AZƏRBAYCAN RESPUBLİKASI İQTİSADİYYAT NAZİRLİYİNİN KOLLEGİYASI QƏRAR № 2 Bakı şəhəri 12 mart 2025-ci il "Azərbaycan Respublikası Vergi Məcəlləsinin 16.1.11-17-ci maddəsinə uyğun olaraq, kənd təsərrüfatı məhsulları bazarları və kənd təsərrüfatı kooperativi bazarları istisna olmaqla, bazarların mülkiyyətçiləri (bazarlar idarəetməyə verildikdə idarəediciləri) tərəfindən icarə müqaviləsinə xitam verilmiş və faktiki olaraq həmin obyektdə fəaliyyət göstərməyən, habelə fəaliyyətini davam etdirən vergi ödəyiciləri barədə məlumat forması"nın təsdiq edilməsi barədə "Azərbaycan Respublikasının Vergi Məcəlləsində dəyişiklik edilməsi haqqında" Azərbaycan Respublikasının 2024-cü il 16 dekabr tarixli 98-VIIQD nömrəli Qanununun tətbiqi və "Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə" Azərbaycan Respublikası Prezidentinin 2000-ci il 30 avqust tarixli 393 nömrəli Fərmanında dəyişiklik edilməsi haqqında" Azərbaycan Respublikası Prezidentinin 2024-cü il 27 dekabr tarixli 269 nömrəli Fərmanının 3.1-ci bəndinin icrasının təmin edilməsi məqsədilə, Azərbaycan Respublikası Prezidentinin 2019-cu il 30 dekabr tarixli 911 nömrəli Fərmanı ilə təsdiq edilmiş "Azərbaycan Respublikasının İqtisadiyyat Nazirliyi haqqında Əsasnamə"nin 5.11.2-ci yarımbəndini rəhbər tutaraq Azərbaycan Respublikası İqtisadiyyat Nazirliyinin Kollegiyası QƏRARA ALIR:
1. "Azərbaycan Respublikası Vergi Məcəlləsinin 16.1.11-17-ci maddəsinə uyğun olaraq, kənd təsərrüfatı məhsulları bazarları və kənd təsərrüfatı kooperativi bazarları istisna olmaqla, bazarların mülkiyyətçiləri (bazarlar idarəetməyə verildikdə idarəediciləri) tərəfindən icarə müqaviləsinə xitam verilmiş və faktiki olaraq həmin obyektdə fəaliyyət göstərməyən, habelə fəaliyyətini davam etdirən vergi ödəyiciləri barədə məlumat forması" təsdiq edilsin (əlavə olunur).
2. Hüquq şöbəsinin müdiri Tural İsgəndərova tapşırılsın ki, bu Qərarın Azərbaycan Respublikasının Hüquqi Aktların Dövlət Reyestrinə daxil edilməsi məqsədilə 3 gün müddətində Azərbaycan Respublikasının Ədliyyə Nazirliyinə göndərilməsi üçün zəruri tədbirlərin görülməsini təmin etsin.
3. İctimaiyyətlə əlaqələr şöbəsinin müdiri Leyla Zamanovaya tapşırılsın ki, bu Qərarın Hüquqi Aktların Dövlət Reyestrinə daxil edildikdən (Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş "İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə"nin 5.5-ci bəndi nəzərə alınmaqla) sonra 72 saat müddətində rəsmi dövri mətbu nəşrdə dərc edilməsi və Azərbaycan Dövlət İnformasiya Agentliyinin (AZƏRTAC-ın) informasiya ehtiyatında, eləcə də qüvvəyə mindiyi gündən Azərbaycan Respublikası İqtisadiyyat Nazirliyinin internet informasiya ehtiyatında yerləşdirilməsi üçün zəruri tədbirlərin görülməsini təmin etsin.
4. Kollegiyanın məsul katibi, Daxili nəzarət şöbəsinin müdir müavini Elnur Əliyevə tapşırılsın ki, bu Qərarın surətinin göndərilmə siyahısına uyğun çatdırılmasını təmin etsin.
5. Bu Qərarın icrasına nəzarəti öz üzərimdə saxlayıram.
Əsas: Azərbaycan Respublikası İqtisadiyyat Nazirliyinin Kollegiya iclasının protokolu. Sədr, İqtisadiyyat naziri Mikayıl Cabbarov Azərbaycan Respublikası İqtisadiyyat Nazirliyinin Kollegiyasının 12 mart 2025- ci il tarixli 2 nömrəli Qərarı ilə təsdiq edilmişdir. Azərbaycan Respublikası Vergi Məcəlləsinin 16.1.11-17-ci maddəsinə uyğun olaraq, kənd təsərrüfatı məhsulları bazarları və kənd təsərrüfatı kooperativi bazarları istisna olmaqla, bazarların mülkiyyətçiləri (bazarlar idarəetməyə verildikdə idarəediciləri) tərəfindən icarə müqaviləsinə xitam verilmiş və faktiki olaraq həmin obyektdə fəaliyyət göstərməyən, habelə fəaliyyətini davam etdirən vergi ödəyiciləri haqqında MƏLUMAT FORMASI
1. Məlumat formasının təqdim edildiyi vergi orqanı 1.1 Vergi orqanının adı
2. Bazar mülkiyyətçisi (bazar idarəetməyə verildikdə idarəedici) haqqında məlumat 2.1 Bazar mülkiyyətçisinin (bazar idarəetməyə verildikdə idarəedicinin) adı: 2.2 Bazar mülkiyyətçisinin (bazar idarəetməyə verildikdə idarəedicinin) VÖEN-i:
2.3 Bazar mülkiyyətçisinin (bazar idarəetməyə verildikdə idarəedicinin) təsərrüfat subyektinin (obyektinin) kodu - 2.4 Hesabat dövrü rüb il 2.5 Növü Cari Dəqiqləşdirilmiş
3. İcarə müqaviləsinə xitam verilmiş və faktiki olaraq həmin obyektdə fəaliyyət göstərməyən, habelə fəaliyyətini davam etdirən vergi ödəyiciləri haqqında məlumat Sıra №-si Vergi ödəyicisinin adı VÖEN Təsərrüfat subyektinin (obyektinin) kodu Təsərrüfat subyektinin (obyektinin) adı Təsərrüfat subyektinin (obyektinin) statusu* İcarə müqaviləsi nin qüvvəyə minmə tarixi İcarə müqaviləs inə xitam verilmə tarixi Qeyd** 1 2 3 4 5 6 7 8 9
… *Qeyd: Bu məlumat formasının "Təsərrüfat subyektinin (obyektinin) statusu" sütununda "icarə müqaviləsinə xitam verilmiş və faktiki olaraq həmin obyektdə fəaliyyət göstərməyən" və ya "fəaliyyətini davam etdirən" seçimlərindən biri qeyd edilir. **Qeyd: Bu məlumat formasının "Qeyd" sütunu yalnız vergi ödəyicisinin əlavə qeydi olduğu halda doldurulur. ***Qeyd: Bu məlumat forması Azərbaycan Respublikasının 2024-cü il 16 dekabr tarixli 98-VIIQD nömrəli Qanununun 3.1-ci maddəsinə əsasən 2025-ci ilin 16 sentyabr tarixindən qüvvəyə minir.