“İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə…

4. Kollegiyanın məsul katibi, Daxili nəzarət şöbəsinin müdir müavini Elnur Əliyevə tapşırılsın ki, bu Qərarın surətinin göndərilmə siyahısına uyğun çatdırılmasını təmin etsin.

5. Bu Qərarın icrasına nəzarəti öz üzərimdə saxlayıram.

Əsas: Azərbaycan Respublikası İqtisadiyyat Nazirliyinin Kollegiya iclasının protokolu. Sədr, İqtisadiyyat naziri Mikayıl Cabbarov

Azərbaycan Respublikası İqtisadiyyat Nazirliyinin Kollegiyasının 2024-cü il 22 iyul tarixli 9 nömrəli Qərarı ilə təsdiq edilmişdir. İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalına dair təsdiqedici sənədin verilməsi QAYDASI

1. Ümumi müddəalar

1.1. "İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalına dair təsdiqedici sənədin verilməsi Qaydası" (bundan sonra — Qayda) Azərbaycan Respublikası Vergi Məcəlləsinin 227.2-ci maddəsinə və "Gömrük tarifi haqqında" Azərbaycan Respublikası Qanununun 20.0.22-ci maddəsinə uyğun olaraq hazırlanmışdır və işğaldan azad edilmiş ərazilər üzrə texnikanın, texnoloji avadanlıqların və qurğuların, habelə xammal və materialların idxalına dair təsdiqedici sənədin (bundan sonra — təsdiqedici sənəd) verilməsi qaydasını müəyyən edir.

1.2. Təsdiqedici sənəd işğaldan azad edilmiş ərazinin rezidentlərinə Azərbaycan Respublikasının Vergi Məcəlləsinin 227.2-ci maddəsində və "Gömrük tarifi haqqında" Azərbaycan Respublikası Qanununun 20.0.22-ci maddəsində nəzərdə tutulan azadolmalardan istifadə hüququ verir.

1.3. Bu Qaydanın məqsədləri üçün işğaldan azad edilmiş ərazinin rezidenti (bundan sonra — rezident) dedikdə, işğaldan azad edilmiş ərazilərdə vergi uçotuna alınan və bilavasitə həmin ərazidə fəaliyyət göstərən hüquqi və fiziki şəxslər başa düşülür.

1.4. İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən texnika, texnoloji avadanlıqlar və qurğular, habelə xammal və materiallar dedikdə Azərbaycan Respublikası Nazirlər Kabinetinin 2023-cü il 5 avqust tarixli 269 nömrəli Qərarı ilə təsdiq edilmiş Siyahı üzrə mal mövqeləri nəzərdə tutulur.

1.5. Təsdiqedici sənədin və onun dublikatının verilməsi, təsdiqedici sənədin yenidən rəsmiləşdirilməsi, dayandırılması, bərpası və ləğvi ilə bağlı inzibati icraat "Lisenziyalar və icazələr haqqında" Azərbaycan Respublikasının Qanununa, "İnzibati icraat haqqında" Azərbaycan Respublikasının Qanununa, digər normativ hüquqi aktlara və bu Qaydaya uyğun olaraq aparılır.

2. Müraciətlərə baxılması və təsdiqedici sənədin verilməsi

2.1. Bu Qaydanın 1.4-cü bəndində nəzərdə tutulan xammal və materialları idxal edən rezident təsdiqedici sənədin alınması üçün müraciətdən əvvəl bu Qaydanın 1 nömrəli əlavəsində müəyyən olunmuş formaya uyğun olaraq istehsal olunan məhsul vahidinə tələb olunan xammal və material sərfi normalarını Azərbaycan Respublikasının İqtisadiyyat

Nazirliyinə (bundan sonra — İqtisadiyyat Nazirliyi) təqdim edir və sözügedən normalar təhlil edilərək uyğunsuzluq aşkarlanmadığı halda təsdiqedici sənədin verilməsi və qiymətləndirilməsi zamanı əsas götürülür.

2.2. Təsdiqedici sənədi almaq üçün rezident "İnzibati icraat haqqında" Azərbaycan Respublikası Qanununun 29-cu və 30-cu maddələrinin tələbləri nəzərə alınmaqla bu Qaydanın 2 nömrəli əlavəsində göstərilən formada ərizə (bundan sonra — ərizə) ilə İqtisadiyyat Nazirliyinə müraciət edir.

2.3. Ərizə ilə birlikdə aşağıdakı sənədlər təqdim edilir:

2.3.1. "Lisenziyalar və icazələr haqqında" Azərbaycan Respublikasının Qanununun 18.2.1-18.2.4-cü maddələrində göstərilmiş sənədlər;

2.3.2. idxalı nəzərdə tutulan texnikanın, texnoloji avadanlıqların və qurğuların, habelə xammal və materialların alınması ilə bağlı müqavilənin və ya onların qanunla qadağan edilməmiş digər qaydada əldə edilməsini təsdiq edən sənədin surəti;

2.3.3. texnikanın, texnoloji avadanlıqların və qurğuların, habelə xammal və materialların idxalı ilə bağlı müşayiət sənədlərinin surəti (ixrac və ya idxal bəyannaməsi, daşıma sənədi, qablaşdırma siyahısı və hesab faktura).

2.4. Tələb olunan sənədlərin və ya məlumatların Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər və ya məlumatlar ərizəçidən tələb edilmir. Belə sənədlərin və ya məlumatların Elektron Hökumət İnformasiya Sistemi vasitəsilə əldə edilməsi mümkün olmadığı hallarda, onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir.

2.5. İdxalı nəzərdə tutulan texnika, texnoloji avadanlıqlar və qurğular, habelə xammal və materiallar Azərbaycan Respublikası Nazirlər Kabinetinin 2023-cü il 5 avqust tarixli 269 nömrəli Qərarı ilə təsdiq edilmiş "İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnikanın, texnoloji avadanlıqların və qurğuların, habelə xammal və materialların siyahısı"nda göstərilmiş iqtisadi fəaliyyət növləri üzrə istehsal sahələri və mal mövqelərinə uyğun olmalıdır.

2.6. Təsdiqedici sənədin verilməsi barədə ərizəyə baxılarkən idxalı nəzərdə tutulan texnikanın, texnoloji avadanlıqların və qurğuların, habelə xammal və materialların bilavasitə işğaldan azad edilmiş ərazidə fəaliyyətin təşkili ilə bağlı olması, bu Qaydanın 1.3-cü, 2.1-ci və 2.5-ci bəndlərinin tələblərinə cavab verməsi, eləcə də vergi və digər dövlət ödənişləri üzrə vaxtı keçmiş öhdəliklərinin icra edilməsi vəziyyəti araşdırılır.

2.7. Təsdiqedici sənədin verilməsi barədə ərizədə və ona əlavə edilmiş sənədlərdə imtinaya səbəb olmayan çatışmazlıqlar aşkar edildikdə, ərizənin qeydiyyata alındığı tarixdən 5 iş günündən gec olmayaraq onların aradan qaldırılması barədə məlumat ərizəçiyə təqdim edilir və ya poçt rabitəsi vasitəsilə, yaxud elektron üsulla göndərilir. Ərizəçi həmin çatışmazlıqları məlumatı aldığı vaxtdan ən geci 10 iş günü ərzində aradan qaldırmalıdır. Bu zaman təsdiqedici sənədin verilməsi ilə bağlı müddətin axımı dayandırılır və dayandırılmış müddət təsdiqedici sənədin verilməsi müddətinə daxil edilmir. Çatışmazlıqların aradan qaldırılması barədə ərizəçinin müraciətindən sonra müddətin axımı bərpa olunur.

2.8. Ərizəçi ərizədə və ona əlavə edilmiş sənədlərdə aşkar olunmuş çatışmazlıqları bu Qaydanın 2.7-ci bəndində göstərilən müddətdə aradan qaldırmadıqda ərizənin baxılmamış saxlanılması haqqında inzibati akt qəbul edildikdən sonra bu barədə məlumat 2 iş günü müddətində ərizəçiyə təqdim edilir və ya poçt rabitəsi vasitəsilə, yaxud elektron üsulla göndərilir. Ərizəçi təsdiqedici sənədin alınması üçün təkrar ərizə ilə İqtisadiyyat Nazirliyinə müraciət edə bilər.

2.9. Təqdim olunmuş ərizəyə və ona əlavə edilmiş sənədlərə baxılmasının nəticəsi əsasında ərizənin qeydiyyata alındığı tarixdən 7 iş günündən gec olmayaraq təsdiqedici sənədin verilməsi və ya verilməsindən imtina haqqında inzibati akt qəbul edilir, bu barədə məlumat 2 iş günü müddətində ərizəçiyə təqdim edilir və ya poçt rabitəsi vasitəsilə, yaxud elektron üsulla göndərilir.

2.10. Təsdiqedici sənədin verilməsi, verilməsindən imtina, təsdiqedici sənədə düzəlişin edilməsi, onun yenidən rəsmiləşdirilməsi, dayandırılması və ləğv edilməsi haqqında məlumat 3 iş günü müddətində İqtisadiyyat Nazirliyi yanında Dövlət Vergi Xidmətinə, Azərbaycan Respublikasının Maliyyə Nazirliyinə və Azərbaycan Respublikasının Dövlət Gömrük Komitəsinə təqdim edilir.

3. Təsdiqedici sənədin verilməsindən imtina

3.1. Təsdiqedici sənədin verilməsindən aşağıdakı hallarda imtina edilir:

3.1.1. təsdiqedici sənədin verilməsi barədə ərizədə və ona əlavə olunmuş sənədlərdə Azərbaycan Respublikasının qanunları və digər normativ hüquqi aktları ilə müəyyən edilən tələblərə uyğun olmayan məlumatlar olduqda (bu Qaydanın 2.7-ci bəndində göstərilmiş imtinaya səbəb olmayan çatışmazlıqlar istisna olmaqla).

3.1.2. ərizəçi təsdiqedici sənədin verilməsi şərtlərini yerinə yetirmədikdə.

3.2. Təsdiqedici sənədin verilməsindən imtina haqqında inzibati akt imtina hallarına istinad edilməklə, əsaslandırılmalıdır. Ərizəçi inzibati aktdan inzibati qaydada və məhkəməyə şikayət verə bilər.

4. Təsdiqedici sənəddə olan aşkar səhvlərin düzəldilməsi

4.1. İqtisadiyyat Nazirliyi öz təşəbbüsü ilə və ya ərizəçinin müraciətinə əsasən müvafiq inzibati aktla təsdiqedici sənəddə olan səhvlərə düzəliş edə bilər.

4.2. Ərizəçidən düzəliş edilməsi zəruri olan məlumatlar üzrə sənədlər tələb edilə bilər.

4.3. İqtisadiyyat Nazirliyi 3 iş günü ərzində müvafiq düzəlişləri edərək təsdiqedici sənədi ərizəçiyə təqdim edir və ya poçt rabitəsi vasitəsilə, yaxud elektron üsulla göndərir.

5. Təsdiqedici sənədin yenidən rəsmiləşdirilməsi

5.1. Azərbaycan Respublikasının Vergi Məcəlləsinin 226.2-ci maddəsində işğaldan azad edilmiş ərazinin rezidenti üzrə təsbit edilmiş şərtlər nəzərə alınmaqla "Lisenziyalar və icazələr haqqında" Qanunun 23.1.1-ci, 23.1.2-ci və 23.1.3-cü maddələrində göstərilən əsaslar yarandıqda, təsdiqedici sənəd sahibi əsasların yarandığı gündən 5 iş günündən gec olmayaraq təsdiqedici sənədin yenidən rəsmiləşdirilməsi üçün İqtisadiyyat Nazirliyinə ərizə ilə müraciət etməlidir.

5.2. İqtisadiyyat Nazirliyi təsdiqedici sənədin yenidən rəsmiləşdirilməsi üzrə məlumatları aidiyyəti dövlət qurumlarından əldə edərək ərizə və ona əlavə olunan sənədlər daxil olduqdan 3 iş günü ərzində müvafiq düzəlişləri edərək yenidən rəsmiləşdirilmiş təsdiqedici sənədi təsdiqedici sənəd sahibinə təqdim edir və ya poçt rabitəsi vasitəsilə, yaxud elektron üsulla göndərir.

6. Təsdiqedici sənədin dublikatının verilməsi

6.1. Təsdiqedici sənəd itirildikdə və ya zədələndikdə təsdiqedici sənəd sahibi təsdiqedici sənədin dublikatının verilməsi üçün İqtisadiyyat Nazirliyinə ərizə ilə müraciət edir.

6.2. İqtisadiyyat Nazirliyi ərizənin daxil olduğu tarixdən 3 iş günü müddətində təsdiqedici sənədin dublikatını hazırlayaraq ərizəçiyə təqdim edir və ya poçt rabitəsi vasitəsilə, yaxud elektron üsulla göndərir.

6.3. Təsdiqedici sənədin dublikatı itirilmiş və ya zədələnmiş təsdiqedici sənədlə eyni hüquqi qüvvəyə malikdir.

7. Təsdiqedici sənədin dayandırılması

7.1. Təsdiqedici sənəd İqtisadiyyat Nazirliyi tərəfindən aşağıdakı hallarda dayandırılır:

7.1.1. təsdiqedici sənəd sahibi tərəfindən müvafiq ərizə təqdim edildikdə;

7.1.2. təsdiqedici sənəd sahibi təsdiqedici sənədin şərtlərinin pozulması hallarının aradan qaldırılmasına dair İqtisadiyyat Nazirliyinin göstərişlərini yerinə yetirmədikdə;

7.1.3. Azərbaycan Respublikasının qanunları və digər normativ hüquqi aktları ilə müəyyən edilmiş digər hallarda.

7.2. Təsdiqedici sənəd İqtisadiyyat Nazirliyinin müvafiq inzibati aktı ilə 1 ay müddətində dayandırılır, həmin inzibati aktda dayandırılmaya əsas verən hallar göstərilir.

7.3. Bu Qaydanın 7.1.2-ci və 7.1.3-cü yarımbəndlərində göstərilən əsaslar üzrə təsdiqedici sənədin dayandırılması haqqında inzibati aktda dayandırılmaya əsas verən halların aradan qaldırılması üçün görülməli olan tədbirlər və təsdiqedici sənədin dayandırıldığı müddətdə həmin halların aradan qaldırılmamasının nəticəsi göstərilir.

7.4. Təsdiqedici sənəd sahibi təsdiqedici sənədin dayandırıldığı müddət bitənədək Bu Qaydanın 7.1.2-ci və 7.1.3-cü yarımbəndlərində göstərilən halları aradan qaldırmalı və nəticəsi barədə 3 iş günü müddətində İqtisadiyyat Nazirliyinə yazılı məlumat verməlidir.

7.5. Bu Qaydanın 7.1.1-ci yarımbəndinə əsasən dayandırılmış təsdiqedici sənəd təsdiqedici sənəd sahibinin müvafiq ərizəsinə, bu Qaydanın 7.1.2-ci və 7.1.3-cü yarımbəndlərinə əsasən dayandırılmış təsdiqedici sənəd isə həmin halların aradan qaldırılması barədə təsdiqedici sənəd sahibinin təqdim etdiyi yazılı məlumata əsasən İqtisadiyyat Nazirliyinin müvafiq inzibati aktı ilə bərpa olunur.

7.6. Təsdiqedici sənədin dayandırılması haqqında inzibati akt qəbul olunduğu tarixdən 2 iş günü müddətində təsdiqedici sənəd sahibinə təqdim edilir və ya poçt rabitəsi vasitəsilə, yaxud elektron üsulla göndərilir.

7.7. Təsdiqedici sənəd sahibi təsdiqedici sənədin dayandırılması haqqında inzibati aktdan və ya inzibati orqanın hərəkətlərindən (hərəkətsizliyindən) inzibati qaydada və məhkəməyə şikayət verə bilər.

8. Təsdiqedici sənədin ləğvi

8.1. Təsdiqedici sənəd İqtisadiyyat Nazirliyi tərəfindən aşağıdakı hallarda ləğv olunur:

8.1.1. təsdiqedici sənəd sahibi tərəfindən müvafiq ərizə təqdim edildikdə;

8.1.2. təsdiqedici sənəd sahibi hüquqi şəxs (o cümlədən xarici hüquqi şəxsin filialı və ya nümayəndəliyi) ləğv edildikdə;

8.1.3. təsdiqedici sənəd sahibi fiziki şəxsin fərdi sahibkar kimi fəaliyyətinə xitam verildikdə;

8.1.4. təsdiqedici sənəd sahibi rezident statusunu itirdikdə;

8.1.5. məhkəmənin müvafiq qərarı olduqda;

8.1.6. təsdiqedici sənədin verilməsi üçün təqdim edilmiş sənədlərdə sonralar düzgün olmayan və yaxud təhrif olunmuş (natamam) məlumatlar aşkar edildikdə;

8.1.7. təsdiqedici sənədin dayandırıldığı müddət bitənədək onun dayandırılmasına əsas olmuş halların aradan qaldırılması barədə İqtisadiyyat Nazirliyinə yazılı məlumat verilmədikdə;

8.1.8. təsdiqedici sənəddən vergidən yayınma məqsədləri üçün istifadə edilməsi müəyyən edildikdə;

8.1.9. Azərbaycan Respublikasının qanunları ilə müəyyən edilmiş digər hallarda.

8.2. Texnika, texnoloji avadanlıqlar və qurğulara münasibətdə təsdiqedici sənəd ləğv olunduqda təsdiqedici sənəd sahibi qanunla nəzərdə tutulan azadolmalardan istifadə hüququnu itirir. Buna müvafiq olaraq Azərbaycan Respublikasının Vergi Məcəlləsinə uyğun olaraq əlavə dəyər vergisi, habelə "Gömrük tarifi haqqında" Azərbaycan Respublikasının Qanununa uyğun olaraq gömrük rüsumu ödənilməlidir.

8.3. Xammal və materiallara münasibətdə təsdiqedici sənəd ləğv olunduqda təsdiqedici sənəd sahibi tərəfindən istehsala cəlb edilməmiş xammal və materiallar üzrə Azərbaycan Respublikasının Vergi Məcəlləsinə uyğun olaraq əlavə dəyər vergisi, habelə "Gömrük tarifi haqqında" Azərbaycan Respublikasının Qanununa uyğun olaraq gömrük rüsumu ödənilməlidir.

8.4. Təsdiqedici sənədin ləğvi haqqında inzibati akt qəbul olunduğu tarixdən 2 iş günü müddətində təsdiqedici sənəd sahibinə təqdim edilir və ya poçt rabitəsi vasitəsilə, yaxud elektron üsulla göndərilir.

8.5. Təsdiqedici sənəd sahibi təsdiqedici sənədin ləğvi haqqında inzibati aktdan və ya inzibati orqanın hərəkətlərindən (hərəkətsizliyindən) inzibati qaydada və məhkəməyə şikayət verə bilər.

"İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalına dair təsdiqedici sənədin verilməsi Qaydası"na 1 nömrəli əlavə İstehsal olunan məhsul vahidinə tələb olunan xammal və material sərfi normaları barədə MƏLUMAT ___________________________________________________________________________________________ (müracət olunan qurumun adı)

1. Sahibkarlıq subyekti haqqında məlumatlar:

1.1. Hüquqi şəxsin tam adı/fərdi sahibkarın soyadı, adı, atasının adı__________________________________________________________________

1.2. Hüquqi şəxsin hüquqi ünvanı/fərdi sahibkarın ünvanı __________________________________________________________________________

1.3. Hüquqi şəxsin/fərdi sahibkarın VÖEN-i _______________________________________________________________________________________ 1.4. Əlaqə telefonu ______________________________________________________________________________________________________________

1.5. İnternet ünvanı (veb-saytı) (əgər varsa)________________________________________________________________________________________

1.6. Elektron poçt ünvanı _______________________________________________________________________________________________________

1.7. Hüquqi şəxsin/fərdi sahibkarın səlahiyyətli nümayəndəsinin (əgər varsa):

1.7.1. Soyadı, adı, atasının adı ___________________________________________________________________________________________________ 1.7.2. Ünvanı __________________________________________________________________________________________________________________ 1.7.3. Əlaqə telefonu ____________________________________________________________________________________________________________ 1.7.4. Elektron poçt ünvanı ______________________________________________________________________________________________________ 1.7.5. Etibarnamə haqqında məlumatlar___________________________________________________________________________________________

2. Fəaliyyət haqqında məlumatlar:

2.1. Fəaliyyətin həyata keçirildiyi ünvan___________________________________________________________________________________________

2.2. Təsərrüfat obyektinin vergi uçot kodu_________________________________________________________________________________________

2.3. İqtisadi fəaliyyət növünün təsnifatının kodu və adı______________________________________________________________________________ _______________________________________________________________________________________________________________________________

3. İstehsal olunan məhsulun vahidinə tələb olunan xammal və material sərfi normaları İstehsal olunan məhsul İstehsal olunan məhsulun vahidinə tələb olunan xammal və material Növü Adı Markası/modeli Məhsul növlərinin təsnifatının kodu Ölçü vahidi Miqdarı Adı Nomenklatura kodu Ölçü vahidi Miqdarı

4. Məlumatın təqdim olunma tarixi ______________________________________________________________________________________________ (gün, ay, il)

5. Hüquqi şəxsin səlahiyyətli nümayəndəsinin/fərdi sahibkarın/fərdi sahibkarın səlahiyyətli nümayəndəsinin imzası ________________________________ ________________________________ (adı, soyadı) (imza) M. Y

"İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalına dair təsdiqedici sənədin verilməsi Qaydası"na 2 nömrəli əlavə İşğaldan azad edilmiş ərazilər üzrə əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalı üzrə təsdiqedici sənədin alınması üçün ƏRİZƏ ___________________________________________________________________________________________ (müracət olunan qurumun adı)

1. Ərizəçi haqqında məlumatlar:

1.1. Hüquqi şəxsin tam adı/fərdi sahibkarın soyadı, adı, atasının adı, şəxsiyyətini təsdiq edən sənəd haqqında məlumatlar _______________________________________________________________________________________________________________________________

1.2. Hüquqi şəxsin hüquqi ünvanı/fərdi sahibkarın ünvanı ___________________________________________________________________________ _______________________________________________________________________________________________________________________________

1.3. Hüquqi şəxsin/fərdi sahibkarın VÖEN-i ______________________________________________________________________________________ 1.4. Əlaqə telefonu _____________________________________________________________________________________________________________

1.5. İnternet ünvanı (veb-saytı) (əgər varsa)_______________________________________________________________________________________

1.6. Elektron poçt ünvanı ________________________________________________________________________________________________________

1.7. Hüquqi şəxsin/fərdi sahibkarın səlahiyyətli nümayəndəsinin (əgər varsa):

1.7.1. Soyadı, adı, atasının adı ____________________________________________________________________________________________________ 1.7.2. Ünvanı __________________________________________________________________________________________________________________

1.7.3. Əlaqə telefonu ____________________________________________________________________________________________________________ 1.7.4. Elektron poçt ünvanı ______________________________________________________________________________________________________ 1.7.5. Etibarnamə haqqında məlumatlar____________________________________________________________________________________________

2. Fəaliyyət haqqında məlumatlar:

2.1. Fəaliyyətin həyata keçirildiyi ünvan __________________________________________________________________________________________

2.2. Təsərrüfat obyektinin vergi uçot kodu ________________________________________________________________________________________

2.3. İqtisadi fəaliyyət növünün təsnifatının kodu və adı _____________________________________________________________________________ _______________________________________________________________________________________________________________________________

3. İdxal olunan texnika, texnoloji avadanlıqlar və qurğular, habelə xammal və materiallar haqqında məlumatlar:

№ XİF MN-in kodu Malların adları Ölçü vahidi Miqdarı Vahidin dəyəri (ABŞ dolları) Ümumi dəyər (ABŞ dolları) İdxal olunduğu ölkə Müqavilənin rekvizitləri (tərəflərin adları və müqavilənin bağlanması tarixi)

4. Ərizənin doldurulduğu tarix __________________________________________________________________________________________________ (gün, ay, il) 5. Hüquqi şəxsin səlahiyyətli nümayəndəsinin/fərdi sahibkarın/fərdi sahibkarın səlahiyyətli nümayəndəsinin imzası: ________________________________ ________________________________ (adı, soyadı) (imza) M. Y

"İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalına dair təsdiqedici sənədin verilməsi Qaydası"na 3 nömrəli əlavə İşğaldan azad edilmiş ərazilər üzrə əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnika, texnoloji avadanlıqlar və qurğuların, habelə xammal və materialların idxalı üzrə TƏSDİQEDİCİ SƏNƏD № _____ ____ ___________ 20__ il _________________________________________________________________________________ (sənədin verildiyi hüquqi şəxsin tam adı / fərdi sahibkarın adı, soyadı, atasının adı/ VÖEN-i) _________________________________________________________________________________ (hüquqi şəxsin hüquqi ünvanı / fərdi sahibkarın ünvanı) _________________________________________________________________________________ (iqtisadi fəaliyyət sahəsi) _________________________________________________________________________________ (fəaliyyət ünvanı, təsərrüfat obyektinin vergi uçot kodu) Bu sənəd aşağıdakı siyahıda göstərilmiş texnika, texnoloji avadanlıqların və qurğuların, habelə xammal və materialların ölkəyə idxalı zamanı Azərbaycan Respublikasının Vergi Məcəlləsinin 227.2-ci maddəsində və "Gömrük tarifi haqqında" Azərbaycan Respublikası Qanununun 20.0.22-ci maddəsində nəzərdə tutulan azadolmalardan istifadə hüququ verir. № XİF MN-in kodu Malların adları Ölçü vahidi Miqdarı Müqavilənin rekvizitləri (tərəflərin adları və müqavilənin bağlanması tarixi) Bu təsdiqedici sənəd müvafiq gömrük orqanına təqdim edilmək üçün verilir. _______________________________ ______________ _______________________________ (məsul şəxsin vəzifəsi) (imzası) (adı, soyadı) M. Y.