icrasını təmin etmədikdə, bu zaman bir neçə təchizatçının hissəvi təkliflərinin cəmi bir təchizatçının təklifindən daha səmərəli və ya qiyməti daha aşağı olarsa, habelə satınalma predmetinin daha yüksək həcmdə icrasını təmin edərsə, satınalma predmetinin iki və ya daha çox təchizatçı arasında bölünür. 14.2. Təlimatın 14.1-ci bəndində bölünməsi nəzərdə tutulan hissələrin ətraflı təsviri Satınalma məlumat vərəqində(9) göstərilir. 15. Təklifin qiyməti 15.1. Təklif məktubunda və qiymət cədvəlində göstərilən qiymətlər bu hissədə göstərilən tələblərə cavab verməlidir. 15.2. Təchizatçı qiymət cədvəlində göstərilən bütün bəndlərə qiymət daxil etməlidir. Təchizatçı tərəfindən qiymət daxil edilməyən və həmin hissələrin əlavə ödənişsiz icra edilməsi ilə bağlı qeyd olan bəndlərin qiymət cədvəlinə daxil edilən digər qiymətlərlə əhatə edildiyi qəbul ediləcəkdir. Hər hansı qeyd olmadan qiymət daxil edilməyən bəndləri olan təklif natamam hesab ediləcəkdir. 15.3. Azərbaycan Respublikasının ərazisindən kənarda satın alınan malların göndərilməsinə dair tələblər Parisdə Beynəlxalq Ticarət Palatası tərəfindən nəşr edilən və qüvvədə olan "Ticarət terminlərinin təfsirinin beynəlxalq Qaydaları "İnkoterms 2020" şərtlərinə, Azərbaycan Respublikasının ərazisi daxilində malların göndərilməsinə dair tələblər və şərtlər Azərbaycan Respublikasının mövcud qanunvericiliyinə uyğun olaraq müəyyənləşdirilir və bu barədə məlumat Satınalma məlumat vərəqində(10) göstərilir. 15.4. Qiymət endirimlərinə icazə verilmir. 16. Təklifin və ödənişin məzənnəsi 16.1. Təchizatçılar (qeyri-rezident hüquqi və fiziki şəxslər istisna olmaqla) təkliflərində qiymətləri Azərbaycan Respublikasının pul vahidi – manatla göstərməlidirlər. 16.2. Qeyri-rezident hüquqi və fiziki şəxslərin təklifləri sərbəst dönərli xarici valyuta ilə göstərildikdə, təkliflərin təqdim edilməsinin son gününə Azərbaycan Respublikası Mərkəzi Bankının müəyyən etdiyi məzənnə əsas götürülməlidir. 17. Texniki göstəricilərə münasibliyi təşkil edən sənədlər (təklif) 17.1. Təchizatçı (B) Mallara dair tələblər sənədində qeyd olunan tələblərə cavab verdiyini göstərmək və təklifinin yetərliliyini nümayiş etdirmək üçün Satınalma formaları (IV) bölməsində nəzərdə tutulmuş hər hansı digər məlumat daxil olmaqla kifayət qədər təfərrüatlı texniki təklif təqdim etməlidir. 17.2. Təklif edilən hər bir avadanlığın, texnikanın, məhsulun və digər malların özünəməxsus texniki və keyfiyyət xüsusiyyətləri (göstəriciləri), o cümlədən konkret əmtəə nişanı və adı, modeli, istehsal mənbəyi (mənşə ölkəsi) və istehsalçısına aid məlumatlar və istehsalçının texniki məlumat vərəqi (hansı varsa) təklifə əlavə edilməlidir. 17.3. Təchizatçı həmçinin malların Satınalma məlumat vərəqində(13)göstərilənmüddətdə fasiləsiz və müntəzəm çalışa bilməsi (istismar edilməsi) üçün ehtiyat hissələrin, xüsusi alətlərin və bunların əldə edilməsi mənbələri və qiymətlərini təqdim etməlidir. 17.4. İşçilik, əməliyyat, material və avadanlıqlar üçün (B) Mallara dair tələblər sənədinə daxil edilmiş standartlar, həmçinin əmtəə nişanlarına və kataloq nömrələrin istinadlar malları yalnız təsvir etmək, məhdudlaşdırmamaq məqsədi daşıyır. Təchizatçı (B) Mallara dair tələblər sənədində verilmiş tələblərə cavab vermək və ya üstələmək şərti ilə istənilən digər keyfiyyət standartları, əmtəə nişanları, kataloq nömrələrindən istifadə edə bilər. 18. Uyğunluq sənədləri 18.1. Təchizatçıların uyğunluq göstəriciləri təchizatçılara dair ümumi və xüsusi tələblərdən ibarətdir. 18.2. Qiymətləndirmə-uyğunluq meyarları və prosedurları (III) bölməsinin tələblərinə uyğun olaraq təchizatçılar müqaviləni icra etmək imkanlarını göstərmək üçün Satınalma formaları (IV) bölməsinə daxil edilən müvafiq məlumat vərəqələrini təmin etməli, habelə Qanunun 23-cü maddəsinə əsasən təchizatçıların uyğunluq göstəricilərini təsdiq edən sənədlər (bundan sonra – uyğunluq sənədləri) təqdim etməlidir. 18.3. Təchizatçının qalib olduğu təqdirdə müqaviləni satınalan təşkilatı qane edəcək şəkildə icra etmək bacarıqlarının sənədli sübutu olaraq aşağıdakıları təmin edəcəkdir: Satınalma məlumat vərəqində(14) tələb olunduğu təqdirdə təklif etdiyi malları özü istehsal etməyən təchizatçı Satınalma formaları (IV) bölməsinə daxil edilən formadan istifadə edərək malların istehsalçısı tərəfindən təchiz edilən malların satınalan təşkilatın ölkəsində səlahiyyətli nümayəndə olduğunu göstərən İstehsalçı icazəsini təqdim edəcək; Satınalma məlumat vərəqində(15) tələb olunduğu təqdirdə biznesi satınalan təşkilatın ölkəsində olmayan təchizatçının texniki qulluq, təmir və ehtiyat hissələrin saxlanılması imkanlarına malik nümayəndəlik yaradaraq təchizatçının müqavilədə və (və ya) (B) Mallara dair tələblər sənədində müəyyən edilən satış sonrası xidmət öhdəliklərini həyata keçirəcək. 19. Təklifin qüvvədə olma müddəti 19.1. Təkliflər Satınalma məlumat vərəqində(16)qeyd olunmuş və ya dəyişdirilibsə Təlimatın 8-ci hissəsinə uyğun uzadılmış tarixədək qüvvədə olmalıdır. Satınalma məlumat vərəqində qeyd olunmuş və ya dəyişdirilibsə Təlimatın 8-ci hissəsinə uyğun uzadılmış tarixə qədər qüvvədə olmayan təkliflər formal tələblərə uyğun gəlməyən təklif kimi kənarlaşdırılır. 19.2. Satınalma komissiyası ən çoxu təkliflərin ilkin qüvvədə olduğu müddət qədər təkliflərin qüvvədə olma müddətinin uzadılmasını təchizatçılardan tələb edə bilər. Təkliflərin qüvvədə olma müddətinin uzadılması tələbi ilə razılaşan təchizatçılar təklifin təminatının qüvvədə olma müddətinin təklifin qüvvədə olma müddətindən azı 30 (otuz) iş günü çox olmaqla uzadılmasını və ya uzadılmış müddət üçün yeni təminatın verilməsini təmin edirlər. Təchizatçı təklifin təminatına olan hüququnu itirmədən satınalma komissiyasının belə tələbindən imtina edə bilər. 20. Təklifin təminatı 20.1. Təchizatçı (qeyri-rezident hüquqi və fiziki şəxslər istisna olmaqla) təklifin tərkib hissəsi olaraq Satınalma məlumat vərəqində(17) qeyd edilmiş məbləğdə Azərbaycan manatı ilə, qeyri-rezident hüquqi və fiziki şəxslər isə Azərbaycan manatı və ya elanın verilməsi (dəvətin göndərilməsi) tarixinə Azərbaycan Respublikası Mərkəzi Bankının müəyyən etdiyi məzənnəyə uyğun olaraq sərbəst dönərli valyuta ilə təkliflə birlikdə təklifin təminatını təqdim etməlidir, əks təqdirdə təklif qəbul edilmir. 20.2. Təklifin təminatı qarant tərəfindən qarantiya şəklində verilir. Satınalma komissiyası qaranta və ya ehtimal olunan qiyməti 5 (beş) milyon manatdan yuxarı olan satınalmalara münasibətdə hər hansı qarantın verdiyi təminatı təsdiqləyən tərəf (əgər tələb olunursa), habelə digər şərtlərə dair hər hansı tələbini Satınalma məlumat vərəqində(18)göstərir. Təklifin təminatı Satınalma formaları (IV) bölməsinə daxil edilən "Təklifin təminatının nümunəsi" və ya təklif təqdim edilməzdən əvvəl satınalma komissiyası ilə razılaşdırılmış digər əhəmiyyətli dərəcədə oxşar nümunədən istifadə olunaraq təqdim edilməlidir. Təklifin təminatının qüvvədə olma müddəti təklifin ilkin və ya dəyişdirilibsə Təlimatın 8-ci hissəsinə uyğun uzadılmış qüvvədə olma müddətindən azı 30 (otuz) iş günü çox olmalıdır. 20.3. Təchizatçının təklifinin təminatı aşağıdakı hallarda dərhal geri qaytarılır: satınalmada ilk üç yerdən birini tutmayan təchizatçılara - satınalmanın nəticələrinə dair yekun protokol təsdiq olunduqda; satınalmada ikinci və üçüncü yerləri tutan təchizatçılara - qalib təchizatçı ilə bağlanan satınalma müqaviləsi qüvvəyə mindikdə; qalib təchizatçı istisna olmaqla, digər təchizatçılara – təkliflərin qüvvədə olma müddəti bitdikdə; bütün təchizatçılara – təkliflərin təqdim edilməsinin son müddəti bitməmişdən əvvəl təklif geri götürüldükdə və ya satınalma ləğv edildikdə; təkliflərin qüvvədə olma müddətinin uzadılması təşəbbüsü ilə razı olmayan təchizatçılara – təkliflərin qüvvədə olma müddəti bitdikdə; qalib təchizatçıya – satınalma müqaviləsi imzalandıqda və icra təminatı təqdim edildikdə. 20.4. Aşağıdakı hallarda təchizatçının təklifinin təminatı geri qaytarılmır: təchizatçı təkliflərin təqdim edilməsinin son müddəti bitdikdən sonra və ya təklifin qüvvədə olma müddəti bitənədək öz təklifini geri götürdükdə və ya dəyişdirdikdə; təklifin akseptinə dair bildirişi almış qalib təchizatçı müəyyən olunmuş müddətdə satınalma müqaviləsini imzalamadıqda və (və ya) icra təminatını təqdim etmədikdə; təklifin akseptinə dair bildirişi almış qalib təchizatçı satınalma müqaviləsi imzalananadək şərtlər toplusunda göstərilmiş hər hansı digər şərtləri yerinə yetirmədikdə. 20.5. Birgə fəaliyyət göstərmək istəyən təchizatçılar tərəfindən təqdim edilən təklifin təminatında bütün tərəflərin hüquqi adları göstərilməlidir. 21. Təklifin formatı və imzalanması 21.1. Təchizatçılar təkliflərində biznesləri üçün məxfi olan bütün məlumatları "MƏXFİ" kimi qeyd etməlidirlər. Buraya mülkiyyət məlumatları, ticarət sirləri və ya kommersiya/ maliyyə baxımından həssas məlumatlar daxil ola bilər. 21.2. Təklif təchizatçının rəhbəri və ya digər vəzifəli şəxsi tərəfindən imzalanmalıdır. Təklifi təchizatçının rəhbəri imzaladıqda həmin təchizatçının təsis və hüquqi və ya fiziki şəxsin qeydiyyat sənədlərini təqdim etməlidir. Təklifi imzalayan digər vəzifəli şəxs olduğu təqdirdə isə həmin vəzifəli şəxsə imza səlahiyyətlərinin verilməsinə dair həmin təchizatçının rəhbəri tərəfindən səlahiyyəti təsdiq edən sənəd – etibarnamə təqdim edilməlidir. 21.3. Təchizatçı birgə fəaliyyət göstərdiyi halda, təklif birgə fəaliyyət göstərən təchizatçıların səlahiyyətli nümayəndəsi tərəfindən imzalanmalıdır. Həmin nümayəndənin imza səlahiyyətinə malik olması 21.3-cü bəndinin tələbləri nəzərə alınmaqla birgə fəaliyyət göstərən təchizatçıların rəhbərləri tərəfindən imzalanmış etibarnamə ilə təsdiq edilir. Təkliflərin təqdim olunması və açılması 22. Təkliflərin təqdim edilməsinin son müddəti 22.1. Təkliflər onların təqdim edilməsi üçün Satınalma məlumat vərəqində(19) müəyyən edilən müddət başa çatanadək Portal vasitəsilə elektron qaydada satınalan təşkilata təqdim edilir. 23. Gecikmiş təkliflər 23.1. Təlimatın 22-ci hissəsi ilə müəyyən olunmuş müddətdən gec təqdim olunan təklif qəbul edilmir. 24. Təkliflərin geri götürülməsi və ya dəyişdirilməsi 24.1. Təchizatçı təkliflərin təqdim edilməsi müddəti bitənədək öz təklifini dəyişdirə və ya geri götürə bilər. 24.2. Təlimatın 24.1-ci bəndinə uyğun olaraq geri götürülməsi istənilən təklif açılmadan təchizatçıya qaytarılır. 24.3. Təkliflərin təqdim edilməsinin son müddəti, o cümlədən uzadılmış müddəti bitdikdən sonra və ya təchizatçı tərəfindən təklif məktubunda qeyd edilən təklifin qüvvədə olma müddəti bitənədək təklifin geri götürdükdə və ya dəyişdirdikdə təchizatçı təklifin təminatına olan hüququnu itirir. 25. Təkliflərin açılması 25.1. Təkliflərin son təqdim olunması müddətinə qədər təqdim olunmuş təkliflər satınalma komissiyası tərəfindən Satınalma məlumat vərəqində(20) qeyd olunan tarixdə və vaxtda Portal vasitəsilə elektron qaydada açılır. 25.2. Təkliflər açılarkən hər bir təchizatçının adı (fiziki şəxs olduqda soyadı, adı və atasının adı), ünvanı, VÖEN-i, təklifinin qiyməti və təklifin təminatının məbləği və qüvvədə olma müddəti Portalda dərc olunur. Təkliflərin qiymətləndirilməsi və müqayisəsi 26. Məxfilik (konfidensiallıq) 26.1. Məhkəmənin, İqtisadiyyat Nazirliyinin yanında Antiinhisar və İstehlak Bazarına Nəzarət Dövlət Xidmətinin (bundan sonra – AİBNDX)Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin (bundan sonra — ARPAİBNDA), Azərbaycan Respublikası Hesablama Palatasının və Azərbaycan Respublikası Maliyyə Nazirliyinin qanunla müəyyən edilmiş hüquq və vəzifələrinin icrası ilə bağlı məlumatların açıqlanması halları istisna olmaqla, satınalan təşkilat digər hallarda təchizatçıların kommersiya sirri təşkil edən və ya qanunla qorunan digər məlumatlarını açıqlamır və onları məxfi (konfidensial) saxlayır. 26.2. Təchizatçılar tərəfindən təqdim edilən uyğunluq sənədləri və təkliflər, bağlanan satınalma müqaviləsinin surəti, satınalma müqaviləsi uzunmüddətlidirsə və ya mərhələlərlə həyata keçirilirsə, icrasının gedişi haqqında mütəmadi məlumatlar, satınalan təşkilatla təchizatçı arasında satınalma müqaviləsinin icrası, mübahisəli məsələlərin həlli ilə əlaqədar sənədlər və satınalma müqaviləsinin tam icra edilməsi haqqında satınalan təşkilatla təchizatçı arasında imzalanan təhvil-təslim aktı istisna olmaqla, satınalmaya dair hesabata əlavə edilən digər sənədlər təklifin akseptindən, yaxud satınalma müqaviləsinin bağlanması ilə nəticələnməyən satınalma yekunlaşdıqdan sonra 7 (yeddi) iş günü ərzində sorğu əsasında təklif təqdim edən təchizatçılara verilir. 26.3. Təchizatçı satınalmanın istənilən mərhələsində Qanunun tələblərinə zidd hərəkətlərə (hərəkətsizliyə) yol verdikdə, o cümlədən saxta sənəd və (və ya) məlumat təqdim etdikdə satınalma komissiyası həmin təchizatçının satınalmadan kənarlaşdırılması haqqında əsaslandırılmış qərar qəbul edir. 26.4. Təchizatçı Təlimatın 26.3-cü bəndinin tələblərini nəzərə almaqla satınalma prosesi ilə əlaqədar olan hər hansı məsələ ilə bağlı satınalma komissiyası ilə yalnız Portal vasitəsilə əlaqə saxlaya bilər. 27. Təkliflərə dair izahat 27.1. Uyğunluq sənədlərinin və təkliflərin qiymətləndirilməsini asanlaşdırmaq məqsədilə satınalma komissiyası təchizatçıdan təqdim etdiyi uyğunluq sənədlərinə və ya təkliflərə dair izahat tələb edə bilər. Təchizatçı tərəfindən satınalma komissiyasının sorğusuna uyğun verilməyən cavablar nəzərə alınmır. Satınalma komissiyası tərəfindən qiymətləndirmə zamanı təklifin qiymətlərində və ya mahiyyətində heç bir dəyişiklik, o cümlədən könüllü artım və ya azalma tələb edilməsinə yol verilmir. 27.2. Təchizatçı bu cür izahatı 5 (beş) iş günü ərzində satınalan təşkilata təqdim etmədiyi təqdirdə onun təklifi kənarlaşdırıla bilər. 28. Formal tələblərə uyğunluğun müəyyən edilməsi 28.1. Satınalma komissiyası Qanunun 33-cü maddəsinin tələblərini nəzərə almaqla, Təlimatın 11-ci hissəsində göstərilmiş tələblərə cavab verən təklifi formal tələblərə uyğun təklif hesab edir. 28.2. Təklif əhəmiyyətli dərəcədə uyğun təklif hesab edilməsi üçün aşağıdakı hallar nəzərə alınmaqla əsaslı kənara çıxma, qeyd-şərt və çatışmazlıq olmadan şərtlər toplusunun tələblərinə cavab verməlidir: qəbul edildiyi təqdirdə: (i) müqavilədə göstərilən malların həcminə, keyfiyyətinə və ya icrasına hər hansı əhəmiyyətli şəkildə təsir edəcək və ya (ii) şərtlər toplusunun tələblərinə zidd olaraq satınalan təşkilatın hüquqlarını və ya təklif olunan müqavilə çərçivəsində təchizatçının öhdəliklərini əsaslı şəkildə məhdudlaşdıracaq və ya düzəldildiyi təqdirdə, əhəmiyyətli dərəcədə uyğun hesab edilən digər təchizatçıların rəqabət mövqeyinə ədalətsiz təsir göstərəcək. 28.3. Satınalma komissiyası xüsusilə, (B) Mallara dair tələblər sənədində qeyd olunan bütün tələblərin, heç bir əsaslı kənara çıxma, qeyd-şərt və ya çatışmazlıq olmadan yerinə yetirildiyini təsdiqləmək üçün Təlimatın 17-ci hissəsinə uyğun olaraq təqdim edilmiş təklifin texniki aspektlərini yoxlamalıdır. 28.4. Təklifi uyğun olmayan təchizatçının belə tələblərə uyğunlaşdırılması məqsədilə əsaslı kənara çıxmaya, qeyd-şərtə və ya çatışmazlığa düzəliş edilməsinə yol verilmədən kənarlaşdırılır. 29. Əhəmiyyətsiz uyğunsuzluqlar 29.1. Təklifdə onun mahiyyətini dəyişdirməyən, şərtlər toplusunda göstərilmiş xüsusiyyətlərə, şərtlərə və başqa tələblərə əhəmiyyətli dərəcədə xələl gətirməyən, aradan qaldırılması mümkün olan kiçik texniki səhvlər və ya çatışmazlıqlar (əhəmiyyətsiz uyğunsuzluqlar) olduqda, həmin səhvlər və ya çatışmazlıqlar kəmiyyətcə ifadə olunur və satınalma komissiyası təklifi formal tələblərə uyğun təklif hesab edir. 29.2. Təklifin əhəmiyyətli dərəcədə uyğun olması şərti ilə, satınalma komissiyası təchizatçının sənədləşdirmə tələbləri ilə bağlı əhəmiyyətsiz uyğunsuzluqları təchizatçıdan 5 (beş) iş günü ərzində aradan qaldırmasını tələb edə bilər. Bu cür uyğunsuzluqlar haqqında məlumat və ya sənədlərin tələb edilməsi təklifin qiymətinin heç bir aspekti ilə əlaqəli olmamalıdır. Təchizatçının qeyd edilmiş müddət ərzində sorğuya cavab verməməsi onun təklifinin kənarlaşdırılması ilə nəticələnə bilər. 30. Hesab səhvlərinin düzəldilməsi 30.1. Təqdim olunan təkliflər qiymətləndirilərkən hesab səhvlərinin düzəldilməsinə yol verilmir. 31. Vahid valyutaya konvertasiya 31.1. Qiymətləndirmə və müqayisə məqsədilə qeyri-rezident hüquqi və fiziki şəxslərin təklifləri bütövlüklə və ya bir qismi xarici valyuta ilə göstərildikdə, təkliflərin təqdim edilməsinin son gününə Azərbaycan Respublikası Mərkəzi Bankının müəyyən etdiyi məzənnə (www. cbar. az/currency/rates) əsas götürülərək Azərbaycan manatına konvertasiya edilməlidir. 32. Satınalma güzəşti 32.1. Satınalma komissiyası təklifləri qiymətləndirərkən yerli mənşəli mallar üzrə təklifin xeyrinə Qanunun 33.14-cü maddəsi ilə müəyyən edilmiş qaydada 20 faizə qədər həcmdə güzəşti düzəliş tətbiq edir. 33. Subpodratçılar 33.1. Satınalma məlumat vərəqində(21) nəzərdə tutulduğu təqdirdə, qalib təchizatçı malların görülməsi ilə əlaqədar xidmətlərin göstərilməsi üçün subpodratçılarla müqavilə imzalaya bilər. Bütün digər hallarda satınalma müqaviləsinin icrası subpodratçılara həvalə edilə bilməz. Bu halda təchizatçı təqdim etdiyi təklifə subpodratçıya həvalə ediləcək fəaliyyət (fəaliyyətlər) və ya onların satınalma müqaviləsindəki payı barədə məlumat əlavə etməlidir. Subpodrat müqaviləsinin (müqavilələrinin) məbləği satınalma müqaviləsinin ümumi dəyərinin 50 faizindən çox olmamalıdır. Satınalma müqaviləsinin icrasına subpodratçılar cəlb olunduğu halda, subpodrat müqavilələrinin ümumi məbləğinin 20 faizdən az olmayan hissəsinin icrası Azərbaycan Respublikasında qeydiyyatdan keçmiş mikro, kiçik və orta sahibkarlıq subyektlərinə həvalə olunmalıdır. 33.2. Subpodratçının uyğunluq göstəriciləri şərtlər toplusunda təchizatçı üçün müəyyən edilmiş uyğunluq göstəriciləri tələblərinə cavab vermək üçün istifadə edilməməlidir. 34. Təkliflərin qiymətləndirilməsi 34.1. Satınalan təşkilat təklifləri Qiymətləndirmə-uyğunluq meyarları və prosedurları (III) bölməsində nəzərdə tutulan meyarlara və prosedurlara əsasən qiymətləndirir. 34.2. Satınalma məlumat vərəqində(22) nəzərdə tutulduğu təqdirdə təklifi ən səmərəli təklif kimi qiymətləndirərkən qiymət amilinə əlavə olaraq texniki amillər üçün nisbi qiymət (balı) meyarı tətbiq ediləcəkdir. Qiymət amili üçün çəki,texniki amillər və onların alt amillərinə veriləcək ballar Satınalma məlumat vərəqində(22) göstərilmişdir. 34.3. Təklifi qiymətləndirərkən satınalma komissiyası aşağıdakıları nəzərə alır: Təlimatın 31.1-ci bəndinə uyğun digər valyutada təklif olduğu təqdirdə vahid məzənnəyə konvertasiya; Təlimatın 32-ci hissəsinə uyğun olaraq satınalma güzəştinin tətbiqi; Qiymətləndirmə-uyğunluq meyarları və prosedurları (III) bölməsi ilə müəyyən edilmiş digər qiymətləndirmə meyarları. 34.4. Təklifin qiymətləndirməsi zamanı Təlimatın 15-ci hissəsində təklifin qiymətinə əlavə olaraq digər amillərin də nəzərə alınması tələb edilə bilər. Bu amillər malların xüsusiyyətləri, funksional göstəriciləri, mallar və əlaqədar xidmətlərin satınalma şərtləri ilə bağlı ola bilər. Satınalma məlumat vərəqində(23) başqa hal nəzərdə tutulmadığı təqdirdə seçilmiş amillərin təsiri (əgər varsa), Qiymətləndirmə-uyğunluq meyarları və prosedurları (III) bölməsinə müqayisəni asanlaşdırmaq məqsədilə pul ilə ifadə edilməlidir. İstifadə olunacaq meyarlar və metodologiyalar Təlimatın 34.3(c) bəndində göstərildiyi kimi olmalıdır. 35. Təkliflərin müqayisəsi 35.1. Satınalma komissiyası qiymətləndirilmiş ən aşağı qiyməti olan təklifi müəyyən etmək üçün Təlimatın 34.1-ci bəndinə uyğun olaraq müəyyən edilmiş tələblərə əhəmiyyətli dərəcədə cavab verən bütün təkliflərin qiymətləndirilmiş yekun məbləğini müqayisə etməlidir. 35.2. Təlimatın 34.2-ci bəndi tətbiq olunarsa satınalma komissiyası ən səmərəli (qiymət və texniki amillərə görə ən çox bal toplamış) təklifi müəyyən etməlidir. 36. Həddindən artıq ucuz təkliflər 36.1. Təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyası təchizatçıdan təklif qiymətinin ətraflı təhlili, təklif olunan metodologiya, iş qrafiki, risk və məsuliyyətin paylaşdırılması, habelə şərtlər toplusunun digər tələbləri barədə yazılı izahat almalıdır. Təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda satınalma komissiyası təchizatçının satınalmadan kənarlaşdırılması haqqında əsaslandırılmış qərar qəbul edir. 37. Təchizatçının uyğunluq göstəriciləri 37.1. Satınalma komissiyası qiymətləndirilmiş ən aşağı məbləği olan və əhəmiyyətli dərəcədə uyğun olan ilk 3 (üç) təchizatçının təklifinin Qiymətləndirmə-uyğunluq meyarları və prosedurları (III) bölməsində qeyd edilmiş uyğunluq göstəricilərinə cavab verib-vermədiyini müəyyən etməlidir. 37.2. Bunun müəyyənləşdirilməsi üçün Təlimatın 18-ci hissəsinə uyğun olaraq təchizatçı tərəfindən təqdim edilmiş uyğunluq göstəricilərini təsdiq edən sənədlər araşdırılmalı, təchizatçının özündən başqa digər törəməsi və ya tabe olduğu müəssisələr, törəmə və tabeliyində olan müəssisələri, filialları və subpodratçılarının uyğunluq sənədləri nəzərə alınmamalıdır. 37.3. Uyğunluq göstəricilərinə cavab verən təklifin seçilməsi müqavilənin bağlanılması üçün ilkin şərtdir. Təlimatın 40.1-ci bəndinin tələbləri yerinə yetirilmədikdə qiymətləndirilmiş ən aşağı məbləği olan növbəti təklif və ya təkliflərin uyğunluq tələblərinə cavab verib-vermədiyi müvafiq qaydada araşdırılır. 37.4. Satınalma məlumat vərəqində(24) göstərilən hallarda, satınalma komissiyası tərəfindən əsaslandırılmaqla uyğunluq sənədlərini təqdim etmiş təchizatçıdan satınalmanın istənilən mərhələsində həmin sənədlərin yenidən (bir dəfədən çox olmayaraq) təqdim edilməsi tələb oluna bilər. Bu cür tələb təklifin qüvvədə olma müddətinin bitməsinə 10 (on) iş günü qalanadək irəli sürülür və uyğunluq sənədlərinin yenidən təqdim edilməsi 5 (beş) iş günü ərzində həyata keçirilir. 37.5. Təchizatçının uyğunluq göstəriciləri barədə verdiyi qeyri-dəqiq və natamam məlumat satınalma komissiyasının tələbi ilə 3 (üç) iş günü ərzində aradan qaldırılmalıdır. 38. Qalib təklifin seçilməsi 38.1. Uyğunluq göstəricilərinə cavab verən və təklifləri uyğun olan ən aşağı qiymət təklifi və ya ən səmərəli təklifi təqdim edən təchizatçı qalib təchizatçı sayılır. 39. Satınalma komissiyasının istənilən təklifi aksept etmək və istənilən və ya bütün təklifləri kənarlaşdırmaq hüququ 39.1. Satınalma komissiyası Qanunun tələblərini nəzərə almaqla qalib təchizatçını seçməzdən əvvəl istənilən vaxt istənilən təklifi aksept etmək və ya kənarlaşdırmaq və satınalmanın ləğv edilməsi haqqında qərar qəbul etmək hüququnu özündə saxlayır və buna görə təchizatçılar qarşısında heç bir məsuliyyət daşımır. Zərflər açılana qədər satınalma ləğv edildiyi halda təklifin təminatları daxil olmaqla təkliflər, zərflər açıldıqdan sonra isə təkliflərin təminatları təchizatçılara dərhal geri qaytarılır. 39.2. Satınalma komissiyası aşağıdakı hallarda satınalmanın ləğv edilməsi haqqında qərar qəbul edir: satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı açıq tender birinci dəfə elan edildikdə üçdən, yetərsay olmamasına görə eyni satınalma ikinci dəfə elan edildikdə isə ikidən az olduqda; təqdim olunan təkliflərdən heç biri şərtlər toplusunun tələblərinə uyğun olmadıqda; birinci, ikinci və üçüncü yerləri tutmuş təchizatçılar arasından qalib təchizatçını seçmək mümkün olmadıqda; bütün təchizatçıların təqdim etdiyi təkliflərin qiyməti ehtimal olunan qiymətdən yüksək olduqda; satınalmanın keçirilməsi zamanı bütün təchizatçılar arasında həmin satınalma ilə bağlı hər hansı sövdələşmə (o cümlədən qiymətin qaldırılmasına yönələn sövdələşmə) həyata keçirildikdə, yaxud bütün təchizatçılar tərəfindən bu Təlimatın 3.2-ci bəndinin tələblərinin pozulduğu müəyyən edildikdə; satınalmanın maliyyələşdirilməsi dayandırıldıqda. 40. Satınalmanın nəticələri barədə bildiriş 40.1. Satınalma komissiyası satınalmanın nəticələri haqqında yekun protokolu imzaladığı gün satınalan təşkilatın adından təklifini aksept etmək istədiyi təchizatçının adı (fiziki şəxs olduqda soyadı, adı, atasının adı), ünvanı, VÖEN-i, imzalanması nəzərdə tutulan müqavilənin məbləği, habelə gözləmə müddətinin qüvvədə olma tarixləri barədə satınalmadan kənarlaşdırılmamış təchizatçılara Təlimatın 44-cü hissəsi nəzərə alınmaqla bildiriş göndərməklə yanaşı, Portalda məlumat yerləşdirir. Bildirişdə digər təchizatçıların qalib gəlməməsinin səbəbləri göstərilir. 41. Gözləmə müddəti 41.1. Satınalmanın nəticələri barədə bildirişin göndərildiyi gündən sonrakı iş günü gözləmə müddəti başlayır və 5 (beş) iş günü ərzində qüvvədə olur. Gözləmə müddəti bitmədən satınalan təşkilat ilə qalib təchizatçı arasında müqavilə imzalana bilməz. Qalibin seçilməsi 42. Qalibin seçilməsi proseduru 42.1. Təlimatın 39-cu hissəsinin tələbləri nəzərə alınmaqla satınalma komissiyası qalib təchizatçını seçir. 43. Satınalma predmetinin həcminin (miqdarının) dəyişməsi 43.1. Satınalma müqaviləsi qalib təchizatçı tərəfindən imzalananadək satınalma komissiyası əvvəlcədən şərtlər toplusunda göstərmişdirsə, satınalma predmetinin hər vahidinin qiymətini və xüsusiyyətlərini (göstəricilərini) dəyişdirməmək, həmçinin ehtimal olunan qiyməti keçməmək şərti ilə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin razılığı ilə satınalma predmetinin həcmini (miqdarını) 10 faizə qədər artırıb-azalda bilər. 44. Müqavilənin imzalanması 44.1. Satınalan təşkilat təklifin şərtlər toplusunda göstərilmiş qüvvədə olma müddətinin bitməsinə 3 (üç) iş günü qalanadək qalib təchizatçının təklifini aksept edir və satınalma müqaviləsini tərtib edib təchizatçıya aksept bildirişi ilə birlikdə göndərir. 44.2. Qalib təchizatçı 5 (beş) iş günü ərzində satınalma müqaviləsini imzalayır və satınalan təşkilata bu Qanuna əsasən tələb olunan icra təminatını təqdim edir. Satınalan təşkilat satınalma müqaviləsini 10 (on) iş günündən gec olmayaraq imzalayır. 45. Bağlanılmış müqavilə barədə məlumatın verilməsi 45.1. Satınalma komissiyası satınalma müqaviləsi qüvvəyə mindiyi gündən 3 (üç) iş günü ərzində satınalan təşkilatın və müqaviləni bağlamış təchizatçının adı (fiziki şəxs olduqda soyadı, adı, atasının adı), VÖEN-i, satınalma predmeti, satınalma metodu, müqavilənin məbləği və icra müddəti barədə Portalda məlumat yerləşdirir. 46. İcra təminatı 46.1. İcra təminatının məbləği satınalma müqaviləsinin ümumi məbləğinin 10 faizi (mikro və kiçik sahibkarlıq subyektlərinə münasibətdə 5 faizi) həcmində müəyyən olunur. İcra təminatının qüvvədə olma müddəti satınalma müqaviləsinin yerinə yetirilməsi müddətindən (tələb olunduğu halda, zəmanət müddəti daxil olmaqla) 30 (otuz) iş günü çox olmalıdır. 46.2. Ümumi məbləği 30.000 (otuz min) manatdan az olan satınalma müqaviləsi üzrə icra təminatı tələb olunmur. 46.3. Qalib təchizatçının Təlimatın 44.2-ci bəndində qeyd olunan müddət ərzində satınalma müqaviləsini imzalamaması və (və ya) Qanuna əsasən tələb olunan icra təminatını təqdim etməməsi onun öz öhdəliklərini icra edə bilməməsi kimi qiymətləndirilir və təklifin təminatının geri qaytarılmaması ilə nəticələnir. Şikayət verilməsi 47. Şikayət vermək hüququ 47.1. Hüquqlarını və qanunla qorunan maraqlarını müdafiə etmək məqsədilə təchizatçıların satınalan təşkilatın hərəkətlərindən (hərəkətsizliyindən) və qərarlarından inzibati qaydada İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə və məhkəməyə şikayət vermək hüququ vardır. 47.2. Aşağıdakılar şikayət predmeti ola bilməz: Azərbaycan Respublikasının beynəlxalq öhdəlikləri ilə nəzərdə tutulduğu və ya dövlət təhlükəsizliyi baxımından müəyyən xarici təchizatçıların və ya müəyyən ölkələrdən (o cümlədən Azərbaycan Respublikasının diplomatik əlaqələri olmadığı ölkələrdən) olan xarici təchizatçıların satınalmada iştirak etməsinin məhdudlaşdırılması; təqdim olunan təkliflərdən heç biri şərtlər toplusunun tələblərinə uyğun olmaması və satınalmanın keçirilməsi zamanı bütün təchizatçılar arasında həmin satınalma ilə bağlı hər hansı sövdələşmə (o cümlədən qiymətin qaldırılmasına yönələn sövdələşmə) həyata keçirilməsi halları istisna olmaqla qanuni əsaslarla satınalmanın ləğv edilməsi. 48. Satınalan təşkilata şikayət 48.1. Satınalmadan kənarlaşdırılmamış təchizatçılar satınalan təşkilata satınalmanın nəticələri ilə bağlı öz şikayətlərini gözləmə müddətində verirlər. Satınalan təşkilat gözləmə müddətində verilmiş şikayəti 5 (beş) iş günü ərzində araşdıraraq müvafiq qərar qəbul edir. 48.2. Kənarlaşdırılmış və ya iştirak etməyən təchizatçılar satınalma müqaviləsi qüvvəyə minənə qədər öz hüquqlarının pozulduğunu bildiyi və ya bilməli olduğu gündən 15 (on beş) iş günü ərzində satınalan təşkilata şikayət verə bilərlər. Satınalan təşkilat verilmiş şikayəti 10 (on) iş günü ərzində araşdıraraq müvafiq qərar qəbul edir və həmin qərarın qəbul edildiyi gündən 1 (bir) iş günü ərzində şikayət edən təchizatçıya göndərir. 48.3. Şikayət gözləmə müddəti və ya Təlimatın 48.2-ci bəndi ilə müəyyən edilən müddət keçdikdən sonra verilmişdirsə, satınalan təşkilat həmin şikayəti baxılmamış saxlayır. 48.4. Satınalan təşkilat Təlimatın 48.1-ci və 48.2-ci bəndlərində göstərilən müddət ərzində qərar qəbul etmirsə, təchizatçı bununla bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə və məhkəməyə şikayət verə bilər. Belə şikayət verildikdən sonra satınalan təşkilat tərəfindən həmin şikayət baxılmamış saxlanılır. 49. AİBNDX-yə şikayət 49.1. Təchizatçılar aşağıdakı hallarda İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə şikayət verə bilər: satınalma müqaviləsi qüvvəyə mindikdə; satınalma komissiyası Qanunun və Qanundan irəli gələn normativ hüquqi aktların tələblərini pozduqda; təqdim olunan təkliflərdən heç biri şərtlər toplusunun tələblərinə uyğun olmadıqda; satınalmanın keçirilməsi zamanı bütün təchizatçılar arasında həmin satınalma ilə bağlı hər hansı sövdələşmə (o cümlədən qiymətin qaldırılmasına yönələn sövdələşmə) həyata keçirildikdə, yaxud bütün təchizatçılar tərəfindən satınalmalarda maraqlar toqquşmasının tələbləri pozulduğu müəyyən edildikdə; Satınalan təşkilat Təlimatın 48.1-ci və 48.2-ci bəndlərində göstərilən müddət ərzində qərar qəbul etmədikdə; verilmiş şikayətlə bağlı satınalan təşkilatın qərarı ilə razılaşmadığı halda. 49.2. Təchizatçılar öz hüquqlarının pozulduğunu bildiyi və ya bilməli olduğu gündən, habelə Təlimatın 49.1(f) bəndində nəzərdə tutulmuş qərarı aldığı gündən və ya həmin qərarın verilməli olduğu gündən 15 (on beş) iş günü ərzində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə şikayət verə bilərlər. 49.3. AİBNDX şikayəti aldıqdan sonra 1 (bir) iş günü ərzində bu barədə satınalan təşkilata Portal vasitəsilə bildiriş göndərir. Şikayətdə qaldırılan məsələlərin araşdırılması üçün əlavə məlumat tələb olunduğu təqdirdə AİBNDX satınalan təşkilata Portal vasitəsilə sorğu göndərir. Satınalan təşkilat sorğunu aldıqdan sonra 3 (üç) iş günü ərzində sorğuda tələb olunan məlumatları İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə təqdim edir. 49.4. AİBNDX verilmiş şikayəti 20 (iyirmi) iş günü ərzində araşdıraraq müvafiq qərar qəbul edir. 49.5. AİBNDX şikayəti təmin edirsə aşağıdakı tədbirlərdən birini və ya bir neçəsini tətbiq edir. satınalan təşkilata qanunazidd hərəkətlər (hərəkətsizlik) etməyi və ya qərarlar qəbul etməyi, yaxud prosedurlar tətbiq etməyi qadağan etmək; satınalan təşkilatın qanunazidd inzibati aktını "İnzibati icraat haqqında" Azərbaycan Respublikası Qanununun 67-ci maddəsinə uyğun olaraq ləğv etmək; satınalan təşkilatın və ya satınalma komissiyasının qanunazidd hərəkətini (hərəkətsizliyini) dayandırmaq; satınalan təşkilatın və ya satınalma komissiyasının qanunazidd qərarını ləğv etmək və yeni qərar qəbul etmək və ya satınalan təşkilatın əvəzinə öz qərarını qəbul etmək; təkliflərin yenidən qiymətləndirilməsi və ya satınalmanın ləğv edilməsi barədə qərar qəbul etmək. 50. Satınalmanın dayandırılması 50.1. Təlimatın 48-ci və 49-cu hissələrinə əsasən verilən şikayətin (gözləmə müddətində verilən şikayət istisna olmaqla) araşdırılması məqsədilə "İnzibati İcraat haqqında" Azərbaycan Respublikası Qanununun 76-cı maddəsinə uyğun olaraq İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin qərarı ilə satınalan təşkilat tərəfindən satınalma prosedurları 10 (on) iş gününədək dayandırıla bilər. Bu müddət İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin əsaslandırılmış qərarı ilə 10 (on) iş gününədək uzadıla bilər. 51. İnzibati qaydada şikayət 51.1. Təchizatçılar AİBNDX-nin qərarlarından və hərəkətlərindən (hərəkətsizliyindən) inzibati qaydada və məhkəməyə şikayət verə bilərlər. Müqavilə 52. Müqavilə şərtləri 52.1. Təchizatçı təklifini formalaşdırarkən satınalma müqaviləsinin tələblərini nəzərə almalıdır. 52.2. Satınalma müqaviləsində aşağıdakı məlumatlarından çıxarış Satınalma məlumat vərəqində(25) də göstərilir: satınalma müqaviləsi üzrə ödəmələrin qaydası və məbləği; avans; satınalma müqaviləsinin qüvvəyə minmə qaydaları; satınalma müqaviləsinin icra müddətində və satınalma müqaviləsinin məbləğində dəyişiklik edilməsi qaydaları; tətbiq edildikdə, satınalma predmetinin sığortalanması şərtləri. 52.3. Satınalma müqaviləsi ilə şərtlər toplusunda qeyd edilən məlumatlar arasında ziddiyyət olarsa şərtlər toplusu üstünlük təşkil edir.

Məhkəmənin, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin (bundan sonra – AİBNDXARPAİBNDA), Azərbaycan Respublikası Hesablama Palatasının və Azərbaycan Respublikası Maliyyə Nazirliyinin qanunla müəyyən edilmiş hüquq və vəzifələrinin icrası ilə bağlı məlumatların açıqlanması halları istisna olmaqla, satınalan təşkilat digər hallarda təchizatçıların kommersiya sirri təşkil edən və ya qanunla qorunan digər məlumatlarını açıqlamır və onları məxfi (konfidensial) saxlayır.

Büdcədənkənar vəsait Azərbaycan Respublikasının mülkiyyəti hesab olunur, Azərbaycan Respublikası İqtisadiyyat NazirliyininAzərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin (bundan sonra — Agentlik) sərəncamındadır və onun istifadəçisi (sərəncamçısı) dəyişdirilə bilməz.