Azərbaycan Respublikasının Prezidenti Zati-aliləri cənab İlham Əliyevə Əs-səlamu əleykum və rəhmətullahi və bərəkətuhu.
Möhtərəm cənab Prezident.
Mübarək Ramazan bayramı münasibətilə Zati-alinizə səmimi təbriklərimizi və ən xoş arzularımızı çatdırmaqdan məmnunluq duyuruq. Bu münasibətlə Uca Allahdan Sizə möhkəm cansağlığı və davamlı uğurlar, ölkənizə və qardaş Azərbaycan xalqına səadət, xeyir və bərəkət diləyirik.
Şübhə yoxdur ki, İslam dünyamızın qarşısında duran problemlər çoxsaylı və böyükdür. Bununla belə, biz inanırıq ki, hər bir problemin içərisində həll üçün bir fürsət də var. Biz dost ölkələrin inkişafı, onlar arasında iqtisadi əlaqələr yolundakı maneələri aradan qaldırmaq və əməkdaşlıq körpüləri qurmaq məqsədilə qardaşlarımızla çiyin-çiyinə işləmək əzmindəyik. Çünki biz irəliyə baxaraq hər kəsin təhlükəsizlikdən və firavanlıqdan bəhrələnəcəyi daha yaxşı sabaha can atırıq.
Dərin hörmətlə, Ammar Əl-Hakim İraqın Milli Dövlət Qüvvələri Koalisiyasının Prezidenti