Gömrük orqanlarında xidmət haqqında Əsasnamə dəyişdirildi: gömrük vəzifəliləri və onların ailələrinin yeni iş yerinə köçməsi qaydaları yenidən tənzimləndi, həmçinin qulluq yerinin dəyişdirilməsi ilə əlaqədar yaşayış yeri olmayan şəxslərə dair yeni müddəa əlavə edildi. Bu dəyişikliklər 21 iyun 2024-cü ildən qüvvəyə minir.
59. Gömrük orqanlarının vəzifəli şəxslərinin və onların ailəsinin yeni qulluq yerinə köçməsi, habelə əmlakının daşınması xərcləri və birdəfəlik kompensasiya müvafiq icra hakimiyyəti orqanı tərəfindən müəyyən edilmiş qaydada Azərbaycan Respublikasının gömrük işini aparan icra hakimiyyəti orqanının hesabına köçürülən Azərbaycan Respublikası Gömrük Məcəlləsinin 334.1-ci maddəsində nəzərdə tutulmuş vəsaitlərdən ödənilir
59-1. Gömrük orqanlarında qulluq yerinin dəyişdirilməsi ilə əlaqədar yaşayış yeri olmayan və bu səbəbdən kirayə götürülmüş mənzildə yaşayan gömrük orqanlarının vəzifəli şəxslərinə və onların ailə üzvlərinə yaşayış məntəqəsindən asılı olaraq müvafiq icra hakimiyyəti orqanının müəyyən etdiyi qaydada və məbləğdə mənzil kirayəsi üçün pul kompensasiyası ödənilir