Ədliyyə Nazirliyinin aparatının bir sıra struktur bölmələrinin Əsasnamələrinin təsdiq edilməsi barədə Azərbaycan Respublikasının Ədliyyə Nazirliyi Kollegiya…

AZƏRBAYCAN RESPUBLİKASININ ƏDLİYYƏ NAZİRLİYİ KOLLEGİYA QƏRARI № 20-N Bakı şəhəri 27 dekabr 2023-cü il Ədliyyə Nazirliyinin aparatının bir sıra struktur bölmələrinin Əsasnamələrinin təsdiq edilməsi barədə Azərbaycan Respublikası Prezidentinin 2006-cı il 18 aprel tarixli 391 nömrəli Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"nin 19-cu bəndini rəhbər tutaraq Kollegiya QƏRARA ALIR:

1. "Azərbaycan Respublikası Ədliyyə Nazirliyinin Strateji planlaşdırma və monitorinq baş idarəsi haqqında Əsasnamə" təsdiq edilsin (əlavə 1).

2. "Azərbaycan Respublikası Ədliyyə Nazirliyinin Ədliyyə sahəsində xidmətlər baş idarəsi haqqında Əsasnamə" təsdiq edilsin (əlavə 2).

3. "Azərbaycan Respublikası Ədliyyə Nazirliyinin İnsan resursları baş idarəsi haqqında Əsasnamə" təsdiq edilsin (əlavə 3).

4. "Azərbaycan Respublikası Ədliyyə Nazirliyinin İnsan hüquqları və kommunikasiya idarəsi haqqında Əsasnamə" təsdiq edilsin (əlavə 4).

5. "Azərbaycan Respublikası Ədliyyə Nazirliyinin İnformasiya texnologiyaları və innovasiyalar idarəsi haqqında Əsasnamə" təsdiq edilsin (əlavə 5).

6. Bu qərarın Azərbaycan Respublikasının Hüquqi Aktların Dövlət Reyestrinə daxil edilməsi təmin olunsun (A. Əliyev).

7. Azərbaycan Respublikası Ədliyyə Nazirliyi üzrə "Azərbaycan Respublikası Ədliyyə Nazirliyi İnsan hüquqları və ictimaiyyətlə əlaqələr idarəsi haqqında Əsasnamənin təsdiq edilməsi barədə" 06 mart 2007-ci il tarixli 6-T, "Azərbaycan Respublikası Ədliyyə Nazirliyinin Kadrlar idarəsi haqqında Əsasnamənin təsdiq edilməsi barədə" 07 mart 2007-ci il tarixli 7-T, "Azərbaycan Respublikası Ədliyyə Nazirliyinin Qeydiyyat və notariat baş idarəsi haqqında Əsasnamənin təsdiq edilməsi barədə" 19 mart 2007-ci il tarixli 11-T, "Azərbaycan Respublikası Ədliyyə Nazirliyinin Təşkilat-nəzarət baş idarəsi haqqında Əsasnamənin təsdiq edilməsi barədə" 05 oktyabr 2007-ci il tarixli 37-T nömrəli əmrlərin 1-ci hissələri və "Ədliyyə Nazirliyində yeni yaradılmış İnformasiya-kommunikasiya texnologiyaları idarəsinin fəaliyyətinin təmin edilməsi barədə" 29 dekabr 2016-cı il tarixli 24-T nömrəli əmrin 3-cü hissəsi ləğv edilsin.

8. Əsasnamələrin əməkdaşlar tərəfindən dərindən öyrənilməsi, onların tələblərinə dönmədən və dürüst əməl edilməsi təmin olunsun (struktur qurumların rəhbərləri, Ş. Əliyev).

9. Qərar ədliyyə orqanlarına göndərilsin (C. Hüseynov).

Kollegiyanın sədri, Azərbaycan Respublikasının ədliyyə naziri Idərəcəli dövlət ədliyyə müşaviri Fikrət Məmmədov Azərbaycan Respublikası Ədliyyə Nazirliyinin Kollegiyasının 27.12.2023-cü il tarixli 20-N nömrəli qərarı ilə təsdiq edilmişdir Əlavə 1 Azərbaycan Respublikası Ədliyyə Nazirliyinin Strateji planlaşdırma və monitorinq baş idarəsi haqqında ƏSASNAMƏ

1. Ümumi müddəalar

1.1. Azərbaycan Respublikası Ədliyyə Nazirliyinin Strateji planlaşdırma və monitorinq baş idarəsi (bundan sonra - baş idarə) nazirliyin aparatının müstəqil struktur qurumudur.

1.2. Baş idarə öz fəaliyyətində Azərbaycan Respublikasının Konstitusiyasını, Azərbaycan Respublikasının tərəfdar çıxdığı beynəlxalq müqavilələri, "Ədliyyə orqanlarında qulluq keçmə haqqında", "Məhkəmələr və hakimlər haqqında", "Korrupsiyaya qarşı mübarizə haqqında", "Vətəndaşların müraciətləri haqqında" Azərbaycan Respublikasının qanunlarını, Azərbaycan Respublikası Prezidentinin 2006- cı il 18 aprel tarixli 391 nömrəli Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"ni, Azərbaycan Respublikasının digər normativ hüquqi aktlarını, həmçinin Azərbaycan Respublikası Ədliyyə Nazirliyinin (bundan sonra - nazirlik) kollegiyasının qərarlarını, nazirlik üzrə əmr və sərəncamları, habelə bu Əsasnaməni rəhbər tutur.

1.3. Baş idarə fəaliyyətini nazirliyin sisteminə daxil olan qurumlar, MəhkəməHüquq Şurası, məhkəmələr və digər dövlət orqanları ilə əlaqəli həyata keçirir.

1.4. Baş idarə müvafiq ştamplara malikdir.

2. Baş idarənin fəaliyyət istiqamətləri

2.1. Baş idarənin fəaliyyət istiqamətləri aşağıdakılardır:

2.1.1. ədliyyə sahəsində strateji planlaşdırmanı həyata keçirir;

2.1.2. nazirliyin sisteminə daxil olan qurumların işinin təşkili məsələləri ilə bağlı tədbirlər görür və onların fəaliyyətini əlaqələndirir;

2.1.3. nazirliyin kollegiyasının işini təşkil edir;

2.1.4. nazirliyin sistemində daxili nəzarəti həyata keçirir, o cümlədən xidməti yoxlama, təftiş və monitorinqlər aparır, habelə korrupsiya hüquqpozmaları ilə bağlı müraciətləri araşdırır;

2.1.5. nazirliyin fəaliyyəti ilə bağlı analitik iş aparır, ədliyyə və məhkəmə statistikasını ümumiləşdirir;

2.1.6. regional ədliyyə idarələri, məhkəmələrlə iş aparır və fəaliyyətini MəhkəməHüquq Şurası ilə əlaqələndirir;

2.1.7. Bu Əsasnamə ilə müəyyən edilmiş digər istiqamətlərdə fəaliyyət göstərir.

3. Baş idarənin vəzifələri

3.1. Baş idarənin bu Əsasnamə ilə müəyyən edilmiş fəaliyyət istiqamətlərinə uyğun olaraq vəzifələri aşağıdakılardır:

3.1.1. müasir çağırışlara uyğun olaraq ədliyyə sisteminin strateji inkişafının prioritet istiqamətlərinə və hədəflərinə, habelə bu sahədə vahid dövlət siyasətinin formalaşdırılmasına dair təkliflər vermək;

3.1.2. nazirliyin fəaliyyət istiqamətləri üzrə ədliyyə sahəsində strateji planlaşdırmanı həyata keçirmək, təhlillər və ümumiləşdirmələr aparmaq, o cümlədən beynəlxalq mütərəqqi təcrübəni öyrənmək və onun tətbiqi ilə bağlı təkliflər hazırlamaq;

3.1.3. nazirliyin icrasına məsul olduğu strategiyalar, dövlət proqramları, milli fəaliyyət planları və digər normativ hüquqi aktlarla müəyyən edilmiş tapşırıqların icrasının təmin edilməsinə dair hesabatların hazırlanmasını təşkil etmək;

3.1.4. statistik və digər informasiyaların analitik və müqayisəli təhlili əsasında nazirliyin fəaliyyətini proqnozlaşdırmaq, problemləri müəyyən etmək, habelə onların həlli ilə bağlı əsaslandırılmış təkliflər vermək;

3.1.5. nazirliyin sisteminə daxil olan qurumların işini əlaqələndirmək;

3.1.6. regional ədliyyə idarələrin işinin təşkili məsələlərini həll etmək, onların fəaliyyətini əlaqələndirmək və təhlil etmək, qanunvericiliklə müəyyən edilmiş vəzifə və funksiyalarının yerinə yetirilməsinə nəzarətin həyata keçirilməsini təmin etmək, habelə bu qurumlara əməli və metodiki köməklik göstərmək;

3.1.7. nazirliyin kollegiyasının işini və digər müşavirələrin keçirilməsini təşkil etmək;

3.1.8. nazirliyin kollegiya iclaslarının protokollarını aparmaq, qərarlarının, ədliyyə nazirinin təşkilati və digər aidiyyəti əmr və sərəncamlarının, nazirlik üzrə digər müvafiq sənədlərin layihələrini hazırlamaq;

3.1.9. nazirliyin kollegiyasında qəbul edilmiş qərarların, habelə nazirlik üzrə əmr və sərəncamların icrasına nəzarəti həyata keçirmək, onların icra vəziyyətini mütəmadi olaraq ümumiləşdirmək;

3.1.10. nazirliyin iş planının layihəsini tərtib etmək, habelə onun icrasına nəzarət etmək;

3.1.11. nazirliyin sisteminə daxil olan qurumların fəaliyyətinə dair hesabatlarının vaxtında təqdim edilməsinə, habelə onların tamlığına və keyfiyyətinə nəzarət etmək;

3.1.12. nazirliyin sisteminə daxil olan qurumlarda icra intizamına əməl olunmasına nəzarət etmək;

3.1.13. nazirliyin ayrı-ayrı fəaliyyət istiqamətləri üzrə ədliyyə orqanlarının strateji inkişaf planlarının hazırlanması ilə bağlı təkliflər vermək, onların və aidiyyəti dövlət proqramlarının icrası üzrə işi əlaqələndirmək və icrasına nəzarəti həyata keçirmək;

3.1.14. ədliyyə və məhkəmə statistikasının aparılmasını təmin etmək, onları təhlil edib ümumiləşdirmək, aidiyyəti üzrə təqdim olunması üçün tədbirlər görmək, həmçinin statistik hesabat və ilkin uçot formalarına dair təkliflər vermək;

3.1.15. ədliyyə orqanlarında, daxili nəzarəti həyata keçirmək, xidməti yoxlama, təftiş, o cümlədən qanunvericiliklə müəyyən edilmiş hallarda müvafiq məhkəmələrdə monitorinqlər aparmaq və onların nəticələri, habelə korrupsiya hüquqpozmalarının qarşısının alınması üzrə təkliflər vermək;

3.1.16. nazirliyin fəaliyyət istiqamətlərinə uyğun daxili təhlükəsizlik tədbirlərini təmin etmək;

3.1.17. ədliyyə orqanlarında korrupsiyaya şərait yaradan hallara və korrupsiya hüquqpozmalarına qarşı qanunamüvafiq tədbirlərin görülməsi ilə bağlı təkliflər vermək;

3.1.18. "Məhkəmə və hüquq mühafizə orqanları işçilərinin dövlət müdafiəsi haqqında" Azərbaycan Respublikasının Qanununda nəzərdə tutulmuş vəzifəli şəxslərin və onların yaxın qohumlarının dövlət müdafiəsinin təmin olunmasında iştirak etmək;

3.1.19. ədliyyə orqanlarında maraqların toqquşması hallarının yaranmasının və vəzifəli şəxslərin maraqların toqquşması şəraitində vəzifələrini icra etmələrinin qarşısının alınması üçün nazirliyin aidiyyəti struktur qurumları ilə birlikdə təklif vermək;

3.1.20. nazirliyin aidiyyəti baş idarə və idarələrinin tərkibindəki nəzarət və analitik funksiyalarını həyata keçirən struktur qurumların fəaliyyətinə əməli və metodiki köməklik göstərmək;

3.1.21. ədliyyə orqanlarının məhkəmələrdə iddiaçı, habelə cavabdeh qismində iştirak etdiyi işləri təhlil etmək və nəticələrinə dair təkliflər vermək;

3.1.22. Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəliklərin icrası ilə bağlı məhkəmə və hüquq sisteminə dair beynəlxalq təşkilatlara təqdim olunan dövri hesabatların hazırlanmasında iştirak etmək;

3.1.23. Azərbaycan Respublikasının beynəlxalq öhdəliklərindən irəli gələn vəzifələrini, üzv olduğu beynəlxalq, digər təşkilatların ədliyyə və məhkəmə sistemlərinə dair tövsiyələrini təhlil etmək və müvafiq təkliflər hazırlamaq;

3.1.24. müvafiq məhkəmələrdə kargüzarlığın təşkil edilməsi, icra və əmək intizamına riayət olunması üçün tədbirlər görmək;

3.1.25. məhkəmə fəaliyyətinin təşkilinə dair aparılmış müvafiq ümumiləşdirmələri öyrənmək və təhlil etmək, bu barədə Məhkəmə-Hüquq Şurasına təqdim edilməsi üçün məlumatlar hazırlamaq;

3.1.26. qanunvericiliklə müəyyən edilmiş hallarda müvafiq hakimlər haqqında intizam icraatına başlanılması barədə Məhkəmə-Hüquq Şurasına müraciət hazırlamaq;

3.1.27. hakimlərin fəaliyyətinin qiymətləndirilməsi üçün aidiyyəti məlumatları toplamaq, onları ümumiləşdirmək və Məhkəmə-Hüquq Şurasına təqdim edilməsi üçün hazırlamaq;

3.1.28. müvafiq məhkəmə aparatlarının strukturunun və ştat cədvəlinin müəyyən edilməsi üçün təkliflər vermək;

3.1.29. fəaliyyət istiqamətləri üzrə və nazirliyin rəhbərliyinin tapşırıqları əsasında digər vəzifələri yerinə yetirmək.

4. Baş idarənin hüquqları

4.1. Baş idarə öz vəzifələrini həyata keçirmək üçün aşağıdakı hüquqlara malikdir:

4.1.1. baş idarənin fəaliyyət istiqamətlərinə uyğun məsələlər üzrə rəylər vermək, analitik materiallar hazırlamaq, tədqiqatlar aparmaq, işin təkmilləşdirilməsinə dair təkliflər vermək;

4.1.2. nazirliyin fəaliyyət istiqamətlərinə aid normativ hüquqi aktların layihələrinə rəy verilməsində və onların, habelə ədliyyə fəaliyyəti ilə bağlı dövlət proqramlarının layihələrinin hazırlanmasında iştirak etmək;

4.1.3. müasir çağırışlara uyğun olaraq nazirliyin iş prosesinin optimallaşdırılması, rəqəmsal idarəetmənin və innovasiyaların tətbiqinin genişləndirilməsi, habelə elektron xidmətlərin təkmilləşdirilməsi, hesabatlılığın və şəffaflığın təmin edilməsi ilə bağlı təkliflər vermək;

4.1.4. nazirliyin sisteminə daxil olan qurumların funksional strukturunun fəaliyyətini müasir tələblərə cavab verən yeni iş prosesləri əsasında təşkili üzrə təkliflər vermək;

4.1.5. nazirliyin sistemində yeni qurumların yaradılmasına, mövcud qurumların ləğv edilməsinə və yenidən təşkilinə, onların strukturuna və ştat vahidlərinə dair əsaslandırılmış təkliflər vermək;

4.1.6. ədliyyə orqanlarında korrupsiya risklərinin müəyyən edilməsi, təhlili və qarşısının alınması üzrə tədbirlərin görülməsində iştirak etmək;

4.1.7. digər dövlət orqanlarının ədliyyə sahəsi ilə bağlı fəaliyyətinin əlaqələndirilməsində iştirak etmək;

4.1.8. xüsusi əhəmiyyətli və mürəkkəb məsələlər üzrə komissiyalar və işçi qrupların yaradılmasına dair təkliflər vermək;

4.1.9. statistik hesabat formalarının təkmilləşdirilməsi üçün təkliflər vermək;

4.1.10. regional ədliyyə idarələrinin iş planlarının layihlərinə dair müvafiq təklif və tövsiyələr vermək;

4.1.11. bütün ədliyyə orqanlarından və müvafiq məhkəmələrdən məlumatlar, sənədlər, arayışlar almaq, onlara və digər təşkilatlara sorğular vermək;

4.1.12. nazirliyin rəhbərliyinin tapşırıqları əsasında və ya müvafiq sahədə mövcud olan nöqsanları və neqativ halları doğuran səbəblərin aradan qaldırılması məqsədilə yoxlama, təftiş və monitorinqlər həyata keçirmək, habelə bu məqsədlə müxtəlif monitorinq qrupları yaratmaq;

4.1.13. müstəqil ekspertləri və mütəxəssisləri qanunvericiliklə müəyyən olunmuş qaydada öz fəaliyyətinə cəlb etmək;

4.1.14. müvafiq monitorinqlərin keçirilməsini regional ədliyyə idarələrinə tapşırmaq;

4.1.15. ədliyyə işçiləri tərəfindən yol verilən pozuntuları təhlil etmək, onların baş vermə səbəblərinin aradan qaldırılması üçün təkliflər vermək;

4.1.16. müvafiq araşdırma zamanı aidiyyəti işin əslini, ona aid olan materialları, video və audio yazıları, habelə ədliyyə orqanlarının təhlükəsizlik kameralarının görüntülərini tələb və əldə etmək;

4.1.17. monitorinqlərin, xidməti yoxlamaların nəticələrini və korrupsiya hüquqpozmaları ilə bağlı müraciətlərə baxılma vəziyyətini əks etdirən daxili məlumat bazalarını formalaşdırmaq;

4.1.18. əmək və icra intizamına riayət olunmasında yol verilmiş nöqsanlar, habelə bu sahədə ədliyyə işçilərinin və müvafiq məhkəmə hakimlərinin fəaliyyətində aşkar edilmiş pozuntular barədə məlumatları tədbirlər görülməsi üçün təqdim etmək;

4.1.19. monitorinqlərin, xidməti yoxlama və araşdırmaların nəticələri üzrə ədliyyə işçiləri barəsində həvəsləndirmə və ya intizam tənbehi tədbirlərinin tətbiq edilməsinə, həmçinin müvafiq məhkəmə hakimlərinin həvəsləndirilməsi və ya onların barəsində intizam icraatının başlanılmasına dair təkliflər vermək;

4.1.20. qanunvericiliklə müəyyən edilmiş hallarda müvafiq hakim vəzifəsinin icrasını müvəqqəti olaraq digər hakimə həvalə edilməsi barədə təkliflər vermək;

4.1.21. qanunvericiliyə uyğun olaraq hakimlərin baş idarəyə ezam edilməsi barədə təklif vermək;

4.1.22. müvafiq hakimlərin peşə hazırlığının artırılması işinin təşkilində, onların tədris kurslarına və treninqlərə cəlb olunması barədə təkliflər vermək;

4.1.23. müvafiq məhkəmələrin maddi-texniki bazasının möhkəmləndirilməsi üçün təkliflər vermək;

4.1.24. hüquqi maarifləndirmə işində iştirak etmək;

4.1.25. fəaliyyəti ilə bağlı ictimai maraq kəsb edən məlumatları media, o cümlədən nazirliyin mətbu nəşrləri və rəsmi internet saytı vasitəsilə yaymaq;

4.1.26. baş idarənin fəaliyyət istiqamətləri üzrə vəzifələrinin icrası ilə bağlı digər hüquqları həyata keçirmək.

5. Baş idarənin fəaliyyətinin təşkili

5.1. Baş idarənin strukturu və ştat vahidlərinin sayı ədliyyə naziri tərəfindən təsdiq olunur.

5.2. Baş idarəyə Azərbaycan Respublikasının Prezidenti ilə razılaşdırmaqla ədliyyə naziri tərəfindən vəzifəyə təyin və vəzifədən azad edilən rəis rəhbərlik edir. Rəis baş idarəyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır.

5.3. Baş idarə rəisinin ədliyyə naziri tərəfindən vəzifəyə təyin və vəzifədən azad edilən müavinləri vardır. Baş idarənin rəis müavinləri onlara həvalə olunmuş vəzifələrin yerinə yetirilməsi üçün şəxsən məsuliyyət daşıyır.

5.4. Baş idarənin rəis müavinləri və əməkdaşları öz funksiyalarını bu Əsasnamə, habelə vəzifə və iş bölgüsünə əsasən icra edirlər. Baş idarənin rəisi vəzifələrini icra edə bilmədikdə onun vəzifələrinin icrası müavinlərindən birinə həvalə edilir.

5.5. Baş idarənin işi fəaliyyət istiqamətləri üzrə, habelə nazirliyin və baş idarənin iş planları əsasında həyata keçirilir.

5.6. Baş idarədə işin təşkili və vəziyyəti, qarşıda duran vəzifələr mütəmadi olaraq iclas və müşavirələrdə müzakirə edilir.

5.7. Baş idarənin rəisi:

5.7.1. baş idarənin işini təşkil edir və onun fəaliyyətinə rəhbərliyi həyata keçirir;

5.7.2. baş idarənin işçiləri arasında vəzifə və iş bölgüsünü aparır;

5.7.3. baş idarənin işçilərinin üzərinə düşən vəzifələrin yerinə yetirilməsinə, icra və əmək intizamına nəzarət edir;

5.7.4. baş idarənin fəaliyyətini nazirliyin sisteminə daxil olan struktur qurumlarla əlaqələndirir;

5.7.5. nazirliyin kollegiya iclaslarının keçirilməsini təşkil edir, habelə iclas protokollarının və müzakirə olunan məsələlərlə bağlı qərarların keyfiyyətli, dolğun hazırlanmasını təmin edir;

5.7.6. baş idarənin fəaliyyəti ilə bağlı məsələləri nazirliyin kollegiyasının müzakirəsinə çıxarılması üçün təşəbbüs göstərir, bu məsələlərin kollegiyanın müzakirəsinə hazırlanmasını təmin edir;

5.7.7. nazirliyin kollegiya qərarlarının, ədliyyə nazirinin əmr və sərəncamlarının, habelə nazirliyin iş planında nəzərdə tutulmuş tədbirlərin icrasına nəzarəti təşkil edir;

5.7.8. səlahiyyəti daxilində icrası məcburi olan yazılı göstərişlər verir, onların icrasını təşkil edir və icrasına nəzarəti həyata keçirir;

5.7.9. baş idarənin müvafiq hesabatlarını və iş planını təsdiq edir, onun vaxtında icra olunmasına nəzarəti həyata keçirir;

5.7.10. zəruri hallarda xüsusi əhəmiyyətli və mürəkkəb sənədlərin icrasını bir neçə işçiyə tapşırır və ya onları bir işçinin icraatından digər işçinin icraatına verir;

5.7.11. ədliyyə orqanlarında və müvafiq məhkəmələrdə monitorinqlər, habelə ədliyyə işçiləri və nazirliyin səlahiyyətinə aid vəzifələr üzrə müvafiq məhkəmə hakimləri barəsində araşdırmalar aparılmasına dair nazirliyin rəhbərliyi qarşısında məsələ qaldırır;

5.7.12. baş idarəyə yeni qəbul edilmiş işçiləri təcrübəli əməkdaşlara təhkim edir və onların işinə bilavasitə nəzarəti həyata keçirir;

5.7.13. baş idarədə, habelə regional ədliyyə idarələrinin rəhbər işçilərinin vəzifəyə təyin və vəzifədən azad edilməsi, həvəsləndirilməsi, onlara xüsusi rütbə və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı nazirliyin rəhbərliyinə təkliflər verir;

5.7.14. baş idarənin fəaliyyətinin təkmilləşdirilməsi sahəsində tədbirlər görür və bu barədə nazirliyin rəhbərliyinə təkliflər verir;

5.7.15. vətəndaşları qəbul edir;

5.7.16. səlahiyyətləri daxilində müvafiq dövlət orqanlarına, məhkəmələrə, hüquqi və fiziki şəxslərə göndərilən məktubları imzalayır;

5.7.17. səlahiyyətlərin bir hissəsinin həyata keçirilməsini müavinlərinə tapşırır;

5.7.18. öz səlahiyyətləri daxilində digər məsələləri həll edir;

5.7.19. xidməti fəaliyyətlə bağlı nazirliyin rəhbərliyinin tapşırıqlarını yerinə yetirir.

5.8. Baş idarənin rəis müavinləri:

5.8.1. baş idarədə işin təşkilini, həmçinin müvafiq idarə və şöbələrin fəaliyyətinin əlaqələndirilməsini təmin edirlər;

5.8.2. əməkdaşları cəlb etməklə ümumiləşdirmələr aparır, baş idarə tərəfindən görülmüş işlərə dair hesabatlar hazırlayır və baş idarənin rəisinə təqdim edirlər;

5.8.3. baş idarənin fəaliyyəti ilə bağlı məsələləri nazirliyin kollegiyasının müzakirəsinə hazırlayırlar;

5.8.4. aidiyyəti sahədə fəaliyyətin təkmilləşdirilməsi üzrə baş idarənin rəisinə təkliflər verirlər;

5.8.5. əməkdaşlarının icraatında olan sənədlərin düzgün və vaxtında icra olunmasını təmin edirlər;

5.8.6. vətəndaşları qəbul edirlər;

5.8.7. kargüzarlıq işini təşkil edirlər;

5.8.8. hesabatlarını baş idarə rəhbərliyinə təqdim edirlər;

5.8.9. yeni təyin olunmuş işçiləri təcrübəli əməkdaşlara təhkim edir və onların işinə bilavasitə nəzarət edirlər;

5.8.10. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edirlər;

5.8.11. vəzifə bölgüsünə uyğun olaraq digər funksiyaları yerinə yetirir, xidməti fəaliyyətlə bağlı nazirliyin rəhbərliyinin və baş idarə rəisinin tapşırıqlarını icra edirlər.

5.9. Baş idarənin strukturuna daxil olan idarələrin (şöbələrin) rəisləri:

5.9.1. idarələrin (şöbələrin) işini təşkil edir və fəaliyyətinə rəhbərliyi həyata keçirirlər;

5.9.2. idarələrdə (şöbələrdə) işçilərin fəaliyyətini istiqamətləndirir, onlara həvalə edilən vəzifələrin yerinə yetirilməsini təmin edirlər;

5.9.3. idarələrin (şöbələrin) işçiləri arasında iş bölgüsünü aparırlar;

5.9.4. idarələrin (şöbələrin) fəaliyyətini baş idarənin digər idarələri və nazirliyin sisteminə daxil olan qurumlarla əlaqələndirir, onların fəaliyyətinə dair hesabatlarının vaxtında təqdim edilməsinə, habelə onların tamlığına və keyfiyyətinə nəzarət edirlər;

5.9.5. nazirliyin kollegiyasının qərarlarında, nazirlik üzrə əmr və sərəncamlarda, habelə iş planlarında nəzərdə tutulmuş aidiyyəti tədbirlərin yerinə yetirilməsini səlahiyyətləri daxilində təmin edirlər;

5.9.6. aşkar edilən qanun pozuntuları və nöqsanlar, o cümlədən nazirliyin nüfuzuna və fəaliyyətinə xələl gətirən faktlarla bağlı dərhal baş idarə rəisini məlumatlandırırlar;

5.9.7. idarələrin (şöbələrin) işçilərinin üzərinə düşən vəzifələrin yerinə yetirilməsinə, etik davranış qaydalarına, icra və əmək intizamına nəzarət edirlər;

5.9.8. idarələrin (şöbələrin) fəaliyyəti ilə bağlı məsələlərin nazirliyin kollegiyasının müzakirəsinə çıxarılması barədə baş idarənin rəisinə təklif verirlər, onları nazirliyin kollegiyasının müzakirəsinə hazırlayırlar;

5.9.9. idarələrin (şöbələrin) müvafiq hesabatlarını hazırlayırlar;

5.9.10. idarələrə (şöbələrə) yeni təyin olunmuş işçiləri təcrübəli əməkdaşlara təhkim edir və onların işinə bilavasitə nəzarət edirlər;

5.9.11. idarələrdə (şöbələrdə) işçilərin həvəsləndirilməsi, onlara xüsusirütbələrin və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı baş idarə rəisinə təkliflər verirlər;

5.9.12. idarələrin (şöbələrin) fəaliyyətinin təkmilləşdirilməsi sahəsində tədbirlər görür, bu barədə baş idarənin rəisinə təkliflər verirlər;

5.9.13. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışırlar;

5.9.14. Bu Əsasnamə ilə müəyyən edilmiş səlahiyyətləri daxilində digər məsələləri həll edir, habelə xidməti fəaliyyətlə bağlı nazirliyin və baş idarənin rəhbərliyinin tapşırıqlarını yerinə yetirirlər.

5.10. Baş məsləhətçi, böyük məsləhətçi, aparıcı məsləhətçi və məsləhətçi bu Əsasnamədə nəzərdə tutulan aidiyyəti vəzifələrdən irəli gələrək aşağıdakıları həyata keçirir:

5.10.1. baş idarənin fəaliyyət istiqamətlərinə dair məsələlər üzrə təhlillər və ümumiləşdirmələr aparır, nəticələrinə dair rəylər və analitik materiallar hazırlayır, habelə müxtəlif mənbələrdən toplanılmış məlumatları müqayisə edir, problemlərin müəyyən olunması və onların həlli məqsədilə qanunauyğun və məntiqli qərarlar qəbul edilməsi ilə bağlı təkliflər verir;

5.10.2. baş idarənin fəaliyyət istiqamətlərinə uyğun beynəlxalq təcrübəni öyrənir, onun tətbiqi ilə bağlı müvafiq təkliflər hazırlayır;

5.10.3. baş idarənin fəaliyyət istiqamətlərinə dair məsələlər üzrə normativ hüquqi aktların layihələrinə dair rəylər tərtib edir;

5.10.4. müraciətlərə baxır və müvafiq tədbirlər görülməsi üçün təkliflər verir;

5.10.5. sənədlərin qanunvericiliklə nəzərdə tutulmuş müddətlərdə icra olunmasını nəzarətdə saxlayır;

5.10.6. xidməti yoxlamaların, təftişlərin və monitorinqlərin aparılmasında iştirak edir, onların nəticəsinə dair arayışlar tərtib edir və təkliflər verir;

5.10.7. aşkar etdiyi qanun pozuntuları və nöqsanlar, habelə nazirliyin nüfuzuna və fəaliyyətinə xələl gətirən faktlarla bağlı dərhal baş idarə rəhbərliyinə məlumat verir;

5.10.8. sənədlərin və müraciətlərin icra vəziyyəti barədə məlumatların müvafiq elektron informasiya sisteminə daxil olunmasını təmin edir;

5.10.9. sənədlərin qanunvericiliklə nəzərdə tutulmuş müddətlərdə icra olunmasını nəzarətdə saxlayır, onların icra müddətinin gözlənilməsi ilə bağlı baş idarənin rəisinə məlumat təqdim edir;

5.10.10. baş idarənin fəaliyyət istiqamətlərinə uyğun olaraq, vəzifə və iş bölgüsünə əsasən digər vəzifələri icra edir;

5.10.11. qüvvədə olan qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.10.12. xidməti fəaliyyətlə bağlı baş idarənin rəhbərliyinin digər tapşırıqlarını yerinə yetirir.

5.11. Aparıcı məsləhətçi və məsləhətçi (kompüter üzrə):

5.11.1. kompüter və digər avadanlıqların texniki və proqram təminatı ilə bağlı informasiya təhlükəsizliyinə əməl olunmasına nəzarəti təşkil edir;

5.11.2. daxil olan müraciətlər və sənədlər, habelə xidməti fəaliyyətlə bağlı məlumatları aidiyyəti informasiya sisteminə daxil edir;

5.11.3. məlumat bazalarının fəaliyyətini və mühafizəsini təmin edir və onların ehtiyat nüsxələrini yaradır;

5.11.4. informasiya texnologiyalarını daim öyrənir və baş idarədə informasiya texnologiyalarının səmərəli istifadəsi və bu sahədə işin təkmilləşdirilməsi barədə təkliflər verir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.11.5. xidməti fəaliyyətlə bağlı baş idarənin rəhbərliyinin tapşırıqlarını yerinə yetirir.

5.12. Baş mütəxəssis (böyük inspektor), böyük mütəxəssis (inspektor) vəzifə və iş bölgüsünə əsasən aşağıdakı işləri icra edir:

5.12.1. daxil olan sənədlərin və müraciətlərin qeydiyyatını aparır;

5.12.2. daxil olan sənədləri baş idarənin rəisinə və ya onun müavinlərinə, müvafiq dərkənara əsasən icraçılara təqdim edir;

5.12.3. sənədləri göndərilməsi üçün nazirliyin Katibliyinə təhvil verir;

5.12.4. sənədlərin və müraciətlərin icra vəziyyəti barədə məlumatların (sənədlərin) müvafiq elektron informasiya sisteminə daxil olunmasını təmin edir;

5.12.5. icra olunmuş sənədlərin işə tikilməsini və nazirliyin Mərkəzi arxivinə təhvil verilməsini təmin edir;

5.12.6. baş idarənin işçilərinin icraatına daxil olmuş müraciətlərin və sənədlərin statistik hesabatlarını baş idarə rəhbərliyinə təqdim edir;

5.12.7. baş idarə rəisinin yazılı göstərişlərinin qeydiyyatını aparır, onların müvafiq qurumlara çatdırılmasını təmin edir;

5.12.8. işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.12.9. xidməti fəaliyyətlə bağlı baş idarənin rəhbərliyinin digər tapşırıqlarını yerinə yetirir. Azərbaycan Respublikası Ədliyyə Nazirliyinin Kollegiyasının 27.12.2023-cü il tarixli 20-N nömrəli qərarı ilə təsdiq edilmişdir Əlavə 2 Azərbaycan Respublikası Ədliyyə Nazirliyinin Ədliyyə sahəsində xidmətlər baş idarəsi haqqında ƏSASNAMƏ

1. Ümumi müddəalar

1.1. Azərbaycan Respublikası Ədliyyə Nazirliyinin Ədliyyə sahəsində xidmətlər baş idarəsi (bundan sonra — Baş idarə) Azərbaycan Respublikası Ədliyyə Nazirliyinin aparatının müstəqil struktur qurumudur.

1.2. Baş idarə öz fəaliyyətində Azərbaycan Respublikasının Konstitusiyasını, Azərbaycan Respublikasının tərəfdar çıxdığı beynəlxalq müqavilələri, Azərbaycan Respublikasının Mülki Məcəlləsini, Azərbaycan Respublikasının Ailə Məcəlləsini, Azərbaycan Respublikasının İnzibati Xətalar Məcəlləsini, "Ədliyyə orqanlarında qulluq keçmə haqqında", "Hüquqi şəxslərin dövlət qeydiyyatı və dövlət reyestri haqqında", "Qeyri-hökumət təşkilatları (ictimai birliklər və fondlar) haqqında", "Siyasi partiyalar haqqında", "Həmkarlar ittifaqı haqqında", "Qrant haqqında", "Notariat haqqında", "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında", "Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında", "Hədəfli maliyyə sanksiyaları haqqında", "Fərdi məlumatlar haqqında", "İnformasiya əldə etmək haqqında" Azərbaycan Respublikasının qanunlarını, Azərbaycan Respublikasının digər qanunlarını, Azərbaycan Respublikası Prezidentinin 2006-cı il 18 aprel tarixli Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"ni, Azərbaycan Respublikası Nazirlər Kabinetinin 2000-ci il 11 sentyabr tarixli 167 nömrəli qərarı ilə təsdiq edilmiş "Notariat hərəkətlərinin aparılması qaydaları haqqında Təlimat", 2003-cü il 31 oktyabr tarixli qərarı ilə təsdiq edilmiş "Vətəndaşlıq vəziyyəti aktlarının dövlət qeydiyyatı Qaydası"nı, 2015-ci il 5 iyun tarixli 216 nömrəli qərarı ilə təsdiq edilmiş "Qrant müqavilələrinin (qərarlarının) qeydə alınması Qaydası", 2015-ci il 21 oktyabr tarixli 337 nömrəli qərarı ilə təsdiq edilmiş "Qeyri-hökumət təşkilatları, habelə xarici dövlətlərin qeyri-hökumət təşkilatlarının filial və ya nümayəndəlikləri tərəfindən xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydiyyata alınması Qaydası", 2021-ci il 12 oktyabr tarixli qərarı ilə təsdiq edilmiş "Elektron notariat" haqqında Əsasnamə"ni və Azərbaycan Respublikasının digər normativ hüquqi aktlarını, həmçinin Azərbaycan Respublikası Ədliyyə Nazirliyinin (bundan sonra — Nazirlik) kollegiyasının qərarlarını, Nazirlik üzrə əmr və sərəncamları, habelə bu Əsasnaməni (bundan sonra — Əsasnamə) rəhbər tutur.

1.3. Baş idarə fəaliyyətini Nazirliyin sisteminə daxil olan qurumlarla, digər dövlət orqanları və beynəlxalq təşkilatlarla əlaqəli həyata keçirir.

1.4. Baş idarə verilmiş səlahiyyətlər daxilində qanunvericiliklə müəyyən olunmuş qaydada balansda olan dövlət əmlakına sərəncam vermək hüququna, xəzinə və bank hesablarına, üzərində Azərbaycan Respublikasının Dövlət Gerbinin təsviri və öz adı həkk olunmuş möhürə, müvafiq ştamplara malikdir.

1.5. Baş idarənin saxlanma xərcləri və fəaliyyəti Azərbaycan Respublikasının dövlət büdcəsindən Nazirliyə ayrılmış vəsait və qanunvericiliklə müəyyən edilmiş digər mənbələr hesabına maliyyələşdirilir.

2. Baş idarənin fəaliyyət istiqamətləri

2.1. Baş idarənin fəaliyyət istiqamətləri aşağıdakılardır:

2.1.1. ədliyyə sahəsində xidmətlərin göstərilməsi üzrə vahid siyasətin formalaşdırılmasına dair təkliflər verir və bu siyasətin həyata keçirilməsində iştirak edir;

2.1.2. ədliyyə sahəsində xidmətlərin inkişafına dair təkliflər verir;

2.1.3. vətəndaşlıq vəziyyəti aktlarının dövlət qeydiyyatının aparılmasını təşkil edir;

2.1.4. notariat fəaliyyətini təşkil edir;

2.1.5. qeydiyyat və notariat sahəsində arxiv işini təşkil edir;

2.1.6. qeyri-kommersiya hüquqi şəxslərin, xarici qeyri-kommersiya hüquqi şəxslərin nümayəndəlik və filiallarının dövlət qeydiyyatını həyata keçirir və qeyrikommersiya hüquqi şəxslərin, xarici qeyri-kommersiya hüquqi şəxslərin nümayəndəlik və filiallarının dövlət reyestrini aparır;

2.1.7. Nazirliyin qeydiyyat şöbələri tərəfindən sudan istifadəedənlər birliklərinin və həmkarlar ittifaqlarnın ilk təşkilatlarının dövlət qeydiyyatı işini təşkil edir;

2.1.8. sahibkarlıq sahəsində aparılan yoxlamaların vahid məlumat reyestrini aparır;

2.1.9. dini qurumlar istisna edilməklə digər qeyri-kommersiya qurumları və fiziki şəxslər tərəfindən qrant alınmasına (verilməsinə) dair müqavilələrin (qərarların), qeyrihökumət təşkilatları, xarici dövlətlərin qeyri-hökumət təşkilatlarının filial və ya nümayəndəlikləri tərəfindən xarici maliyyə mənbələri hesabına xidmətlərin göstərilməsi və ya işlərin görülməsi üzrə müqavilələrin qeydiyyata alınmasını, habelə ianələrin qəbul edilməsi barədə məlumatların qrantların, xidmət müqavilələrinin və ianələrin reyestrinə daxil edilməsini həyata keçirir;

2.1.10. Vətəndaşlıq vəziyyəti aktlarının reyestri xidmətinin fəaliyyətini təşkil edir;

2.1.11. xaricdə istifadə məqsədilə müvafiq sənədləri rəsmiləşdirir;

2.1.12. mediasiya prosesinin tətbiqi ilə bağlı maarifləndirmə və təşviqat tədbirlərində iştirak edir;

2.1.13. fəaliyyət istiqamətlərinə uyğun yaradılan informasiya resurslarının inkişaf etdirilməsində iştirak edir;

2.1.14. qanunvericiliklə müəyyən edilmiş digər istiqamətlərdə fəaliyyət göstərir.

3. Baş idarənin vəzifələri

3.1. Baş idarə bu Əsasnamə ilə müəyyən edilmiş fəaliyyət istiqamətlərinə uyğun olaraq aşağıdakı vəzifələri yerinə yetirir:

3.1.1. ədliyyə sahəsində xidmətlərin göstərilməsi konsepsiyasını və ədliyyə sahəsində xidmətlər institutunun inkişaf etdirilməsi üçün qiymətləndirmə meyarlarını müəyyən etmək, bu sahədə Nazirliyin digər struktur qurumlarının fəaliyyətini əlaqələndirmək;

3.1.2. vətəndaşlıq vəziyyəti aktlarının dövlət qeydiyyatının aparılmasını, habelə notariusların notariat fəaliyyətini təşkil etmək;

3.1.3. qeyri-kommersiya hüquqi şəxslərin, xarici qeyri-kommersiya hüquqi şəxslərin nümayəndəlik və filiallarının dövlət qeydiyyatı həyata keçirmək, qeyrikommersiya qurumlarının dövlət reyestrini tərtib etmək, onun açıqlığını təmin etmək;

3.1.4. dövlət elektron informasiya ehtiyatlarından istifadə etməklə siyasi partiya üzvlərinin reyestrini nəzərdən keçirmək, fəaliyyəti məhkəmənin qərarına əsasən müvəqqəti dayandırılmış siyasi partiya tərəfindən təqdim edilmiş məlumatda xəbərdarlıqda göstərilmiş pozuntuların tam aradan qaldırılması müəyyən edildikdə, bu barədə məlumatı siyasi partiyaya təqdim etmək;

3.1.5. qrant və xidmət müqavilələrinin qeydiyyatını aparmaq, ianələrin qəbul edilməsi barədə məlumatları qrantların, xidmət müqavilələrinin və ianələrin reyestrinə daxil etmək;

3.1.6. qanunvericilikdə nəzərdə tutulmuş qaydada xarici dövlətlərin qeyri-hökumət təşkilatlarının filial və ya nümayəndəliklərinin dövlət qeydiyyatı ilə bağlı sazişin hazırlanması üçün danışıqlar aparmaq və onu bağlamaq, həmçinin sazişin qüvvədə olma müddətinin uzadılması məsələləri üzrə təkliflər vermək;

3.1.7. notariuslara və qeyri-hökumət təşkilatlarına, habelə xarici qeyri-hökumət təşkilatlarının filial və nümayəndəliklərinə münasibətdə cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə, habelə hədəfli maliyyə sanksiyaları üzrə qanunun tələblərinə riayət edilməsi sahələrində nəzarət tədbirlərini həyata keçirmək;

3.1.8. sahibkarlıq sahəsində aparılan yoxlamaların vahid məlumat reyestrini aparmaq;

3.1.9. rəsmi sənədlərin leqallaşdırılması üçün onların notariat qaydasında rəsmiləşdirilmiş surət və tərcümələrində notariusun imzasının həqiqiliyini təsdiq etmək;

3.1.10. ədliyyə, məhkəmə, prokurorluq orqanları tərəfindən verilmiş, habelə vətəndaşlıq vəziyyəti aktlarının dövlət qeydiyyatına dair və notariat qaydasında təsdiq edilmiş sənədlərə apostil vermək, bununla əlaqədar "Apostillərin elektron reyestri" informasiya sistemini formalaşdırmaq;

3.1.11. Azərbaycan Respublikası Əhalisinin Dövlət Reyestrinin (bundan sonra - Əhalinin Dövlət Reyestri) qanunvericiliklə müəyyən edilmiş qaydada aparılması işinin təşkilinə, bu sahədə ortaya çıxan problemlərin həlli ilə bağlı zəruri köməklik göstərmək;

3.1.12. vətəndaşlıq vəziyyəti aktlarının dövlət qeydiyyatı barədə məlumatların Əhalinin Dövlət Reyestrinə və Qüvvədən düşmüş sənədlərin dövlət reyestrinə ötürülməsini təşkil etmək;

3.1.13. notariat fəaliyyəti, vətəndaşlıq vəziyyəti aktlarının və qeyri-kommersiya qurumlarının dövlət qeydiyyatı, qrant, ianə və xidmət müqavilələri, sahibkarlıq sahəsində aparılan yoxlamaların vahid məlumat reyestrinin aparılmasıvə Baş idarənin fəaliyyət istiqamətinə aid digər sahələrdə vəziyyəti öyrənmək, ümumiləşdirmək, müvafiq yoxlamalar aparmaq, bu sahələrdə göstərilən hüquqi xidmətlərin səviyyəsinin yüksəldilməsi üçün zəruri tədbirlər görmək, o cümlədən işçilərin peşə hazırlığına dair təlimlər təşkil etmək;

3.1.14. səlahiyyətlərinə uyğun olaraq inzibati xətalar haqqında işlərə baxmaq və protokol tərtib etmək;

3.1.15. notariat fəaliyyəti üzrə peşə hazırlığını müəyyən edən ixtisas komissiyasının fəaliyyətinin təşkilati təminatını həyata keçirmək;

3.1.16. Nazirliyin nikah evi və qeydiyyat şöbələrinin (bundan sonra — qeydiyyat şöbələri), notariusların notariat fəaliyyətinin və Dövlət notariat arxivi müdirinin fəaliyyətini yoxlamaq;

3.1.17. siyasi partiyaların, qeyri-hökumət təşkilatlarının, xarici dövlətlərin qeyrihökumət təşkilatlarının filial və ya nümayəndəliklərinin, bölmələrinin fəaliyyətinin onların nizamnamələrinə (əsasnamələrinə) və Azərbaycan Respublikasının qanunvericiliyinə uyğunluğunu öyrənmək;

3.1.18. yerli icra hakimiyyətlərinin nümayəndəliklərinin vətəndaşlıq vəziyyəti aktlarının dövlət qeydiyyatı sahəsində fəaliyyətinin həmin rayon (şəhər) qeydiyyat şöbələri tərəfindən yoxlanılmasının və nəticəsindən asılı olaraq müvafiq tədbirlər görülməsinin təmin olunmasına nəzarət etmək;

3.1.19. Azərbaycan Respublikasında qeyri-hökumət təşkilatlarına elektron xidmətlərin göstərilməsi, o cümlədən qeyri-hökumət təşkilatlarının aidiyyəti dövlət orqanları (qurumları) ilə qarşılıqlı məlumat mübadiləsinin, qanunla müəyyən edilmiş məlumatların, hesabatların elektron formada verilməsinin və digər elektron xidmətlərin həyata keçirilməsi məqsədi ilə yaradılmış "Fərdi elektron pəncərə" elektron məlumat sisteminin fəaliyyətinin təmin edilməsində iştirak etmək;

3.1.20. fəaliyyət istiqamətlərinə uyğun təşkil olunan ədliyyə sahəsində xidmətlərlə bağlı informasiya resurslarının, o cümlədən mobil tətbiqlərin, habelə qeydiyyat şöbələri və dövlət notariat ofislərində mövcud olan texniki proqram kompleksinin və rabitə infrastrukturunun işlək vəziyyətdə saxlanılmasında iştirak etmək, bununla bağlı Nazirliyin İnformasiya texnologiyaları və innovasiyalar idarəsi qarşısında məsələ qaldırmaq;

3.1.21. qeydiyyat və notariat fəaliyyəti, habelə sahibkarlıq sahəsində aparılan yoxlamaların vahid məlumat reyestrinin aparılması üzrə elektron xidmətlərin göstərilməsi işini təmin etmək;

3.1.22. notariusun bankda depozit hesabının açılmasına, xüsusi notariusun fəaliyyət göstərəcəyi yerə, ezamiyyətə və məzuniyyətə getməsi, xüsusi notariat ofisinin iş reimi, ştat cədvəli, işə qəbul olunan namizədlərlə bağlı razılıq vermək;

3.1.23. hüquqi yardım çərçivəsində xarici dövlətlərdən daxil olan mülki və ailə işlərinə dair müraciətlərə baxmaq;

3.1.24. qeydiyyat və notariat fəaliyyəti ilə əlaqədar arxiv işini təşkil etmək, arxiv sənədlərinin mühafizəsini təmin etmək;

3.1.25. Baş idarənin, qeydiyyat şöbələrinin və notariat ofislərinin fəaliyyəti, Dövlət notariat arxivinin, sahibkarlıq sahəsində aparılan yoxlamalarla bağlıstatistik hesabatları toplamaq və təhlil etmək;

3.1.26. Baş idarənin fəaliyyət istiqamətləri üzrə yeni informasiya və kommunikasiya texnologiyalarının tətbiq edilməsi işinin təşkilində iştirak etmək;

3.1.27. Baş idarənin, qeydiyyat şöbələrinin və notariat ofislərininhabelə Vətəndaşlıq vəziyyəti aktlarının reyestri xidmətinin işçiləri tərəfindən əmək funksiyalarının icra olunmasına nəzarət etmək;

3.1.28. "ASAN xidmət" mərkəzlərində fəaliyyət göstərən qeydiyyat şöbələrinin və notariat ofislərinin fəaliyyəti ilə bağlı Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə əməkdaşlıq çərçivəsində iş qurmaq;

3.1.29. fəaliyyəti haqqında ictimai maraq kəsb edən məlumatların mediada yayılmasını təşkil etmək, bu məqsədlə Nazirliyin internet saytından istifadə etmək;

3.1.30. Azərbaycan Respublikasının tərəfdar çıxdığı beynəlxalq müqavilələrin icrası ilə bağlı Nazirliyin kollegiyasının qərarları, Nazirlik üzrə əmr və sərəncamlarla Baş idarəyə həvalə olunmuş səlahiyyətlərin həyata keçirilməsini təmin etmək;

3.1.31. Baş idarənin fəaliyyət istiqamətləri üzrə beynəlxalq təcrübəni öyrənmək, onun tətbiqi ilə bağlı müvafiq təkliflər vermək, habelə bu təcrübə nəzərə alınmaqla, elmitexniki nailiyyətlərin tətbiq olunmasını təmin etmək;

3.1.32. vətəndaşların qəbulunu və müraciətlərinə baxılmasını təmin etmək;

3.1.33. Baş idarənin fəaliyyətini təşkil etmək, onun strukturunun və fəaliyyətinin təkmilləşdirilməsi istiqamətində təkliflər vermək;

3.1.34. fəaliyyət istiqamətləri üzrə maarifləndirmə işini həyata keçirmək;

3.1.35. Baş idarənin, qeydiyyat şöbələrinin, dövlət notariat ofislərinin, Vətəndaşlıq vəziyyəti aktlarının reyestri xidmətinin və Dövlət notariat arxivinin zəruri avadanlıqlarla, habelə müvafiq normativ aktlar, kitab, şəhadətnamə blankları, digər blanklar və başqa vəsaitlərlə, eləcə də Azərbaycan Respublikasının xarici ölkələrdəki konsulluqlarının və yerli icra hakimiyyəti nümayəndəliklərinin vətəndaşlıq vəziyyəti aktlarının dövlət qeydiyyatına dair şəhadətnamə və akt qeydləri blankları ilə təchiz olunmasını təşkil etmək, onların saxlanmasına, uçotuna və istifadə olunmasına nəzarəti həyata keçirmək;

3.1.36. Baş idarəyə ayrılan büdcə və qanunvericiliklə nəzərdə tutulmuş digər maliyyə vəsaitlərindən təyinatı üzrə səmərəli istifadə olunmasını təmin etmək;

3.1.37. informasiya və məsləhət təminatı işini təşkil etmək məqsədilə müvafiq tədbirlər görmək, fiziki və hüquqi şəxslərin müraciətləri əsasında fəaliyyət istiqamətləri üzrə məlumatlar (arayışlar) təqdim etmək;

3.1.38. qanunvericiliyə uyğun olaraq dövlət sirrinin və məxfilik rejiminin qorunması üçün təhlükəsizlik tədbirləri görmək;

3.1.39. aparılan islahatlar nəticəsində struktura daxil olan qurumların fəaliyyətini müasir tələblərə cavab verən yeni işgüzar prosedurlar əsasında təşkil etmək;

3.1.40. fəaliyyət istiqamətləri üzrə və Nazirliyin rəhbərliyinin tapşırıqları əsasında digər vəzifələri yerinə yetirmək.

4. Baş idarənin hüquqları

4.1. Baş idarə öz vəzifələrini həyata keçirmək üçün aşağıdakı hüquqlara malikdir:

4.1.1. ədliyyə sahəsində xidmətlərlə bağlı qanunvericilik aktlarının layihələrinə rəy verilməsində iştirak etmək, qeydiyyat, notariat, sahibkarlıq sahəsində aparılan yoxlamaların vahid məlumat reyestri üzrə hüquqi aktların layihələrini hazırlamaq;

4.1.2. Baş idarənin tərkibinə daxil olan struktur qurumlarında, qeydiyyat şöbələrində, notariat ofislərində Vətəndaşlıq vəziyyəti aktlarının reyestri xidməti və Dövlət notariat arxivində işin təşkili vəziyyətinə nəzarəti həyata keçirmək, korrupsiya ilə əlaqədar hüquqpozmaların qarşısının alınması üçün tədbirlər görmək;

4.1.3. qeydiyyat şöbələrinin və notariat ofislərinin fəaliyyətinin təkmilləşdirilməsi məqsədilə metodik tövsiyələr hazırlamaq;

4.1.4. ədliyyə sahəsində xidmətlərin elektronlaşdırılması, bununla əlaqədar müvafiq normativ tənzimləmə və informasiya resurslarının təkmilləşdirilməsinə dair təkliflər vermək;

4.1.5. cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin tələblərinə riayət edilməsi üzrə notariuslara, qeyri-hökumət təşkilatları, habelə xarici qeyri-hökumət təşkilatlarının filial və nümayəndəliklərinə metodiki tövsiyələr vermək;

4.1.6. qeydiyyat şöbələrinə və notariat ofislərinə normativ hüquqi aktlarla işin təşkilində əməli və metodik köməklik göstərmək, tövsiyələr və yazılı göstərişlər vermək;

4.1.7. siyasi partiyanın fəaliyyətinin normativ hüquqi aktların və nizamnaməsinin tələblərinə uyğunluğunun öyrənilməsi məqsədi ilə siyasi partiyanın fəaliyyəti ilə bağlı üzvlərindən, həmçinin dövlət orqanlarından (qurumlarından), yerli özünüidarəetmə orqanlarından, hüquqi və fiziki şəxslərdən daxil olmuş müraciətlərə baxmaq, mediada dərc olunmuş (yayımlanmış) məlumatları nəzərdən keçirmək, siyasi partiyanın qanuni təmsilçisinin izahatını almaq, dövlət qeydiyyatına alınarkən siyasi partiyada üzv sayının 4500-dən aşağı olması halında həmin siyasi partiyanın dövlət qeydiyyatının ləğvi barədə məhkəmədə iddia qaldırmaq, normativ hüquqi aktların pozulmasının aradan qaldırılmalı olan digər halı müəyyən edildikdə siyasi partiyaya yazılı xəbərdarlıq etmək;

4.1.8. qeyri-hökumət təşkilatlarına və xarici dövlətlərin qeyri-hökumət təşkilatlarının filial və ya nümayəndəliklərinə yazılı xəbərdarlıq etmək, onlara qanun və nizamnamə (əsasnamə) pozuntularının aradan qaldırılması barədə göstəriş vermək;

4.1.9. qeyri-hökumət təşkilatlarının, xarici dövlətlərin qeyri-hökumət təşkilatlarının filial və ya nümayəndəliklərinin, siyasi partiyanın fəaliyyətinin müvəqqəti dayandırılması, onların ləğv edilməsi barədə məhkəmə qarşısında məsələ qaldırmaq;

4.1.10. vətəndaşların müraciətlərinin araşdırılmasına qeyri-hökumət təşkilatlatlarının, xarici qeyri-hökumət təşkilatlarının filial və nümayəndəliklərinin fəaliyyətinin qanunvericiliyə və nizamnaməyə (əsasnaməyə) uyğunluğunun öyrənilməsi, bu sahədə ümumiləşdirmələrin aparılması işinə regional ədliyyə idarələrini cəlb etmək;

4.1.11. qanunla nəzərdə tutulmuş qaydada qeyri-hökumət təşkilatlarına və xarici dövlətlərin qeyri-hökumət təşkilatlarının filial və ya nümayəndəliyinə yazılı xəbərdarlıq edilməsi, onlara pozuntuları aradan qaldırmaq haqqında göstəriş verilməsi barədə regional ədliyyə idarələrinin təkliflərinə dair rəy vermək;

4.1.12. qeydiyyat şöbələrində və notariat ofislərində statistik hesabatlılığın elektron qaydada aparılması işinin təşkili vəziyyətini yoxlamaq;

4.1.13. Azərbaycan Respublikası Ailə Məcəlləsinin 159-cu maddəsi, Azərbaycan Respublikası Prezidentinin "Azərbaycan Respublikasının Ailə Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun tətbiq edilməsi barədə" 2000-ci il 6 mart tarixli 297 nömrəli, "Azərbaycan Respublikası Ailə Məcəlləsinin tətbiqi ilə əlaqədar bəzi məsələlər haqqında" 2001-ci il 4 iyul tarixli 519 nömrəli və "Vətəndaşlıq vəziyyəti aktlarının dövlət qeydiyyatı sahəsində elektron xidmətlərin tətbiqinin genişləndirilməsi haqqında" 2020-ci il 23 sentyabr tarixli 1160 nömrəli fərmanlarının icrası ilə əlaqədar qeydiyyat şöbələrinin fəaliyyət göstərmədiyi inzibati ərazilərdə Azərbaycan Respublikasının konsulluqları və yerli icra hakimiyyəti nümayəndəliklərinin vətəndaşlıq vəziyyəti aktlarının dövlət qeydiyyatı və notariat hərəkətlərinin qanunvericiliyin tələblərinə uyğun olaraq Nazirliyin müvafiq informasiya sistemləri vasitəsi ilə aparılması işini əlaqələndirmək;

4.1.14. notariat fəaliyyətinin yoxlanılmasına Azərbaycan Notariat Palatasının üzvünü cəlb etmək;

4.1.15. notariat fəaliyyəti ilə məşğul olmaq üçün verilmiş şəhadətnamənin ləğv edilməsi barədə Nazirliyin rəhbərliyinə təqdimat vermək;

4.1.16. xüsusi notariusun qeydiyyat vəsiqəsinin ləğv edilməsi üçün Nazirliyin rəhbərliyinə təqdimat vermək;

4.1.17. qeydiyyat şöbələrində və notariat ofislərində icra və əmək intizamına riayət olunması vəziyyətini yoxlamaq;

4.1.18. qeydiyyat şöbələrinin, notariat ofislərinin, Dövlət notariat arxivinin və Vətəndaşlıq vəziyyəti aktlarının reyestri xidmətinin fəaliyyətini yoxlamaq və nəticəsindən asılı olaraq müvafiq tədbirlər görmək;

4.1.19. statistik hesabat formalarının təkmilləşdirilməsinə dair təkliflər vermək;

4.1.20. qeydiyyat və notariat fəaliyyəti, habelə sahibkarlıq sahəsində aparılan yoxlamalar üzrə dövlət və yerli özünüidarəetmə orqanlarına, fiziki və hüquqi şəxslərə (o cümlədən publik hüquqi şəxslərə) zəruri məlumatlar (sənədlər) barədə yazılı və ya elektron sorğu vermək və onlardan belə məlumatları (sənədləri) almaq;

4.1.21. fəaliyyət istiqamətlərinə uyğun rəylər vermək, təhlillər və ümumiləşdirmələr aparmaq, müsbət təcrübəni yaymaq, analitik materiallar hazırlamaq, müvafiq təkliflər vermək;

4.1.22. qanunvericiliklə müəyyən edilmiş qaydada yerli və xarici qeyri-dövlət təşkilatları, beynəlxalq təşkilatlarla, xarici dövlətlərin aidiyyəti dövlət orqanları (qurumları) ilə əməkdaşlıq etmək, xidmət sahəsində xarici dövlətlərin müvafiq təcrübəsini öyrənmək;

4.1.23. işçiləri ölkə daxilində xidməti ezamiyyətə göndərmək;

4.1.24. Ədliyyə nazirinin müvafiq əmrləri ilə verilmiş səlahiyyət daxilində baş idarə, Nazirliyin qeydiyyat şöbələri və notariat orqanlarında kadr komplektlərşdirilməsi məsələlərini həll etmək;

4.1.25. qanunvericiliklə müəyyən edilmiş qaydada dövlət satınalmalarını həyata keçirmək;

4.1.26. sərəncamında olan dövlət əmlakı barəsində hüquqları həyata keçirmək;

4.1.27. qeydiyyat şöbələrinin, dövlət notariat ofislərinin, Vətəndaşlıq vəziyyəti aktlarının reyestri xidməti və Dövlət notariat arxivinin maliyyə təminatının və maddi təchizatının yaxşılaşdırılması üzrə Nazirliyin rəhbərliyinə təkliflər vermək;

4.1.28. Baş idarənin fəaliyyət istiqamətlərinə uyğun olaraq həyata keçirilən işlərin təkmilləşdirilməsinə dair təkliflər vermək;

4.1.29. vəzifələrinin icrası ilə əlaqədar digər hüquqları həyata keçirmək.

5. Baş idarənin fəaliyyətinin təşkili

5.1. Baş idarənin strukturu və ştat vahidlərinin sayı Azərbaycan Respublikasının ədliyyə naziri tərəfindən təsdiq olunur.

5.2. Baş idarədənotariat fəaliyyəti, vətəndaşlıq vəziyyəti aktlarının, qeyrikommersiya hüquqi şəxslərinin qeydiyyatı, sahibkarlıq sahəsində aparılan yoxlamaların reyestri, informasiya təminatı və xidmətlərin təşkili, nəzarət-analitik iş üzrə struktur qurumları fəaliyyət göstərir (bundan sonra — idarələr və şöbələr) daxildir. Baş idarədə dəftərxana, mühasibatlıq, texniki təchizat işlərinin aparılması ilə bağlı və digər vəzifələri yerinə yetirən işçilər də fəaliyyət göstərir.

5.3. Baş idarəyə Azərbaycan Respublikasının ədliyyə naziri tərəfindən Azərbaycan Respublikasının Prezidenti ilə razılaşdırmaqla vəzifəyə təyin və vəzifədən azad edilən rəis rəhbərlik edir. Baş idarənin rəisi Baş idarəyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır.

5.4. Baş idarə rəisinin Azərbaycan Respublikasının ədliyyə naziri tərəfindən vəzifəyə təyin və vəzifədən azad edilən iki müavini vardır. Baş idarə rəisinin müavini ona həvalə olunmuş vəzifələri yerinə yetirir və bunun üçün şəxsən məsuliyyət daşıyır.

5.5. Baş idarənin struktur qurumlarına Azərbaycan Respublikasının ədliyyə naziri tərəfindən vəzifəyə təyin və vəzifədən azad edilən rəislər rəhbərlik edirlər.

5.6. Baş idarənin rəis müavinləri, baş idarənin struktur qurumlarının rəhbərləri və işçiləri öz funksiyalarını bu Əsasnamə ilə müəyyən edilmiş vəzifələrə əsasən yerinə yetirirlər.

5.7. Baş idarə işini fəaliyyət istiqamətləri, dövlət proqramları və milli fəaliyyət planları, Nazirliyin Kollegiyasının qərarları, Nazirliyin və Baş idarənin iş planları əsasında həyata keçirir.

5.8. Baş idarədə işin təşkili və vəziyyəti, iş planlarında nəzərdə tutulmuş tədbirlərin yerinə yetirilməsi, qarşıda duran vəzifələrin həyata keçirilməsi ilə əlaqədar məsələlər mütəmadi olaraq Baş idarənin rəisinin yanında keçirilən iclaslarda müzakirə edilir.

5.9. Baş idarənin rəisi:

5.9.1. Baş idarənin işini təşkil edir və onun fəaliyyətinə rəhbərliyi həyata keçirir;

5.9.2. Baş idarənin struktur qurumlarının tərkibində olmayan işçilər arasında vəzifə və iş bölgüsü aparır;

5.9.3. Baş idarənin struktur qurumlarının, habelə qeydiyyat şöbələri, notariat ofisləri, Vətəndaşlıq vəziyyəti aktlarının reyestri xidməti və Dövlət notariat arxivinin fəaliyyətinə və işinin əlaqələndirilməsinə nəzarət edir;

5.9.4. Baş idarənin işçiləri tərəfindən vəzifələrinin yerinə yetirilməsinə, icra və əmək intizamına nəzarət edir;

5.9.5. Baş idarənin iş planını təsdiq edir, onun vaxtında və keyfiyyətli icrasına nəzarəti həyata keçirir, Əhalinin Dövlət Reyestri Xidmətinin, habelə Nazirliyin iş planı layihəsinə dair təkliflər verir;

5.9.6. Baş idarənin fəaliyyətini Nazirliyin sisteminə daxil olan qurumlarla əlaqələndirir;

5.9.7. Baş idarənin fəaliyyəti ilə bağlı məsələlərin Nazirliyin kollegiyasının müzakirəsinə çıxarılması üçün təşəbbüs göstərir, bu məsələlərin kollegiyanın müzakirəsinə hazırlanmasını təmin edir;

5.9.8. cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı nəzarət tədbirləri çərçivəsində normativ sənədləri təsdiq edir;

5.9.9. inzibati xətalar haqqında protokolları, habelə baş idarənin fəaliyyəti ilə bağlı təşkilati və sərəncamverici sənədləri təsdiq edir;

5.9.10. Nazirliyin iş planında və kollegiyasının qərarlarında, Nazirlik üzrə əmr və sərəncamlarda nəzərdə tutulmuş aidiyyəti tədbirlərin yerinə yetirilməsinə nəzarət edir;

5.9.11. "Siyasi partiyalar haqqında" Azərbaycan Respublikası Qanunu ilə müəyyən edilmiş hallarda siyasi partiyaya yazılı xəbərdarlıq edir;

5.9.12. "Qeyri-hökumət təşkilatları (ictimai birliklər və fondlar) haqqında" Azərbaycan Respublikasının Qanunu ilə müəyyən edilmiş hallarda qeyri-hökumət təşkilatlarına və xarici dövlətlərin qeyri-hökumət təşkilatlarının filial və ya nümayəndəliklərinə yazılı xəbərdarlıq edir, onlara qanun və nizamnamə (əsasnamə) pozuntularını aradan qaldırmaq haqqında göstəriş verir;

5.9.13. Baş idarənin, qeydiyyat şöbələrinin, notariat ofislərinin, Dövlət notariat arxivinin fəaliyyətinin təkmilləşdirilməsi sahəsində tədbirlər görür, bu barədə Nazirliyin rəhbərliyinə təkliflər verir;

5.9.14 böyük həcmli tapşırıqların icrasını vaxtında təmin etmək üçün tapşırıqların icrasını bir neçə işçiyə həvalə edir və ya bir işçinin icraatından digər işçinin icraatına verir;

5.9.15. Baş idarənin struktur qurumlarının tərkibində olmayan yeni təyin olunmuş işçilərin təcrübəli əməkdaşlara təhkim edilməsinə və onların işinə bilavasitə nəzarət edir;

5.9.16. Baş idarədə işçilərin vəzifəyə təyin və ya vəzifədən azad edilməsi, həvəsləndirilməsi, onlara xüsusi rütbə və ixtisas dərəcələrinin verilməsi, intizam tənbeh tədbirlərinin tətbiq edilməsi və vəzifədən kənarlaşdırılması ilə bağlı Nazirliyin rəhbərliyinə təkliflər verir;

5.9.17. qanunvericiliyin tələblərinin pozulmasına görə Baş idarənin, qeydiyyat şöbələrinin, notariat ofislərinin, Dövlət notariat arxivinin əməkdaşlarına yazılı və ya şifahi xəbərdarlıq edir;

5.9.18. qanunvericiliyin tələblərinin pozulmasına görə xüsusi notariuslara yazılı və ya şifahi xəbərdarlıq edir, onlara cərimə növündə intizam tənbeh tədbirinin tətbiq olunması barədə, yaxud digər intizam tənbeh tədbirlərinin tətbiq edilməsi ilə bağlı Nazirliyin rəhbərliyinə təkliflər verir;

5.9.19. Nazirliyin rəhbərliyi ilə razılaşdırmaqla qeydiyyat şöbələrinin və dövlət notariat ofislərinin yardımçı vəzifə tutan işçilərini işə qəbul edilməsi barədə əmr verir;

5.9.20. Baş idarənin, qeydiyyat şöbələrinin, dövlət notariat ofislərinin və Dövlət notariat arxivinin işçilərini ölkə daxilində xidməti ezamiyyətə göndərir;

5.9.21. qeydiyyat şöbələrinin və dövlət notariat ofislərinin yardımçı vəzifə tutan və dövlət qulluqçusu olmayan işçilərinə həvəsləndirmə tədbirləri və intizam tənbehi tətbiq edir, onlara ixtisas dərəcələri verir;

5.9.22. qeydiyyat şöbələrinin, dövlət notariat ofislərinin rəhbərləri istisna olmaqla, digər işçilərinə məzuniyyət verir;

5.9.23. qeydiyyat şöbələrinin, dövlət notariat ofislərinin yardımçı vəzifə tutan işçilərinin qulluq illərinin hesablanmasını təşkil edir;

5.9.24. qeydiyyat şöbələrinin, dövlət notariat ofislərinin yardımçı vəzifə tutan və dövlət qulluqçusu olmayan işçilərinin adının ədliyyə orqanları işçilərinin siyahısından çıxarılmasını təmin edir;

5.9.25. müəyyən edilmiş struktur, əməkhaqqı fondu və işçilərin say həddi daxilində Baş idarənin, qeydiyyat şöbələrinin, dövlət notariat ofislərinin, Dövlət notariat arxivinin ştat cədvəlinə və ayrılmış büdcə təxsisatı çərçivəsində onların xərclər smetasına dair təkliflər verir;

5.9.26. qeydiyyat şöbələri, dövlət notariat ofisləri, Dövlət notariat arxivində vakant olan inzibati vəzifələrin icrasının müvəqqəti olaraq başqa şəxslərə həvalə edilməsi haqqında Nazirliyin rəhbərliyinə təkliflər verir;

5.9.27. Baş idarə, qeydiyyat şöbələri, notariuslar, Dövlət notariat arxivi işçiləri üçün icrası məcburi olan əmr, sərəncam, şifahi və yazılı göstərişlər verir, onların icrasını təşkil edir və icrasına nəzarəti həyata keçirir;

5.9.28. qanunvericiliklə nəzərdə tutulmuş hallarda və müəyyən edilmiş qaydada məhkəmədə iddia qaldırır;

5.9.29. qanunvericiliklə müəyyən edilmiş qaydada dövlət satınalmalarının həyata keçirilməsi üçün tədbirlər görür, dövlət büdcəsindən ayrılmış vəsaitin təyinatı üzrə və səmərəli xərclənməsini təmin edir;

5.9.30. xüsusi notariusun fəaliyyətinin müəyyən yerdə həyata keçirilməsinə, onun ezamiyyətə və ya məzuniyyətə getməsinə, iş rejiminə və xüsusi notariat ofisinin ştat cədvəlinə, habelə xüsusi notarius tərəfindən işə qəbul olunan namizədlərə dair razılıq verir;

5.9.31. səlahiyyətlərinin bir hissəsinin həyata keçirilməsini müavininə tapşırır;

5.9.32. vətəndaşları qəbul edir;

5.9.33. digər məsələləri həll edir;

5.9.34. xidməti fəaliyyətlə bağlı Nazirliyin rəhbərliyinin tapşırıqlarını yerinə yetirir.

5.10. Baş idarə rəisinin müavinləri:

5.10.1. Baş idarənin, onun struktur qurumlarının qeydiyyat şöbələrinin və notariat ofislərinin işinin Baş idarə rəisinin müəyyən etdiyi iş bölgüsünə əsasən əlaqələndirilməsinin təşkilinə nəzarət edir;

5.10.2. Baş idarənin fəaliyyətinin təkmilləşdirilməsi üzrə Baş idarənin rəisinə təkliflər verir;

5.10.3. səlahiyyətinə aid edilmiş məsələlər üzrə inzibati xətalara dair işlər üzrə protokollar tərtib edir, inzibati xətalar haqqında işlərə baxır;

5.10.4. Baş idarənin iş planının, habelə baş idarənin rəisi tərəfindən verilmiş verilmiş göstərişlərin vaxtında və keyfiyyətli icrasını təşkil edir;

5.10.5. Baş idarənin və aidiyyəti struktur qurumlarının işçilərinin icraatında olan sənədlərin düzgün və vaxtında icra olunmasına nəzarət edir;

5.10.6. idarənin fəaliyyətinin təkmilləşdirilməsi sahəsində tədbirlər görür, işin səmərələşdirilməsi və fəaliyyət istiqamətləri üzrə qanunvericiliyin təkmilləşdirilməsi, qeydiyyat şöbələrinin və notariat ofislərinin işçilərinin peşəkarlıq səviyyəsinin yüksəldilməsi məqsədilə onların müvafiq kurs və treninqlərə cəlb edilməsi, habelə digər müvafiq tədbirlərin görülməsi ilə bağlı Baş idarənin rəisinə təkliflər verir;

5.10.7. Ədliyyə sahəsində xidmətlərin təkmilləşdirilməsi, o cümlədən elektronlaşdırılması işində iştirak edərək Baş idarənin rəisinə təkliflər verir;

5.10.8. Baş idarədə kargüzarlıq işini təşkil edir;

5.10.9. Baş idarənin, qeydiyyat şöbələrinin, dövlət notariat ofislərinin, Dövlət notariat arxivinin zəruri avadanlıqlarla, habelə müvafiq normativ aktlar, kitab, şəhadətnamə blankları, digər blanklar və başqa vasitələrlə təchiz olunmasını təmin edir, onların saxlanmasına, uçotuna və istifadə olunmasına nəzarəti təşkil edir;

5.10.10. vətəndaşları qəbul edir;

5.10.11. Baş idarənin rəisi ilə razılaşdırmaqla baş idarənin fəaliyyət istiqamətlərinə aid məsələlərlə bağlı ictimaiyyətin məlumatlandırılması üçün zəruri tədbirlər görür;

5.10.12. Baş idarənin fəaliyyət istiqamətlərinə aid məsələlər üzrə regional ədliyyə idarələrinə metodiki köməkliyin göstərilməsi üçün tədbirlər görür;

5.10.13. Baş idarənin rəisi vəzifələrini icra edə bilmədikdə onun vəzifələrini yerinə yetirir;

5.10.14. ona tapşırılmış sahədə işin düzgün təşkil və icra olunmasını təmin edir;

5.10.15 peşə hazırlığının yüksəldilməsi məqsədilə qüvvədə olan qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır;

5.10.16 xidməti fəaliyyətlə bağlı Nazirliyin rəhbərliyinin və Baş idarə rəisinin tapşırıqlarını yerinə yetirir.

5.11. Baş idarənin strukturuna daxil olan qurumların rəisləri:

5.11.1. struktur qurumun işini təşkil edir və fəaliyyətinə rəhbərliyi həyata keçirir;

5.11.2. struktur qurumun işçilər arasında iş bölgüsü aparırlar;

5.11.3. struktur qurumun işçilərinin fəaliyyətini istiqamətləndirir, onlara həvalə edilən vəzifələrin yerinə yetirilməsini, əmək və icra intizamını təmin edirlər;

5.11.4. müvafiq sahədə işin təşkili, idarə edilməsi və inkişafının təmin olunmasına nəzarət edirlər;

5.11.5. struktur qurumun fəaliyyətini baş idarənin digər idarələri və Nazirliyin sisteminə daxil olan qurumlarla əlaqələndirir, onların fəaliyyətinə dair hesabatlarının vaxtında təqdim edilməsinə, habelə onların tamlığına və keyfiyyətinə nəzarət edirlər;

5.11.6. Nazirliyin kollegiyasının qərarlarında, Nazirlik üzrə əmr və sərəncamlarda, habelə iş planlarında nəzərdə tutulmuş aidiyyəti tədbirlərin yerinə yetirilməsini səlahiyyətləri daxilində təmin edirlər;

5.11.7. struktur qurumun işçilərin həvəsləndirilməsi, onlara xüsusi rütbələrin və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı baş idarə rəisinə təkliflər verirlər;

5.11.8. struktur qurumun səlahiyyətlərinə aid edilmiş məsələlər üzrə inzibati xətalara dair işlərə baxır, inzibati xəta haqqında iş üzrə protokol tərtib edirlər;

5.11.9. struktur qurumun fəaliyyəti ilə bağlı məsələlərin Nazirliyin kollegiyasının müzakirəsinə çıxarılması barədə Baş idarənin rəisinə təklif verir, Baş idarənin fəaliyyəti ilə bağlı aidiyyəti məsələləri Nazirliyin kollegiyasının müzakirəsinə hazırlayırlar;

5.11.10. struktur qurumun fəaliyyəti ilə bağlı müvafiq hesabatlarını hazırlayırlar;

5.11.11. struktur qurumun fəaliyyətinin təkmilləşdirilməsi sahəsində tədbirlər görür, bu barədə Baş idarənin rəisinə təkliflər verirlər;

5.11.12. Baş idarənin iş planına dair təkliflər verir, onun icrasını təmin edirlər;

5.11.13. vətəndaşları qəbul edirlər;

5.11.14. peşə hazırlığının yüksəldilməsi məqsədi ilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışırlar;

5.11.15. xidməti fəaliyyətlə bağlı Nazirliyin rəhbərliyinin və Baş idarənin rəisinin tapşırıqlarını yerinə yetirirlər.

5.12. Baş məsləhətçi (dəftərxana müdiri) aşağıdakı vəzifələri icra edir:

5.12.1. Baş idarədə dəftərxana işinin görülməsinə cəlb edilmiş işçilərin fəaliyyətini təşkil edir və ona nəzarəti həyata keçirir;

5.12.2. Baş idarəyə daxil olan dövlət orqanlarının müraciətlərinin, təklif, ərizə, şikayət və digər sənədlərin qeydiyyatını, Baş idarənin rəhbərliyinə və digər vəzifəli şəxslərinə verilməsini və rəhbərliyin dərkənarına uyğun olaraq onların aidiyyəti üzrə çatdırılmasını təşkil edir;

5.12.3. sənədlərin icrası üzrə kargüzarlıq işinin "Elektron sənəd dövriyyəsi" informasiya sistemi vasitəsi ilə təşkilini təmin edir;

5.12.4. sənədlərin qanunvericilikdə nəzərdə tutulmuş müddətlərdə icra olunmasını nəzarətdə saxlayır, icra olunmuş sənədlərin aidiyyəti üzrə, göndərilməsini, 5.12.5. Baş idarə, qeydiyyat şöbələri və dövlət notariat ofislərində yardımçı vəzifələrə işçilərin qəbul edilməsi, habelə bu qurumların fəaliyyətinə cəlb edilmiş könüllülərlə müqavilələrin bağlanılması üzrə sənədləşmə işini təşkil edir;

5.12.6. Baş idarə, qeydiyyat şöbələri və dövlət notariat ofisləri, Vətəndaşlıq vəziyyəti aktlarlnln reyestri xidməti və Dövlət notariat arxivində insan resursların komplektləşdirilməsi üzrə uçot aparır;

5.12.7. Baş idarədə vətəndaşların müraciətləri və hüquqi maarifləndirmə ilə əlaqədar statistik hesabatlar hazırlayır Baş idarənin rəhbərliyinə təqdim edir;

5.12.8. Baş idarəyə daxil olan vətəndaşların müraciətlərini yarım ildə bir dəfədən az olmayaraq ümumiləşdirir;

5.12.9. Baş idarəyə daxil olan sənədlərin arxivləşdirilməsini təşkil edir;

5.12.10. Baş idarənin rəisinin əmr, sərəncam və yazılı göstərişlərinin qeydiyyatını aparır, onların müvafiq struktur qurumlara çatdırılmasını təmin edir;

5.12.11. vətəndaşların müraciətləri və hüquqi maarifləndirmə ilə əlaqədar statistik hesabatlar hazırlayır, Baş idarənin rəhbərliyinə təqdim edir;

5.12.12. peşə hazırlığının yüksəldilməsi məqsədilə qüvvədə olan qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.12.13. xidməti fəaliyyətlə bağlı Baş idarənin rəhbərliyinin tapşırıqlarını yerinə yetirir.

5.13. Baş məsləhətçi (mühasib) və məsləhətçi (mühasib):

5.13.1. Baş idarədə mühasibat uçotu və maliyyə təminatı işlərinin düzgün təşkil və icra olunmasını təmin edir;

5.13.2. Dövlət büdcəsindən ayrılmış vəsaitin səmərəli xərclənməsi üçün tədbirlər görür, bununla əlaqədar bütün təsərrüfat əməliyyatlarının mühasibat uçotu hesablarında düzgün əks etdirilməsini, ona nəzarəti, operativ məlumatların təqdim edilməsini, mühasibat hesabatlarının müəyyən edilmiş müddətdə tərtib və təqdim edilməsini həyata keçirir;

5.13.3. Dövlət büdcəsindən ayrılmış vəsaitlərin həddi nəzərə alınmaqla işçilərin vəzifə maaşlarını, habelə qulluq illərinə, xüsusi rütbələrə, ixtisas dərəcələrinə və elmi dərəcəyə görə əlavələri, digər müavinətləri və mükafatları hesablayır və ödənilməsini təmin edir; 5.13.4.mühasibat uçotu ilə bağlı qabaqcıl forma və metodlarının tətbiq edilməsinə dair təkliflər irəli sürür;

5.13.5. Baş idarə, qeydiyyat şöbələri, Vətəndaşlıq vəziyyəti aktlarının reyestri xidməti və Dövlət notariat arxivi və dövlət notariat ofislərinin istifadəsində olan inzibati bina, əmlak və onların istismarı ilə bağlı uçotu aparır;

5.13.6. Baş idarənin və müvafiq yerli qurumların işçilərinin məcburi dövlət sosial sığortasını, digər sosial ödənişlərini həyata keçirir;

5.13.7. maddi və maliyyə vəsaitlərinin uçotunu aparır;

5.13.8. ayrılmış büdcə vəsaitlərinin xərclənməsini Azərbaycan Respublikası Nazirlər Kabinetinin 2018-ci il 11 oktyabr tarixli 440 nömrəli qərarı ilə təsdiq edilmiş "Vahid büdcə təsnifatı"na uyğun həyata keçirir;

5.13.9. müvafiq mühasibat sənədləri əsasında xəzinədarlıq orqanları və bank vasitəsi ilə pul vəsaitlərinin köçürülməsini və digər əməliyyatların aparılmasını həyata keçirir;

5.13.10. bank əməliyyatlarının sənədlərini hazırlayır;

5.13.11. işçilərin ezamiyyə xərclərinin ödənilməsini həyata keçirir;

5.13.12. dövlət satınalmaları üzrə müsabiqələrin keçirilməsi ilə bağlı hazırlıq işlərini aparır;

5.13.13. işçilərin, habelə onların ailə üzvlərinin sosial müdafiəsi üzrə keçirilən tədbirlərin maliyyə təminatını həyata keçirir;

5.13.14. ümumiləşdirmələr aparır, statistik, maliyyə və digər hesabatlar hazırlayır və Baş idarənin rəisinə təqdim edir;

5.13.15. təhtəlhesab şəxslərlə hesablaşmalar aparır;

5.13.16. işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.13.17. xidməti fəaliyyətlə bağlı Baş idarənin rəhbərliyinin tapşırıqlarını yerinə yetirir;

5.13.18. Böyük məsləhətçi (mühasib) mühasibat məsələləri, nəzarət, hesabat və iqtisadi təhlil üzrə Baş idarənin digər məsləhətçilərinə (mühasiblərinə) rəhbərlik edir.

5.14. Məsləhətçi (iqtisadçı):

5.14.1. müvafiq qurumların növbəti illər üçün büdcə və icmal büdcə proqnozu layihələrini hazırlayır;

5.14.2. dövlət büdcəsindən ayrılan maliyyə vəsaitlərinin müvafiq qurumlar üzrə bölüşdürülməsi barədə Baş idarənin rəisinə təkliflər verir, büdcə vəsaitinin "Vahid büdcə təsnifatı"na uyğun xərclənməsinə nəzarət edir;

5.14.3. müvafiq qurumlar üzrə işçilərin bütün maddi təminatı nəzərə alınmaqla ştat cədvəllərini, xərclər smetalarını hazırlayır və bu vəsaitlərin təyinatı üzrə xərclənməsinə nəzarət edir;

5.14.4. dövlət satınalmaları üzrə müsabiqələrin keçirilməsi ilə bağlı Baş idarə rəisinin və baş məsləhətçinin (mühasibin) tapşırıqlarını yerinə yetirir;

5.14.5. müvafiq qurumların xərclər smetasının xərc yarımmaddələrində zərurət yaranarsa, dürüstləşdirilməsi barədə təkliflər verir;

5.14.6. müvafiq qurumlarda təsdiq olunmuş smetalar üzrə maliyyələşdirməni aparmaq məqsədilə hər ay aidiyyəti üzrə təqdim etmək üçün sifariş-məxaric cədvəllərini hazırlayır;

5.14.7. müvafiq qurumlarda maliyyə vəsaitlərinin xərclənməsinə nəzarət edilməsində iştirak edir, həmin qurumlara iqtisadi işin təşkilində əməli və metodik köməklik göstərilməsi üçün tədbirlər görür;

5.14.8. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.14.9. xidməti fəaliyyətlə bağlı Baş idarənin rəhbərliyinin digər tapşırıqlarını yerinə yetirir.

5.15. Baş idarənin struktur qurumlarında baş məsləhətçi (İnformasiya təminatı və xidmətlərin təşkili üzrə struktur qurumun baş məsləhətçisi və böyük məsləhətçisi (kompüter üzrə) vəzifələri istisna olmaqla), böyük məsləhətçi və aparıcı məsləhətçi müvafiq qurumun fəaliyyət dairəsinə uyğun olaraq, vəzifə və iş bölgüsünə əsasən aşağıdakı işləri icra edir:

5.15.1. müvafiq sahədə fəaliyyətin təşkilində və nəzarətin həyata keçirilməsində iştirak edir;

5.15.2. icraatına daxil olan sənədləri icra edir rəhbərinin göstərişinə əsasən ayrı-ayrı məsələlər üzrə araşdırmalar aparır, məruzələr, arayışlar və digər materiallar hazırlayır;

5.15.3. baş idarənin fəaliyyət istiqamətləri ilə əlaqədar sahələrdə hüquqi maarifləndirmə işində iştirak edir;

5.15.4. Azərbaycan Respublikasının tərəfdar çıxdığı beynəlxalq müqavilələrin həyata keçirilməsində iştirak edir;

5.15.5. vətəndaşların müraciətlərinə, sorğulara baxır, icraatında olan sənədlərlə bağlı, habelə rəhbərliyin tapşırığına əsasən vətəndaşları qəbul edir;

5.15.6. Baş idarənin fəaliyyət istiqamətləri üzrə statistik hesabatların hazırlanmasında iştirak edir;

5.15.7. Baş idarənin fəaliyyətinin əhatə etdiyi sahələr üzrə aparılan reyestrlərin təkmilləşdirilməsinə dair təkliflər verir;

5.15.8. Baş idarənin vəzifələrinin icrası ilə bağlı aparılan informasiya sistemlərindən istifadə zamanı informasiya təhlükəsizliyi tələblərinə riayət edir;

5.15.9. Baş idarənin fəaliyyət istiqamətləri üzrə dövlət xidmətlərinin, o cümlədən elektron xidmətlərin göstərilməsində iştirak edir, bu xidmətlərin təkmilləşdirilməsinə dair təkliflər verir;

5.15.10. Baş idarənin səlahiyyətlərinə aid edilmiş məsələlər üzrə inzibati xətalar haqqında protokol tərtib edir;

5.15.11. arxiv sənədlərinin müəyyən olunmuş qaydada mühafizəsinin təmin edilməsində iştirak edir, 5.15.12. fəaliyyət istiqamətləri üzrə qanunvericiliyin təkmilləşdirilməsi ilə bağlı normativ hüquqi aktların layihələrini hazırlayır, təqdim edilmiş qanunvericilik aktlarının layihələrinin müzakirəsində və onlara dair rəylərin hazırlanmasında iştirak edir;

5.15.13. Baş idarənin fəaliyyət istiqamətlərinə aid normativ hüquqi aktların yeni qəbul olunmuş qanunvericiliyə uyğunlaşdırılması barədə təkliflər hazırlayır;

5.15.14. Baş idarənin fəaliyyət istiqamətlərinə aid sahələrdə beynəlxalq təcrübəni öyrənir, müvafiq sahədə tətbiqi ilə bağlı təkliflər verir;

5.15.15. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.15.16. xidməti fəaliyyətlə bağlı Baş idarənin rəhbərliyinin və bilavasitə rəisinin tapşırıqlarını yerinə yetirir.

5.17. İnformasiya təminatı və xidmətlərin təşkili üzrə struktur qurumun baş məsləhətçisi və böyük məsləhətçisi (kompüter üzrə):

5.17.1. xidmətlərin elektron qaydada göstərilməsi vəziyyətini gündəlik öyrənir, xidmətlərdə istifadə olunan informasiya resurslarının işləkliyinin təmin edilməsi məsələləri üzrə müvafiq struktur qurum qarşısında məsələ qaldırır;

5.17.2. kompüter işçi stansiyalarına və digər informasiya-kommunikasiya avadanlıqlarına texniki xidmətin göstərilməsini təmin edir;

5.17.3. Baş idarənin fəaliyyəti ilə bağlı elektron məlumat bazalarının yaradılmasında iştirak edir, onların mühafizəsini və sığorta nüsxələrinin yaradılmasını təmin edir;

5.17.4. müvafiq texniki proqram kompleksinin və rabitə infrastrukturunun işlək vəziyyətdə saxlanılmasında, onun təkmilləşdirilməsi ilə bağlı işlərin aparılmasında iştirak edir;

5.17.5. baş idarənin fəaliyyət istiqamətlərinə uyğun məlumatların müvafiq informasiya sistemlərinə daxil edilməsinitəşkil edir, müvafiq sənədlərin elektron təsvirlərinin tərtib edilməsi, informasiya sistemlərində yerləşdirilməsi, habelə düzəlişlərin aparılması üçün texniki imkanlar yaradır;

5.17.6. peşə hazırlığının yüksəldilməsi məqsədilə qüvvədə olan qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.17.7. informasiya texnologiyaları və innovasiyalar üzrə maarifləndirlmə bu sahədə bilik və bacarıqların artırılmasını təşkil edir;

5.17.8. Baş idarənin fəaliyyət istiqamətləri üzrə elektron, o cümlədən mobil xidmətlərin təşkilini təmin edir, bu xidmətlərin statistik uçotunu aparır, onların təkmilləşdirilməsinə, habelə dairəsinin genişləndirilməsinə dair təkliflər irəli sürür;

5.17.9. informasiya təhükəsizliyinin təmin edilməsi məqsədi ilə müvafiq informasiya sistemlərinin istifadəçiləri olan işçilər tərəfindən rotasiya və ya vəzifələrin icrasına xitam verildiyi zaman sistemə giriş imkanlarının vaxtında məhdudlaşdırılmasını təmin edir;

5.17.10. xidməti fəaliyyətlə bağlı rəhbərliyinin tapşırıqlarını yerinə yetirir.

5.18. (böyük inspektorlar), Baş idarənin struktur qurumlarının tərkibində olan baş mütəxəssis (böyük inspektor) və böyük mütəxəssis (inspektor) iş bölgüsünə əsasən aşağıdakı işləri icra edir:

5.18.1. daxil olan təklif, ərizə, şikayət və digər sənədləri qəbul edir və onların qeydiyyatını aparır, rəhbərliyin dərkənarına uyğun olaraq elektron sənəd dövriyyəsi informasiya sistemi vasitəsi ilə onları aidiyyəti üzrə təqdim edir;

5.18.2. icra edilmiş sənədlər haqqında məlumatın icraçı tərəfindən elektron sənəd dövriyyəsi informasiya sisteminə daxil edilməsini nəzarətdə saxlayır, icra olunmuş sənədlərin aidiyyəti üzrə göndərilməsini təşkil edir;

5.18.3. Rəhbərliyin yazılı göstəriş və sərəncamlarını qeydiyyatını aparır, onların müvafiq struktur qurumlara çatdırılmasını təmin edir;

5.18.4. peşə hazırlığının yüksəldilməsi məqsədilə qüvvədə olan qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.18.5. daxil olmuş müraciətləri ümumiləşdirir, vətəndaşların müraciətləri və hüquqi maarifləndirmə ilə əlaqədar statistik hesabatların hazırlanmasında iştirak edir;

5.18.6. işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.18.7. Baş idarənin fəaliyyəti ilə bağlı rəhbərliyinin tapşırıqlarını yerinə yetirir.

5.19. Böyük mütəxəssis (təsərrüfat müdiri) və böyük mütəxəssis (komendant) vəzifə və iş bölgüsünə əsasən aşağıdakı işləri icra edir:

5.19.1. Baş idarəni, qeydiyyat şöbələrini, dövlət notariat ofislərini, Vətəndaşlıq vəziyyəti aktlarının reyestri xidməti və Dövlət notariat arxivini blanklar, dəftərxana və zəruri texniki ləvazimatlar, mebel, digər avadanlıq və sair lazımi vasitələrlə təmin edir, onların uçotunu aparır, müəyyən hesabatlar tərtib edir;

5.19.2. baş idarənin yerləşdiyi inzibati binada yanğın təhlükəsizliyini təmin edir, həmçinin Dövlət notariat arxivi, Vətəndaşlıq vəziyyəti aktlarının reyestri xidməti, qeydiyyat şöbələri və notariat ofislərində yanğın təhlükəsizliyinin təminatı məsələləri mütəmadi öyrənməklə mövcud vəziyyət haqqında Baş idarə rəisini məlumatlandırır, aşkar edilmiş çatışmazlıqların aradan qaladırılmasına dair təkliflər verir;

5.19.3. Baş idarənin inzibati binası və xidməti otaqlarının müəyyən edilmiş texnikisanitar vəziyyətdə saxlanılmasını təşkil edir, pandemiya vaxtı sanitar-gigiyena tələblərinə uyğun bina və xidməti otaqların dezinfeksiya tədibirlərini təşkil edir;

5.19.4. isitmə, su təchizatı, kanalizasiya sistemlərinin vaxtında təmirini, inzibati binada olan əmlakın və avadanlığın mühafizəsini və işlək vəziyyətdə saxlanılmasını təmin edir;

5.19.5. Baş idarənin abunəçi olduğu mətbu nəşrlərin vaxtında əldə edilməsi və aidiyyət üzrə çatdırılmasını təmin edir;

5.19.6. təsərrüfat fəaliyyəti üzrə statistik məlumatları toplayır və baş idarə rəisinə təqdim edir;

5.19.7. işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.19.8. xidməti fəaliyyətlə bağlı Baş idarənin rəhbərliyinin tapşırıqlarını yerinə yetirir. Azərbaycan Respublikası Ədliyyə Nazirliyinin Kollegiyasının 27.12.2023-cü il tarixli 20-N nömrəli qərarı ilə təsdiq edilmişdir Əlavə 3 Azərbaycan Respublikası Ədliyyə Nazirliyinin İnsan resursları baş idarəsi haqqında ƏSASNAMƏ

1. Ümumi müddəalar

1.1. Azərbaycan Respublikası Ədliyyə Nazirliyinin İnsan resursları baş idarəsi (bundan sonra — Baş idarə) Azərbaycan Respublikası Ədliyyə Nazirliyinin aparatının müstəqil struktur qurumudur.

1.2. Baş idarə öz fəaliyyətində Azərbaycan Respublikasının Konstitusiyasını, Azərbaycan Respublikasının tərəfdar çıxdığı beynəlxalq müqavilələri, Azərbaycan Respublikasının Əmək Məcəlləsini, "Ədliyyə orqanlarında qulluq keçmə haqqında", "Dövlət qulluğu haqqında", "Məhkəmələr və hakimlər haqqında" və "Əmək pensiyaları haqqında" Azərbaycan Respublikasının qanunlarını, Azərbaycan Respublikası Prezidentinin 2006-cı il 18 aprel tarixli 391 nömrəli Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"ni, Azərbaycan Respublikası Nazirlər Kabinetinin 2022-ci il 21 dekabr tarixli 447 nömrəli qərarı ilə təsdiq edilmiş "Dövlət orqanlarının kadr siyasəti və insan resurslarının idarə edilməsi sahəsində illik iş planlarının və həmin planlara əsasən illik hesabatların tərtib edilməsi Qaydası"nı, Azərbaycan Respublikasının digər normativ hüquqi aktlarını, həmçinin Azərbaycan Respublikası Ədliyyə Nazirliyi (bundan sonra — Nazirlik) kollegiyasının qərarlarını, Nazirlik üzrə əmr və sərəncamları, habelə bu Əsasnaməni rəhbər tutur.

1.3. Baş idarə fəaliyyətini Nazirliyin sisteminə daxil olan qurumlarla və səlahiyyətləri daxilində digər dövlət orqanları və təşkilatları ilə əlaqəli həyata keçirir.

1.4. Baş idarə müvafiq möhür və ştamplara malikdir.

2. Baş idarənin fəaliyyət istiqamətləri

2.1. Baş idarənin fəaliyyət istiqamətləri aşağıdakılardır:

2.1.1. Nazirliyin sistemində insan resurslarının idarə olunması sahəsində siyasətin formalaşdırılmasında və həyata keçirilməsində iştirak edir;

2.1.2. ədliyyə orqanlarına işə qəbul, işçilərin qulluq keçməsi və bundan irəli gələn digər işləri təşkil edir;

2.1.3. Nazirliyin sisteminə daxil olan qurumlarda insan resurslarının idarə edilməsi işinin təmininə nəzarəti həyata keçirir;

2.1.4. ştatların hərəkətinə dair təkliflər verir;

2.1.5. qanunvericiliklə müəyyən edilmiş digər istiqamətlərdə fəaliyyət göstərir.

3. Baş idarənin vəzifələri

3.1. Baş idarə bu Əsasnamə ilə müəyyən edilmiş fəaliyyət istiqamətlərinə uyğun olaraq aşağıdakı vəzifələri yerinə yetirir:

3.1.1. Nazirliyin aparatının və strukturuna daxil olan qurumların kadr siyasətinin formalaşdırılması üçün zəruri təkliflər vermək və həmin siyasətin həyata keçirilməsində iştirak etmək;

3.1.2. Azərbaycan Respublikası Prezidentinin 2007-ci il 13 dekabr tarixli 673 nömrəli Fərmanı ilə təsdiq edilmiş "Ədliyyə orqanlarına qulluğa qəbul olunmaq üçün namizədlərlə müsabiqənin və müsahibənin keçirilməsi qaydaları haqqında Əsasnamə" və Nazirliyin Kollegiyasının 2011-ci il 12 avqust tarixli 1-N nömrəli qərarı ilə təsdiq edilmiş "Ədliyyə orqanlarına qulluğa qəbul olunmaq üçün namizədlərlə müsabiqənin və müsahibənin keçirilməsi Qaydaları"na əsasən yaradılmış ədliyyə orqanlarına qulluğa qəbul üzrə nazirliyin Müsabiqə Komissiyasının aşkarlıq şəraitində şəffaf üsullarla müsabiqələr və müsahibələr keçirməsindən, o cümlədən ali hüquq təhsili tələb olunmayan vəzifələrə namizədlərin seçimindən irəli gələn işləri təşkil etmək;

3.1.3. ilk dəfə ədliyyə orqanlarına qulluğa qəbulla bağlı müsabiqə və müsahibə zamanı müvəffəqiyyət əldə etmiş namizədlərin Nazirliyin Ədliyyə Akademiyasında icbari təliminin təşkili ilə bağlı aidiyyəti işləri yerinə yetirmək;

3.1.4. müsabiqə və müsahibə zamanı müvəffəqiyyət əldə etmiş, lakin vakant vəzifəyə təyin olunmamış namizədlərin insan resurslarının ehtiyatı siyahısına daxil edilməsi, onların, habelə ştatların ixtisarı ilə əlaqədar vəzifədən azad edilmiş işçilərin vəzifələrə təyin olunmasına dair təkliflər vermək;

3.1.5. ədliyyə orqanlarına ilk dəfə qulluğa qəbul olunmuş işçilərin andiçmə mərasimini təşkil etmək;

3.1.6. ədliyyə orqanlarına ilk dəfə qulluğa qəbul olunmuş işçilərin müəyyən edilmiş qaydada stajorluq və sınaq keçmələri işini təşkil etmək, bu işin vəziyyətini mütəmadi öyrənmək və təkliflər vermək;

3.1.7. işçilərin vəzifələrdə istifadə olunması, ştat vahidlərinin işçilərlə komplektləşdirilməsi, həmçinin onların yerdəyişməsi, vəzifədən azad edilməsi, işdən kənarlaşdırılması və əmək münasibətlərinin xitamına dair təkliflər vermək;

3.1.8. dövlət qulluğunda yardımçı vəzifələrin və dövlət qulluğu hesab edilməyən vəzifələrin tutulması üçün dövlət qulluğu və əmək qanunvericiliyi ilə müəyyən edilmiş qaydada tədbirlər görmək;

3.1.9. aidiyyəti qurumların təkliflərini öyrənməklə rotasiya tətbiq ediləcək vəzifələri müəyyən etmək və işçilərin rotasiyasının planlı şəkildə həyata keçirilməsi işini təşkil etmək;

3.1.10. rəhbər vəzifələrin tutulması üçün ehtiyat kadrların formalaşdırılması işini təşkil etmək;

3.1.11. Nazirliyin baş idarələrinin və idarələrinin rəisləri vəzifəsinə namizədlərin Azərbaycan Respublikasının Prezidenti ilə razılaşdırılmasından irəli gələn işləri görmək;

3.1.12. işçilərin attestasiyasını təşkil etmək, nəticələrini təhlil etmək və təkliflər vermək;

3.1.13. dövlət qulluqçusunun xidməti fəaliyyətinin qiymətləndirilməsinin təşkili və karyera inkişaf planının hazırlanması ilə bağlı vəzifələri icra etmək;

3.1.14. ədliyyə orqanlarında ştat vahidlərindən səmərəli istifadə olunması məqsədilə ştatların hərəkətinə dair Nazirliyin sisteminə daxil olan aidiyyəti qurumların rəylərini öyrənmək və təkliflər vermək;

3.1.15. komissiyalarda və işçi qruplarda Nazirliyi təmsil edəcək nümayəndələr barədə təkliflər vermək;

3.1.16. Nazirliyin kollegiyasına baxılmaq üçün çıxarılan kadr məsələlərinə dair materiallar hazırlamaq və təqdim etmək;

3.1.17. ədliyyə orqanlarında insan kapitalının inkişafı və insan potensialının artırılması sahəsində proqnozlar hazırlamaq və tədbirlər həyata keçirtmək;

3.1.18. Nazirliyin sisteminə daxil olan qurumlarda insan resursları ilə işin vəziyyətini yoxlamaq, həmin qurumlarda qulluq keçmə və əmək qanunvericiliyinin icra vəziyyətini öyrənmək, aşkar edilmiş çatışmazlıqların aradan qaldırılması barədə təkliflər hazırlamaq;

3.1.19. işçilərin seçilib yerləşdirilməsi, onlara xüsusirütbələrin, ixtisas dərəcələrinin, o cümlədən məhkəmə eksperti ixtisas dərəcələrinin verilməsi, vakant vəzifələrin icrasının digər işçiyə həvalə edilməsi, işçilərin xidməti fəaliyyətinin stimullaşdırılması, həvəsləndirilməsi, intizam tənbeh tədbirlərinin tətbiq edilməsi və digər kadr məsələləri barədə Nazirliyin rəhbərliyinə arayışlar təqdim etmək, müvafiq əmr və sərəncam layihələri hazırlamaq;

3.1.20. ədliyyə orqanlarının strukturu üzrə işçilərin ştat sayının və vakant ştat vahidlərinin uçotunu aparmaq;

3.1.21. işçilərin təlimə olan ehtiyacının müəyyən edilməsi və onların peşə və ixtisas üzrə biliklərinin artırılması məqsədilə təlimlərə göndərilməsini və əlavə təhsil almasını təşkil etmək, bu məqsədlə ədliyyə orqanlarının tədris müəssisələrinin imkanlarından, habelə ixtisasartırma kurslarından, məşğələlərdən, seminarlardan, konfranslardan, xarici dövlətlərin və beynəlxalq təşkilatların müvafiq tədris sistemindən istifadə edilməsi barədə təkliflər vermək;

3.1.22. Məhkəmə-Hüquq Şurası ilə birgə birinci instansiya məhkəmələrinin hakimlərinin:

3.1.22.1. məzuniyyətdən istifadə məsələləri və xidməti ezamiyyələri ilə bağlı işləri aparmaq;

3.1.22.2. hakimlik stajını hesablamaq;

3.1.22.3. şəxsi işlərin hazırlanmasını, əmək kitabçalarının doldurulmasını, onların qeydiyyatının aparılmasını və saxlanılmasını, habelə onlarda olan məlumatların yayılmamasını təmin etmək, xidməti vəsiqələri hazırlamaq və qeydiyyatını aparmaq;

3.1.22.4. peşə hazırlığının artırılması, habelə sədr və sədr müavini öz vəzifələrini yerinə yetirə bilmədikdə və ya bu vəzifələr vakant olduqda onların vəzifələrinin icrasını müvəqqəti olaraq həmin məhkəmənin hakimlərindən birinə, hakim öz vəzifələrini yerinə yetirə bilmədikdə və ya vəzifə vakant olduqda həmin vəzifənin icrasının müvəqqəti olaraq digər müvafiq məhkəmənin hakimlərindən birinə həvalə edilməsi ilə bağlı rəsmiləşdirməni həyata keçirmək.

3.1.23. insan resursları ilə işin istiqamətləri ilə bağlı statistik hesabatları aparmaq;

3.1.24. Nazirliyin sisteminə daxil olan qurumlarda çalışan işçilərin müvafiq sahələr üzrə aparatın struktur bölmələrində təcrübə keçmələrini təşkil etmək;

3.1.25. işçilərin əmək intizamına və etik davranış qaydalarına əməl etməsinə nəzarət etmək və bundan irəli gələn müraciətlərə baxmaq;

3.1.26. işçilərin kadr məsələlərinə dair müraciətlərinə baxmaq;

3.1.27. ədliyyə işçilərinin vahid məlumat bazasını (reyestrini) aparmaq və mütərəqqi proqram təminatı tətbiq etməklə rəqəmsallaşdırılmasını təmin edərək onu daim yeniləmək;

3.1.28. ədliyyə işçilərinin vahid məlumat bazasından (reyestrindən) insan resursları ilə işə dair müxtəlif hesabatların əldə olunmasını təmin etmək;

3.1.29. aidiyyəti işçilərin məzuniyyətə buraxılması məsələləri və ezamiyyətə göndərilməsi ilə bağlı işləri aparmaq;

3.1.30. aidiyyəti işçilərin şəxsi işlərinin hazırlanmasını, əmək kitabçalarının doldurulmasını, arxiv işlərinin, həmçinin digər kadr sənədlərinin qeydiyyatının aparılmasını, saxlanılmasını və onlarda olan məlumatların yayılmamasını təmin etmək;

3.1.31. Nazirliyin ədliyyə orqanlarına qulluğa qəbul üzrə müsabiqə, attestasiya, ixtisas, "Əmək veteranı", "Müharibə veteranı", "Silahlı qüvvələr veteranı" adlarının və vəsiqələrin verilməsi, ədliyyə işçilərinin qulluq stajının hesablanması və qulluq keçmə məsələləri ilə bağlı digər komissiyalarının fəaliyyətindən irəli gələn işləri aparmaq;

3.1.32. dövlət sirri ilə işləməyə buraxılışın rəsmiləşdirilməsi (yenidən rəsmiləşdirilməsi) üçün, habelə səfərbərlik hazırlığı ilə bağlı Nazirliyin aidiyyəti qurumu ilə birlikdə lazımi işləri aparmaq;

3.1.33. notarius vəzifəsinə qəbulun həyata keçirilməsində iştirak etmək və rəsmiləşdirilməsi ilə bağlı işləri yerinə yetirmək;

3.1.34. Nazirlik üzrə insan resursları ilə işə dair əmr və sərəncamların qeydiyyatını həyata keçirmək, onların saxlanmasını təmin etmək və icrası ilə bağlı aidiyyəti tədbirləri görmək;

3.1.35. ədliyyə orqanlarına qulluğa qəbul edilən, başqa vəzifəyə keçirilən, habelə qulluq keçməsinə xitam verilən işçi barədə məlumatı "Elektron sənəd dövriyyəsi" informasiya sisteminə daxil edilməsi üçün müəyyən olunmuş müddətdə nazirliyin aidiyyəti qurumuna təqdim etmək;

3.1.36. işçilər üçün xidməti vəsiqələrin və buraxılış vərəqələrinin hazırlanmasını təmin etmək və qeydiyyatını aparmaq;

3.1.37. işçilərin maddi və sosial müdafiəsinin möhkəmləndirilməsinə yönəlmiş tədbirlər barədə təkliflər vermək;

3.1.38. xidməti-tətbiqi idman növlərinin inkişafı proqramları, bədən tərbiyəsi və idman tədbirlərinin təqvim planları və işçilərin asudə vaxtlarının səmərəli təşkili ilə bağlı təkliflər vermək;

3.1.39. ədliyyə orqanları üzrə pensiyaya çıxmış veteranlara, müharibə iştirakçılarına və şəhid ailələrinə qayğı göstərilməsindən irəli gələn, o cümlədən müraciətlərinin həlli ilə bağlı işləri təşkil etmək;

3.1.40. qanunvericiliyə uyğun olaraq müharibə veteranı statusu almış şəxslərə dair məlumatları Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin "Zəfər" altsisteminə daxil etmək;

3.1.41. ali təhsil müəssisələrinin tələbələrinin ədliyyə orqanlarında və məhkəmələrdə istehsalat təcrübəsi keçmələri işini təşkil etmək;

3.1.42. ədliyyə orqanlarında könüllülük institutunun tətbiqi və onun təşviqi ilə bağlı aidiyyəti işləri yerinə yetirmək;

3.1.43. işçilərə müraciətləri əsasında kadr məsələləri ilə bağlı arayışlar vermək;

3.1.44. epidemiya, yoluxucu xəstəliklər və fövqəladə hallar zamanı insan resurslarının xüsusi göstəriş və qaydalara uyğun olaraq idarə olunmasını təşkil etmək;

3.1.45. əmək müqavilələrinin layihəsini hazırlamaq və rəsmiləşdirildikdən sonra müvafiq qaydada Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin "Əmək müqaviləsi bildirişi" və "Məşğulluq" altsistemlərində qeydiyyatdan keçirilməsini təmin etmək;

3.1.46. ədliyyə orqanlarında qulluq keçən dövlət qulluqçuları barədə müvafiq məlumatların Azərbaycan Respublikasının Dövlət Qulluqçuları Reyestrinə daxil edilməsini Azərbaycan Respublikası Prezidentinin 2006-cı il 21 iyun tarixli 420 nömrəli Fərmanı ilə təsdiq edilmiş "Azərbaycan Respublikasının Dövlət Qulluqçuları Reyestrinin aparılması Qaydaları"na uyğun olaraq təmin etmək;

3.1.47. şəffaflığın və aşkarlığın təmin edilməsi məqsədilə fəaliyyəti barədə ictimaiyyəti məlumatlandırmaq, müvafiq vətəndaş cəmiyyəti institutları ilə əməkdaşlıq etmək;

3.1.48. fəaliyyət istiqamətləri üzrə, qanunvericiliklə nəzərdə tutulmuş, həmçinin Nazirliyin rəhbərliyinin tapşırıqları əsasında digər vəzifələri yerinə yetirmək.

4. Baş idarənin hüquqları

4.1. Baş idarə öz vəzifələrini həyata keçirmək üçün aşağıdakı hüquqlara malikdir:

4.1.1. Nazirliyin sisteminə daxil olan qurumlara sorğular vermək və onlardan məlumatlar almaq;

4.1.2. dövlət orqanları və qurumlarından, habelə təşkilatlardan müvafiq zəruri məlumat və sənədləri almaq;

4.1.3. Nazirliyin strukturuna daxil olan qurumlarda fəaliyyət göstərən qulluğa qəbul üzrə müsabiqə komissiyalarının qərarlarına Nazirlik tərəfindən yenidən baxılmasına dair təkliflər vermək;

4.1.4. insan resurslarının idarə olunmasına dair təkliflər vermək, təhlillər və ümumiləşdirmələr aparmaq;

4.1.5. ədliyyə sahəsində mütəxəssislərin hazırlanmasına dair təkliflər vermək;

4.1.6. ədliyyə orqanlarının strukturunun təkmilləşdirilməsi ilə bağlı təkliflər vermək;

4.1.7. vəzifəyə təqdim edilən, o cümlədən yardımçı vəzifəyə işə qəbul, vəzifədə irəli çəkilmə, rotasiya qaydasında iş yerinin dəyişdirilməsi ilə bağlı namizədin şəxsi keyfiyyətlərini və peşəkarlıq səviyyəsini yoxlamaq və rəy təqdim etmək;

4.1.8. Ədliyyə Akademiyasına ali təhsil tələb edən vəzifələrin komplektləşdirilməsi ilə əlaqədar əməli köməklik göstərmək;

4.1.9. Nazirliyin sisteminə daxil olan qurumlara insan resurslarının idarə edilməsi sahəsində əməli və metodik köməklik göstərmək, həmin qurumlarda insan resursları ilə işin vəziyyətini yoxlamaq, qulluq keçmə ilə bağlı və əmək qanunvericiliyinin icra vəziyyətini öyrənmək, aşkar edilmiş pozuntuların aradan qaldırılması və onların təkrarlanmaması üçün preventiv tədbirlərin görülməsi ilə bağlı Nazirliyin rəhbərliyinə təkliflər vermək;

4.1.10. ədliyyə orqanlarında etik davranış qaydalarına riayət olunması vəziyyətini yoxlamaq;

4.1.11. struktur qurumlarda işçilərin nəzəri biliklərinin və peşə hazırlığının artırılması üçün tədbirlər görülməsi işinin vəziyyətinin monitorinqini aparmaq;

4.1.12. hər ilin sonunda növbəti il üçün işçilərin nəzəri və peşə hazırlığının artırılmasına dair ehtiyacları müəyyən etmək məqsədilə Nazirliyin aparatının struktur bölmələrinə və müvafiq struktur qurumlarına sorğular göndərməklə onların rəyi əsasında, habelə dövlət proqramları, kollegiya qərarları və əmrlərlə verilmiş tapşırıqları təhlil etməklə təkliflər hazırlayaraq müvafiq siyahıları və mövzuları Nazirliyin Ədliyyə Akademiyasına təqdim etmək;

4.1.13. kadr məsələlərinin həlli ilə bağlı müəyyən olunmuş səlahiyyətlərin aidiyyəti vəzifəli şəxslər tərəfindən dürüst həyata keçirilməsinə nəzarət etmək və aşkar olunmuş pozuntuların aradan qaldırılması üzrə Nazirliyin rəhbərliyinə müvafiq təkliflər vermək;

4.1.14. aidiyyəti işçilərin anket məlumatlarını yeniləmək, işçi barəsində məlumatlarda və sənədlərdə hər hansı bir dəyişiklik baş verdikdə, 10 iş günü müddətində həmin məlumatların Baş idarəyə təqdim olunmasını tələb etmək və dəyişiklikləri şəxsi işə əlavə etmək;

4.1.15. xidməti vəsiqənin (buraxılış vərəqəsinin) üzürlü səbəb olmadan vaxtında dəyişdirilməməsi, həmçinin itirilməsi, yararsız hala salınması və ya ondan sui-istifadə olunması hallarını araşdırmaq və nəticəsi üzrə zəruri tədbirlər görmək;

4.1.16. fəaliyyət istiqamətləri üzrə normativ hüquqi akt layihələrini hazırlamaq, o cümlədən onlara dair təkliflər vermək;

4.1.17. Azərbaycan Respublikasının və xarici dövlətlərin xüsusi təyinatlı təhsil müəssisələrində mütəxəssislərin hazırlanması üzrə təkliflər vermək;

4.1.18. tələbələrin ədliyyə orqanlarında və məhkəmələrdə istehsalat təcrübəsi keçmələrinə dair müvafiq ali təhsil müəssisələri ilə müqavilələr bağlanmasına dair təkliflər vermək;

4.1.19. zərurət olarsa müvafiq sahələr üzrə ixtisaslaşmış mütəxəssisləri öz fəaliyyətinə cəlb etmək;

4.1.20. Baş idarənin fəaliyyət istiqamətlərinə uyğun olaraq həyata keçirilən işin təkmilləşdirilməsinə dair təkliflər vermək;

4.1.21. vəzifələrinin icrası ilə əlaqədar digər hüquqları həyata keçirmək.

5. Baş idarənin fəaliyyətinin təşkili

5.1. Baş idarə işini fəaliyyət istiqamətləri, habelə Nazirliyin və Baş idarənin iş planları əsasında həyata keçirir.

5.2. Baş idarənin strukturu və ştat vahidlərinin sayı Azərbaycan Respublikasının ədliyyə naziri tərəfindən təsdiq olunur.

5.3. Baş idarəyə Azərbaycan Respublikasının ədliyyə naziri tərəfindən Azərbaycan Respublikasının Prezidenti ilə razılaşdırmaqla vəzifəyə təyin və vəzifədən azad edilən rəis rəhbərlik edir. Rəis Baş idarəyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır.

5.4. Baş idarədə işin təşkili və vəziyyəti, iş planlarında nəzərdə tutulmuş tədbirlərin yerinə yetirilməsi, qarşıda duran vəzifələrin həyata keçirilməsi ilə əlaqədar məsələlər mütəmadi olaraq Baş idarə rəisinin yanında keçirilən iclaslarda müzakirə edilir.

5.5. Baş idarənin rəisi:

5.5.1. Baş idarəni təmsil edir;

5.5.2. Baş idarənin işini təşkil edir və onun fəaliyyətinə rəhbərliyi həyata keçirir;

5.5.3. Baş idarənin işçiləri arasında vəzifə və iş bölgüsü aparır;

5.5.4. Nazirliyin aparatının və strukturuna daxil olan qurumların kadr siyasətinin formalaşdırılması üzrə təkliflər verir və həmin siyasətin həyata keçirilməsində iştirak edir;

5.5.5. insan resurslarının idarə edilməsi üzrə məsələlərə dair təkliflər verir;

5.5.6. Baş idarənin işçiləri tərəfindən vəzifələrinin yerinə yetirilməsinə, icra və əmək intizamına riayət olunmasına nəzarət edir;

5.5.7. kadr məsələlərinə dair Nazirlik üzrə əmr və sərəncamların, kollegiya qərarlarının və Nazirliyin iş planının icrasını təmin edir, nəzərdə tutulmuş aidiyyəti tədbirləri yerinə yetirir;

5.5.8. rəhbər vəzifələrin tutulması üçün ehtiyat kadrların formalaşdırılması işinin aparılmasını təmin edir;

5.5.9. ədliyyə orqanlarına qulluğa qəbul üzrə nazirliyin Müsabiqə Komissiyasının aşkarlıq şəraitində şəffaf üsullarla müsabiqələr və müsahibələr keçirməsindən, o cümlədən ali hüquq təhsili tələb olunmayan vəzifələrə namizədlərin seçimindən irəli gələn işləri təşkil edir;

5.5.10. tabe qurumların müsabiqə komissiyalarının tərkibinə Baş idarə əməkdaşının namizədliyinə dair təkliflər verir və onların həmin komissiyaların işində iştirakını təmin edir, habelə ədliyyə nazirinin və Nazirliyin Müsabiqə Komissiyasının tapşırığı ilə həmin qurumların müsabiqə komissiyalarının iclaslarında iştirak edir;

5.5.11. müvafiq hesabatları, habelə Baş idarənin iş planını təsdiq edir, onun vaxtında və keyfiyyətli icrasına nəzarəti həyata keçirir, səlahiyyətlərinə aid edilmiş məsələlər üzrə yoxlamaların keçirilməsi planını təsdiq olunmaq üçün Nazirliyin rəhbərliyinə təqdim edir;

5.5.12. insan resursları ilə aparılan işlə bağlı Nazirliyin rəhbərliyinə hesabatlar təqdim edir;

5.5.13. Baş idarədə kargüzarlıq işini təşkil edir;

5.5.14. "Elektron sənəd dövriyyəsi" informasiya sistemi vasitəsilə daxil olan sənədlərin və müraciətlərin əməkdaşlar arasında bölünməsini təmin edir;

5.5.15. Baş idarənin fəaliyyəti ilə bağlı məsələlərin Nazirliyin kollegiyasının müzakirəsinə çıxarılması üçün təşəbbüs göstərir, bu məsələlərin kollegiyanın iclaslarına hazırlanmasını təmin edir;

5.5.16. komissiyalarda və işçi qruplarda Nazirliyi təmsil edəcək nümayəndələr barədə təkliflər verir;

5.5.17. aidiyyəti qurumların təkliflərini öyrənməklə işçilərin rotasiyasının planlı şəkildə həyata keçirilməsi işini təşkil edir;

5.5.18. Baş idarənin fəaliyyətinin təkmilləşdirilməsi sahəsində tədbirlər görür, bu barədə Nazirliyin rəhbərliyinə təkliflər verir;

5.5.19. böyük həcmli tapşırıqların icrasını vaxtında təmin etmək üçün onların icrasını bir neçə əməkdaşa həvalə edir və ya bir əməkdaşın icrasından digər əməkdaşın icrasına verir;

5.5.20. Nazirliyin sisteminə daxil olan qurumlarda insan resursları ilə aparılan işin vəziyyətinin mütəmadi olaraq öyrənilməsini, onlara əməli və metodik köməklik göstərilməsini təmin edir, nəticələr üzrə təkliflər verir;

5.5.21. Nazirliyin sisteminə daxil olan aidiyyəti qurumlarla birlikdə işçilərin peşəkarlıq səviyyəsinin yüksəldilməsi üçün tədbirlər görür;

5.5.22. stajorluq və sınaq keçmə işinə nəzarəti həyata keçirir;

5.5.23. Baş idarəyə işə yeni qəbul edilmiş şəxsləri təcrübəli əməkdaşlara təhkim edir və onların işinə bilavasitə nəzarət edir;

5.5.24. Nazirliyin sisteminə daxil olan qurumların işçilərinin müvafiq sahələr üzrə aparatın struktur bölmələrində təcrübə keçməsini təşkil edir;

5.5.25. Baş idarədə işçilərin vəzifəyə təyin və vəzifədən azad edilməsi, həvəsləndirilməsi, onlara xüsusi rütbə və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı Nazirliyin rəhbərliyinə təkliflər verir;

5.5.26. Baş idarə işçilərinin attestasiyadan keçməsi ilə bağlı nazirliyin Attestasiya Komissiyasına xasiyyətnamələr təqdim edir;

5.5.27. vətəndaşları qəbul edir;

5.5.28. Baş idarənin səlahiyyətlərinə aid məsələlər üzrə müşavirələr keçirir;

5.5.29. Baş idarənin fəaliyyətini Nazirliyin sisteminə daxil olan qurumlarla əlaqələndirir;

5.5.30. Baş idarənin strukturuna daxil olan qurumların fəaliyyətini əlaqələndirir;

5.5.31. Nazirliyin rəhbərliyinin tapşırığına əsasən ştatdankənar işçilərlə əmək haqqı vəsaiti hesabına müddətli əmək müqavilələrini bağlayır;

5.5.32. səlahiyyətlərinin bir hissəsinin həyata keçirilməsini müavininə tapşırır;

5.5.33. xidməti fəaliyyətlə bağlı Nazirliyin rəhbərliyinin tapşırıqlarını yerinə yetirir;

5.5.34. səlahiyyətləri daxilində digər məsələləri həll edir.

5.6. Baş idarə rəisinin Azərbaycan Respublikasının ədliyyə naziri tərəfindən vəzifəyə təyin və vəzifədən azad edilən müavini vardır. Baş idarənin rəis müavini ona həvalə edilmiş vəzifələri yerinə yetirir və bunun üçün şəxsən məsuliyyət daşıyır.

5.7. Baş idarənin rəis müavini və əməkdaşları öz funksiyalarını vəzifə və iş bölgüsünə əsasən yerinə yetirirlər.

5.8. Baş idarənin rəis müavini:

5.8.1. insan resursları ilə bağlı aparılan işlərə dair Nazirlik üzrə mühüm əmr və sərəncamların, hesabat və metodik tövsiyələrin layihələrini hazırlayır;

5.8.2. işçilərin fəaliyyətinin qiymətləndirilməsi meyarlarının nəticələrini təhlil edir və təkliflər verir;

5.8.3. andiçmə, stajorluq və sınaq keçmə işlərini təşkil edir;

5.8.4. işçilərin müsbət iş təcrübəsinin yayılması üçün təkliflər verir;

5.8.5. ştat vahidlərinin komplektləşdirilməsi, onlardan səmərəli istifadə ilə bağlı Baş idarə rəisinə təkliflər verir;

5.8.6. rəhbər vəzifələrin tutulması üçün ehtiyat kadrların formalaşdırılması işini aparır;

5.8.7. Baş idarədə şəxsi işlərin aparılması, əmr və sərəncamların qeydiyyatı, mövcud nomenklatur üzrə sənədlərin toplanması və kargüzarlıqdan irəli gələn digər işlərin icrasını təmin edir;

5.8.8. Baş idarənin fəaliyyəti ilə bağlı məsələləri Nazirliyin kollegiyasının müzakirəsinə hazırlayır;

5.8.9. Baş idarənin iş planının layihəsini hazırlayır;

5.8.10. Baş idarənin əməkdaşlarını cəlb etməklə ümumiləşdirmələr aparır, statistik və digər hesabatları, arayışları hazırlayır və Baş idarənin rəisinə təqdim edir;

5.8.11. ona tapşırılmış sahədə işin düzgün təşkil və icra edilməsini təmin edir;

5.8.12. Baş idarənin fəaliyyətinin təkmilləşdirilməsi üzrə Baş idarə rəisinə təkliflər verir;

5.8.13. Baş idarənin rəisi vəzifələrini icra edə bilmədikdə onun vəzifələrini yerinə yetirir;

5.8.14. peşə hazırlığının artırılması məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsi üçün öz üzərində çalışır;

5.8.15. xidməti fəaliyyətlə bağlı Nazirliyin rəhbərliyinin və Baş idarə rəisinin digər tapşırıqlarını yerinə yetirir.

5.9. Baş idarənin strukturuna daxil olan idarələrin (şöbələrin) rəisləri:

5.9.1. idarənin (şöbənin) işini təşkil edir və fəaliyyətinə rəhbərliyi həyata keçirir, idarənin (şöbənin) vəzifələrinin vaxtında və düzgün icra edilməsinə görə şəxsən məsuliyyət daşıyır;

5.9.2. idarədə (şöbədə) işçilərin fəaliyyətini istiqamətləndirir, onlara həvalə edilən vəzifələrin yerinə yetirilməsini təmin edir;

5.9.3. idarənin (şöbənin) fəaliyyətinin Baş idarənin digər struktur qurumları ilə əlaqəli həyata keçirilməsini təmin edir;

5.9.4. Nazirliyin kollegiyasının qərarlarında, Nazirlik üzrə əmr və sərəncamlarda, habelə iş planlarında nəzərdə tutulmuş aidiyyəti tədbirlərin yerinə yetirilməsini səlahiyyətləri daxilində təmin edir;

5.9.5. idarənin (şöbənin) fəaliyyəti ilə bağlı məsələlərin Nazirliyin kollegiyasının müzakirəsinə çıxarılması barədə Baş idarənin rəisinə təkliflər verir, aidiyyəti məsələləri Nazirliyin kollegiyasının müzakirəsinə hazırlayır;

5.9.6. idarənin (şöbənin) fəaliyyətinə dair hesabatları hazırlayır və Baş idarənin rəisinə təqdim edir;

5.9.7. idarəyə (şöbəyə) yeni təyin olunmuş işçiləri təcrübəli əməkdaşlara təhkim edir və onların işinə bilavasitə nəzarət edir;

5.9.8. idarənin (şöbənin) işçilərinin vəzifə bölgüsünə dair Baş idarənin rəisinə təkliflər təqdim edir;

5.9.9. idarədə (şöbədə) işçilərin həvəsləndirilməsi, onlara xüsusi rütbələrin verilməsi, intizam tənbehlərinin tətbiq olunması, habelə işçilərin vəzifədən kənarlaşdırılması ilə bağlı Baş idarənin rəisinə təkliflər verir;

5.9.10. idarənin (şöbənin) işçilərinin attestasiyadan keçməsi ilə bağlı xasiyyətnamə layihələri hazırlayaraq Baş idarə rəisinə təqdim edir;

5.9.11. idarənin (şöbənin) fəaliyyətinin təkmilləşdirilməsi sahəsində tədbirlər görür, bu barədə Baş idarənin rəisinə təkliflər verir;

5.9.12. səlahiyyəti daxilində digər məsələləri həll edir;

5.9.13. peşə hazırlığının artırılması məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsi üçün öz üzərində çalışır;

5.9.14. xidməti fəaliyyətlə bağlı Nazirliyin və Baş idarənin rəhbərliyinin tapşırıqlarını yerinə yetirir.

5.10. Qrup rəhbəri, baş məsləhətçi, böyük məsləhətçi, aparıcı məsləhətçi və məsləhətçi bu Əsasnamədə nəzərdə tutulan aidiyyəti vəzifələrdən irəli gələrək aşağıdakıları həyata keçirir:

5.10.1. vəzifə bölgüsünə uyğun olaraq aidiyyəti işlərin icrasında iştirak edir;

5.10.2. icraatına daxil olmuş sənədlərə, müraciətlərə baxır və təkliflər verir;

5.10.3. Baş idarə rəhbərliyinin tapşırığına əsasən vətəndaşları qəbul edir, onlara izahlar verir;

5.10.4. ədliyyə orqanlarının strukturu üzrə işçilərin ştat sayının, onların hərəkətinin və vakant ştat vahidlərinin uçotunu aparır;

5.10.5. mütəmadi təhlillər aparmaqla ədliyyə orqanlarında insan resurslarına olan ehtiyacı öyrənir və proqnozlara uyğun olaraq müsabiqə və müsahibələrin keçirilməsi zərurəti ilə bağlı aidiyyəti üzrə təqdim edilməsi üçün təkliflər hazırlayır;

5.10.6. təhlillər və ümumiləşdirmələr əsasında digər vakant ştat vahidlərinin komplektləşdirilməsi üçün təkliflər verir;

5.10.7. müsabiqə və müsahibə zamanı müvəffəqiyyət əldə etmiş, habelə digər namizədlərin təyinatına dair Baş idarə rəisinə təkliflər təqdim edir;

5.10.8. ədliyyə orqanlarına ilk dəfə qulluğa qəbul olunmuş işçilərin andiçmə mərasiminin təşkili ilə bağlı işləri aparır;

5.10.9. ədliyyə sahəsində insan resurslarının hazırlığını təmin etmək məqsədilə işçilərin müvafiq təlim və tədris tədbirlərinə cəlb olunması barədə təkliflər hazırlayır;

5.10.10. birinci instansiya məhkəmələrinin hakimlərinin tədrisə cəlb edilməsi ilə bağlı aidiyyəti qurumlara köməklik göstərir;

5.10.11. dövlət qulluqçusunun xidməti fəaliyyətinin qiymətləndirilməsinin təşkili ilə bağlı vəzifələri icra edir, qiymətləndirilmənin nəticəsi üzrə təlim və tədris tədbirlərinin təşkilini təmin edir;

5.10.12. ali təhsil müəssisələrinin tələbələrinin ədliyyə orqanlarında və məhkəmələrdə istehsalat təcrübəsi keçmələrini təşkil edir;

5.10.13. müəyyən edilmiş səlahiyyətlər çərçivəsində Nazirliyin aparatı və strukturuna daxil olan aidiyyəti qurumlarda insan resursları məsələlərinə dair işləri aparır, təkliflər verir, əmr və sərəncam layihələri hazırlayır və onların dəftərxana tərəfindən aidiyyəti üzrə icra olunmasına nəzarət edir;

5.10.14. Nazirliyin strukturuna daxil olan qurumların müsabiqə komissiyalarının iclaslarında iştirak edir və təkliflər verir;

5.10.15. Nazirliyin strukturuna daxil olan qurumlarda insan resursları ilə işin təşkilinə nəzarət edilməsi ilə bağlı işləri yerinə yetirir, insan resursları ilə işin yoxlanmasında iştirak edir, aşkar edilmiş pozuntuların aradan qaldırılması ilə bağlı təkliflər hazırlayır;

5.10.16. "Ədliyyə orqanları işçilərinin etik davranış Qaydaları"na əməl olunması vəziyyətini öyrənir, həmin Qaydaların pozulmasına şərait yaradan halları təhlil edir və onların aradan qaldırılması ilə bağlı təkliflər və tövsiyələr verir, qaydaların pozulması ilə bağlı daxil olan müraciətlərə baxır, müvafiq qaydada araşdırma aparır, nəticəsi üzrə tədbirlər görür;

5.10.17. işçilərin vəzifələrdə istifadə olunması, onların yerdəyişməsi, vəzifədən azad edilməsi, işdən kənarlaşdırılması və əmək münasibətlərinə xitam verilməsi ilə bağlı təkliflər verir;

5.10.18. ədliyyə orqanlarında ştat vahidlərindən səmərəli istifadə olunması məqsədilə ştatların hərəkətinə dair Nazirliyin sisteminə daxil olan aidiyyəti qurumların rəylərini öyrənir və təkliflər verir;

5.10.19. işçilərin yerdəyişməsi, onlara xüsusi rütbələrin, ixtisas dərəcələrinin, o cümlədən məhkəmə eksperti ixtisas dərəcələrinin verilməsi, vakant vəzifələrin icrasının digər işçiyə həvalə edilməsi, işçilərin xidməti fəaliyyətinin stimullaşdırılması, həvəsləndirilməsi, intizam tənbeh tədbirlərinin tətbiq edilməsi və digər kadr məsələləri barədə Nazirliyin rəhbərliyinə arayışlar təqdim edir, müvafiq əmr və sərəncam layihələri hazırlayır;

5.10.20. insan resursları ilə işin istiqamətləri ilə bağlı statistik hesabatları hazırlayır;

5.10.21. işçilərin əmək intizamına əməl etməsinə nəzarət edir və bundan irəli gələn müraciətlərə baxır;

5.10.22. işçilərin kadr məsələlərinə dair müraciətlərinə baxır, onlara müvafiq arayışlar verir;

5.10.23. birinci instansiya məhkəmələrinin hakimlərinin və aidiyyəti işçilərin əmək kitabçalarının doldurulmasını və onların qeydiyyatını aparır;

5.10.24. aidiyyəti işçilərin və birinci instansiya məhkəmələrinin hakimlərinin məzuniyyətdən istifadə məsələləri və ezamiyyətə göndərilmələri ilə bağlı işləri aparır;

5.10.25. ədliyyə orqanlarının veteranlarına, müharibə veteranlarına və şəhid olmuş işçilərin ailələrinə qayğı göstərilməsi işini aparır, habelə onların müraciətlərinin operativ həlli sahəsində məsələləri yerinə yetirir;

5.10.26. aidiyyəti işçilərin maddi və sosial müdafiəsinin möhkəmləndirilməsinə yönəlmiş tədbirlər barədə təkliflər verir.

5.10.27. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsi üçün öz üzərində çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.10.28. xidməti fəaliyyətlə bağlı Baş idarə rəhbərliyinin digər tapşırıqlarını yerinə yetirir.

5.11. Kompüter üzrə böyük məsləhətçi və aparıcı məsləhətçi:

5.11.1. ədliyyə orqanları işçiləri haqqında və xidməti fəaliyyətlə bağlı digər informasiyalar üzrə yaradılmış vahid avtomatlaşdırılmış məlumat bazasını işlək vəziyyətdə saxlayır, məlumatların daim yenilənməsini təmin edir, proqram təminatı vasitəsilə bazadan insan resurslarının idarə olunması ilə bağlı zəruri olan təhlil və hesabatlar hazırlayır;

5.11.2. Baş idarənin rəhbərliyinin tapşırığına əsasən məlumat bazasında olan informasiyaları təsnifatlaşdıraraq onlara təqdim edir;

5.11.3. məlumat bazasının mühafizəsini təmin edir, mütəmadi olaraq həmin bazanın ehtiyat nüsxəsini yaradır;

5.11.4. məlumat bazasında işçilər barədə olan şəxsi məlumatların yayılmaması üçün tədbirlər görür;

5.11.5. xidməti vəsiqələrin hazırlanması və qeydiyyatını həyata keçirir;

5.11.6. qanunvericiliyə uyğun olaraq müharibə veteranı statusu almış şəxslərə dair məlumatları Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin "Zəfər" altsisteminə daxil edir;

5.11.7. əmək müqavilələrinin Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin "Əmək müqaviləsi bildirişi" və "Məşğulluq" altsistemlərində qeydiyyatdan keçirilməsini təmin edir;

5.11.8. ədliyyə orqanlarında dövlət qulluğu vəzifələrində çalışan işçilər barədə məlumatların Azərbaycan Respublikasının Dövlət Qulluqçuları Reyestrinə daxil edilməsini Azərbaycan Respublikası Prezidentinin 2006-cı il 21 iyun tarixli 420 nömrəli Fərmanı ilə təsdiq edilmiş "Azərbaycan Respublikasının Dövlət Qulluqçuları Reyestrinin aparılması Qaydaları"na uyğun olaraq təmin edir;

5.11.9. peşə hazırlığının yüksəldilməsi məqsədilə informasiya texnologiyalarını daim öyrənir, Baş idarədə informasiya texnologiyalarının səmərəli istifadəsinə dair tədbirlər görür, təkliflər verir, işgüzar və peşə keyfiyyətlərinin yüksəldilməsi üçün öz üzərində çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.11.10. Baş idarə əməkdaşlarının kompüter avadanlıqlarından səmərəli istifadəsi məqsədilə onları yeni funksiyalar barədə məlumatlandırır;

5.11.11. xidməti fəaliyyətlə bağlı Baş idarə rəhbərliyinin digər tapşırıqlarını yerinə yetirir.

5.12. Baş mütəxəssis (böyük inspektor) vəzifə və iş bölgüsünə əsasən aşağıdakı işləri icra edir:

5.12.1. Baş idarəyə daxil olan təklif, ərizə və digər sənədləri qəbul edir və onların qeydiyyatını aparır, baş idarə rəhbərliyinin dərkənarına uyğun olaraq nazirliyin "Elektron sənəd dövriyyəsi" informasiya sistemi vasitəsilə onları aidiyyəti üzrə təqdim edir;

5.12.2. vətəndaşların korrupsiya hüquqpozmaları və korrupsiyaya şərait yaradan hüquqpozmalarla bağlı müraciətlərinin xüsusi kitabda qeydiyyatını aparır;

5.12.3. sənədlərin qanunvericiliklə nəzərdə tutulmuş müddətlərdə icra olunmasını nəzarətdə saxlayır, onların icra müddətinin gözlənilməsi ilə bağlı Baş idarənin rəisinə məlumat təqdim edir;

5.12.4. sənədlərin işçilər tərəfindən icra edilməsinin qeydiyyatını aparır, bu barədə məlumatın sənədin icraçısı tərəfindən nazirliyin "Elektron sənəd dövriyyəsi" informasiya sisteminə daxil edilməsini nəzarətdə saxlayır, icra olunmuş sənədlərin aidiyyəti üzrə göndərilməsi təşkil edir;

5.12.5. icra olunmuş sənədlərin səliqə ilə işə tikilməsini və Baş idarənin dəftərxanasında saxlanılmasını təmin edir;

5.12.6. aidiyyəti işçilərin və hakimlərin müəyyən edilmiş qaydada şəxsi işlərini, kartotekalarını aparır, qeydiyyatını həyata keçirir, onların, əmək kitabçalarının və digər sənədlərin dəftərxanada saxlanmasını, onlarda olan məlumatların yayılmamasını təmin edir;

5.12.7. Nazirlik üzrə əmr və sərəncamların, aidiyyəti arxiv işlərinin və materialların qeydiyyatını həyata keçirir;

5.12.8. Nazirlik üzrə əmr və sərəncamların aidiyyəti işçilərə və struktur qurumlara çatdırılmasını təmin edir;

5.12.9. müəyyən olunmuş qaydada buraxılış vərəqələrinin hazırlanmasını, qeydiyyatını, onların, habelə xidməti vəsiqələrin təqdim edilməsini həyata keçirir;

5.12.10. işgüzar və peşə keyfiyyətlərinin yüksəldilməsi üçün öz üzərində çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.12.11. xidməti fəaliyyətlə bağlı Baş idarə rəhbərliyinin digər tapşırıqlarını yerinə yetirir. Azərbaycan Respublikası Ədliyyə Nazirliyinin Kollegiyasının 27.12.2023-cü il tarixli 20-N nömrəli qərarı ilə təsdiq edilmişdir Əlavə 4 Azərbaycan Respublikası Ədliyyə Nazirliyinin İnsan hüquqları və kommunikasiya idarəsi haqqında Əsasnamə

1. Ümumi müddəalar

1.1. Azərbaycan Respublikası Ədliyyə Nazirliyinin İnsan hüquqları və kommunikasiya idarəsi (bundan sonra — İdarə) Azərbaycan Respublikası Ədliyyə Nazirliyi (bundan sonra — Nazirlik) aparatının müstəqil struktur qurumudur.

1.2. İdarə öz fəaliyyətində Azərbaycan Respublikasının Konstitusiyasını, Azərbaycan Respublikasının tərəfdar çıxdığı beynəlxalq müqavilələri, "Azərbaycan Respublikasında insan hüquq və azadlıqlarının həyata keçirilməsinin tənzimlənməsi haqqında" Azərbaycan Respublikasının Konstitusiya Qanununu, "İnformasiya, informasiyalaşdırma və informasiyanın mühafizəsi haqqında", "İnformasiya əldə etmək haqqında", "Media haqqında", "Ədliyyə orqanlarında qulluq keçmə haqqında" Azərbaycan Respublikasının qanunlarını, Azərbaycan Respublikası Prezidentinin Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"ni, Azərbaycan Respublikasının digər normativ hüquqi aktlarını, həmçinin Nazirliyin kollegiyasının qərarlarını, Nazirlik üzrə əmr və sərəncamları, habelə bu Əsasnaməni rəhbər tutur.

1.3. İdarə fəaliyyətini Nazirliyin sisteminə daxil olan qurumlar, habelə aidiyyəti dövlət orqanları (qurumları), yerli və beynəlxalq qeyri-hökumət təşkilatları ilə əlaqəli həyata keçirir.

1.4. İdarə müvafiq möhür və ştamplara malikdir.

2. İdarənin fəaliyyət istiqamətləri

2.1. İdarənin fəaliyyət istiqamətləri aşağıdakılardır:

2.1.1. ədliyyə sahəsində insan hüquq və azadlıqlarının təmin edilməsini və müdafiəsini həyata keçirir, monitorinq və təhlillərin aparılmasında, pozulmasının qarşısının alınması ilə bağlı tədbirlərin görülməsində iştirak edir;

2.1.2. ədliyyə sahəsində insan hüquq və azadlıqlarının təmin edilməsi və müdafiəsi sahəsində yerli və beynəlxalq qurumlarla, qeyri-hökumət hüquq müdafiə təşkilatları ilə əməkdaşlığı həyata keçirir;

2.1.3. Azərbaycan Respublikası Prezidentinin şərəf və ləyaqətinin qorunması ilə bağlı tədbirlərin görülməsini təmin edir;

2.1.4. ədliyyə sahəsində kommunikasiya və sosial media siyasətinin icrasını təmin edir, bu sahədə Nazirliyin sisteminə daxil olan qurumlarla, media subyektləri və ictimaiyyətlə, habelə qanunvericilik, icra və məhkəmə hakimiyyəti orqanları ilə, eləcə də özəl sektor və beynəlxalq təşkilatlarla fəaliyyəti koordinasiya şəklində həyata keçirir;

2.1.5. hüquqi maarifləndirmə işini təşkil edir;

2.1.6. hər kəsin ədliyyə orqanlarının fəaliyyəti ilə əlaqədar istədiyi məlumatın sərbəst, maneəsiz və hamı üçün bərabər şərtlərlə qanunla müəyyən edilmiş qaydada əldə edilməsini təmin edir;

2.1.7. ədliyyə sistemində ictimai iştirakçılığı təmin etmək məqsədilə Nazirlik yanında vətəndaş cəmiyyəti institutlarından ibarət İctimai Şuranın işini əlaqələndirir, ictimaiyyətin digər nümayəndələri ilə qarşılıqlı fəaliyyət həyata keçirir;

2.1.8. qanunvericiliklə müəyyən edilmiş digər istiqamətlərdə fəaliyyət göstərir.

3. İdarənin vəzifələri

3.1. İdarə bu Əsasnamə ilə müəyyən edilmiş fəaliyyət istiqamətlərinə uyğun olaraq aşağıdakı vəzifələri yerinə yetirir:

3.1.1. ədliyyə sahəsində insan hüquq və azadlıqlarının təmin edilməsi və müdafiəsini həyata keçirmək və bu sahədə Nazirliyin sisteminə daxil olan qurumların fəaliyyətini əlaqələndirmək;

3.1.2. insan hüquq və azadlıqlarının təmin edilməsi və müdafiəsi sahəsində müvafiq dövlət qurumlarının aidiyyəti strukturları, İnsan Hüquqları üzrə Müvəkkil (Ombudsman), digər təsisatlar, habelə yerli və beynəlxalq qeyri-hökumət, hüquq müdafiə təşkilatları ilə əməkdaşlığı həyata keçirmək;

3.1.3. İnsan Hüquqları üzrə Müvəkkildən (Ombudsman) və ya müstəqil monitorinq qruplarından daxil olan müraciət və sorğuların icrası məqsədilə Nazirliyin sisteminə daxil olan qurumların fəaliyyətini əlaqələndirmək və bununla bağlı müvafiq qeydiyyat aparmaq;

3.1.4. insan hüquq və azadlıqlarına dair normativ hüquqi aktların layihələri üzrə Nazirliyin sisteminə daxil olan aidiyyəti qurumlarla birgə rəy vermək;

3.1.5. Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəliklərin icrası ilə bağlı Azərbaycan Respublikası tərəfindən müvafiq beynəlxalq təşkilatlara təqdim olunan dövri hesabatların hazırlanmasında iştirak etmək;

3.1.6. beynəlxalq hüquq müdafiə təşkilatlarının Azərbaycan Respublikası üzrə hesabatlarına, tövsiyələrinə, sorğularına və digər sənədlərinə aidiyyəti üzrə vaxtında reaksiya verilməsi üçün bu barədə Nazirliyin rəhbərliyini məlumatlandırmaq və zəruri tədbirlər görmək;

3.1.7. ədliyyə sistemində insan hüquqlarının məhdudlaşdırılması ilə nəticələnən tədbirlər haqqında Nazirliyin sisteminə daxil olan qurumlardan məlumatları almaq, təhlil etmək və müvafiq dövlət orqanlarına təqdim edilməsi məsələsinin həlli üçün Nazirliyin rəhbərliyinə məruzə etmək;

3.1.8. Nazirliyin rəhbərliyinin göstərişinə əsasən ədliyyə sistemində insan və vətəndaş hüquq və azadlıqlarına əməl edilməsinə nəzarətin həyata keçirilməsində, kobud şəkildə pozulması halları ilə bağlı Nazirliyin sisteminə daxil olan qurumlar tərəfindən aparılan müvafiq yoxlamalarda iştirak etmək, onların nəticələrini ümumiləşdirmək;

3.1.9. İnsan Hüquqları üzrə Avropa Məhkəməsi yanında Azərbaycan Respublikasının səlahiyyətli nümayəndəsi ilə əməkdaşlıq etmək, bu sahədə ədliyyə qurumlarının fəaliyyətini əlaqələndirmək, ümumiləşdirmələr aparmaq, həmin məhkəmə tərəfindən ölkəmizlə bağlı çıxarılan qərarlar barədə Nazirliyin rəhbərliyini məlumatlandırmaq;

3.1.10. penitensiar müəssisələrdə saxlanılan şəxslərin hüquqlarının təmin olunması vəziyyətini mütəmadi öyrənmək, onların cəmiyyətə reinteqrasiyası prosesində, həmçinin əfv və amnistiya aktlarının icra olunmasında iştirak etmək;

3.1.11. penitensiar müəssisələrdə insan hüquqlarının təmin edilməsi və müdafiəsi, işgəncələrin və pis rəftarın qarşısının alınması məqsədilə təkliflər vermək, bu sahədə ixtisaslaşmış yerli və beynəlxalq qeyri-hökumət, hüquq müdafiə təşkilatları ilə əlaqələri gücləndirmək, onların həmin müəssisələrə səfər və başçəkmələri üçün köməklik göstərmək və bununla bağlı fəaliyyəti əlaqələndirmək;

3.1.12. Nazirliyin fəaliyyət istiqamətləri üzrə ictimai iştirakçılığı təşviq etmək, məhkumların islah edilməsində ictimaiyyətin iştirakını, penitensiar müəssisələrin və probasiya qurumlarının fəaliyyətinə ictimai nəzarətin həyata keçirilməsini təmin etmək, bu məqsədlə Nazirlik yanında İctimai Şuranın fəaliyyətini əlaqələndirmək və digər vətəndaş cəmiyyəti institutları ilə əməkdaşlıq etmək;

3.1.13. ədliyyə sahəsində insan hüquq və azadlıqlarının təmin edilməsi və müdafiəsi sahəsində görülmüş işlər barədə ictimaiyyətə məlumat vermək;

3.1.14. insan hüquqlarına dair sənədlər toplularını, tədris vəsaitlərini, habelə mediada ədliyyə fəaliyyətini əks etdirən materiallar toplularını hazırlamaq, onları Nazirliyin sisteminə daxil olan qurumların, aidiyyəti dövlət orqanlarının (qurumlarının), tədris müəssisələrinin və qeyri-hökumət təşkilatlarının istifadəsinə vermək;

3.1.15. Tarixə, hüquqa, dövlət quruculuğuna, dilçiliyə və müasir dövrdə nəşr olunan yeni ədəbiyyat nümunələrinə dair Nazirliyin kitabxana fondunu təşkil etmək;

3.1.16. hüquqi maarifləndirmə sahəsində Nazirliyin sisteminə daxil olan qurumların fəaliyyətini əlaqələndirmək, bu sahədə görülmüş işlərin, o cümlədən Nazirliyin rəhbərliyinin çıxışlarının uçotunu aparmaq, müvafiq statistik hesabatları tərtib etmək;

3.1.17. Nazirliyin çap mediası məhsullarının və internet səhifəsinin fəaliyyətini təşkil etmək, habelə sosial media hesablarını idarə etmək;

3.1.18. informasiya əldə etmək hüququnun həyata keçirilməsi məqsədilə informasiya sorğularını qanunla müəyyən olunmuş qaydada təmin etmək;

3.1.19. Azərbaycan Respublikası Nazirlər Kabinetinin 2015-ci il 25 fevral tarixli 50 nömrəli Qərarı ilə təsdiq edilmiş "Dövlət orqanlarında çağrı mərkəzlərinin fəaliyyətinin təşkili Qaydaları"na uyğun olaraq Nazirlikdə Çağrı Mərkəzinin fəaliyyətini təşkil etmək;

3.1.20. Çağrı Mərkəzinə daxil olan müraciətlərə Nazirliyin struktur qurumlarında baxılması vəziyyətinə dair Nazirliyin rəhbərliyinə məruzələr hazırlamaq;

3.1.21. ədliyyə fəaliyyəti ilə bağlı vətəndaşlardan daxil olan, o cümlədən Nazirliyin Çağrı Mərkəzi vasitəsilə edilən şikayətlərlə bağlı Nazirliyin rəhbərliyinin tapşırığına əsasən müvafiq araşdırmanın aparılmasında iştirak etmək;

3.1.22. Azərbaycan Respublikası Ədliyyə Nazirliyinin Kommunikasiya Strategiyasının, Böhran Vəziyyətlərinin Kommunikasiya Planının və sosial media siyasətinin həyata keçirilməsini təmin etmək;

3.1.23. ədliyyə fəaliyyətini mediada, eləcə də sosial mediada işıqlandırmaq;

3.1.24. ədliyyə sahəsində kommunikasiya fəaliyyəti ilə bağlı media subyektləri və ictimaiyyət ilə əlaqələri həyata keçirmək, bu sahədə Azərbaycan Respublikası qanunvericilik, icra və məhkəmə hakimiyyəti orqanlarının, eləcə də özəl sektor və beynəlxalq təşkilatlarla əməkdaşlıq etmək;

3.1.25. ölkədə məhkəmə-hüquq sistemində aparılan islahatlar, ədliyyə sahəsində həyata keçirilən tədbirlər haqqında ictimaiyyətin məlumatlandırılmasını təmin etmək məqsədilə yerli və xarici media subyektlərini cəlb etmək;

3.1.26. qanunla müəyyən olunmuş qaydada ictimai informasiyanı açıqlamaq, əldə olunması qanunla məhdudlaşdırılan informasiyaların qorunması üzrə Nazirliyin sisteminə daxil olan qurumlarla əlaqəli surətdə tədbirlər görmək;

3.1.27. ədliyyə orqanları işçilərinin xidməti fəaliyyəti ilə bağlı təhrif və böhtan xarakterli məqalə və yazılara təkzib hazırlamaq, real vəziyyət barədə ictimaiyyətdə aydın təsəvvür yaratmaq, işçilərin müsbət xidməti fəaliyyətini mediada işıqlandırmaq, onların iş təcrübəsini yaymaq;

3.1.28. mediada ədliyyə orqanları ilə bağlı yayılan informasiyalar üzrə ümumiləşdirmələr və təhlillər aparmaq, gündəlik məlumatlar hazırlayıb Nazirliyin rəhbərliyinə və aidiyyəti qurumlara təqdim etmək, həmin məlumatlarla bağlı Nazirliyin rəhbərliyinin göstərişlərinin icrasını təşkil etmək;

3.1.29. Nazirliyin rəhbərliyinin və digər vəzifəli şəxslərinin media subyektləri ilə görüşlərini təşkil etmək;

3.1.30. ədliyyə fəaliyyətinə dair mətbuat konfransları və brifinqlər təşkil etmək;

3.1.31. qanunvericiliyə uyğun olaraq Azərbaycan Respublikası Prezidentinin şərəf və ləyaqətinin qorunması üzrə müəyyən olunmuş qaydada tədbirlər görmək;

3.1.32. fəaliyyət istiqamətləri üzrə və Nazirliyin rəhbərliyinin tapşırıqları əsasında digər vəzifələri yerinə yetirmək.

4. İdarənin hüquqları

4.1. İdarə öz vəzifələrini həyata keçirmək üçün aşağıdakı hüquqlara malikdir:

4.1.1. fəaliyyət istiqamətləri üzrə Nazirliyin sisteminə daxil olan qurumlara, dövlət orqanlarına (qurumlarına), yerli və beynəlxalq təşkilatlara, media subyektlərinə müraciət etmək, onlara sorğu vermək, məlumatlar almaq;

4.1.2. insan hüquq və azadlıqlarının təmin edilməsi və müdafiəsinə dair normativ hüquqi aktların, müvafiq proqram və digər sənədlərin tələblərinin, habelə Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəliklərinin, beynəlxalq və ixtisaslaşdırılmış təşkilatların tövsiyələrinin ədliyyə sistemində yerinə yetirilməsi vəziyyətini öyrənmək, təhlil etmək, Nazirliyin rəhbərliyinə müvafiq təkliflər vermək;

4.1.3. ədliyyə sahəsində insan hüquq və azadlıqlarının təmin edilməsi və müdafiəsi sahəsində müvafiq tədbirlər təşkil etmək;

4.1.4. ədliyyə sahəsində insan hüquq və azadlıqlarının pozulması ilə bağlı daxil olan müraciətlərə baxmaq, bununla əlaqədar tədbirlərin görülməsinə zərurət olduqda Nazirliyin rəhbərliyinə təkliflər vermək;

4.1.5. Nazirliyin tərəfdaş olduğu müvafiq layihələr üzrə tədbirlər görmək, onların nəticələrini ümumiləşdirmək və Nazirliyin rəhbərliyini məlumatlandırmaq;

4.1.6. Nazirliyin kommunikasiya strategiyasını, sosial media siyasətini və böhran kommunikasiyasını həyata keçirmək məqsədilə Nazirliyin sisteminə daxil olan qurumlara, habelə qanunvericilik, icra və məhkəmə hakimiyyəti orqanlarına, eləcə də özəl sektor və beynəlxalq təşkilatlara müraciət etmək, sorğu vermək və məlumatlar almaq;

4.1.7. hüquqi maarifləndirmə sahəsində ədliyyə işçilərinə metodik köməklik göstərmək, aparılan işin Nazirliyin sisteminə daxil olan qurumlarla əlaqələndirilməsini təmin etmək;

4.1.8. müstəqil ekspertləri və mütəxəssisləri öz fəaliyyətinə cəlb etmək;

4.1.9. İdarənin fəaliyyət istiqamətlərinə uyğun olaraq həyata keçirilən işin təkmilləşdirilməsinə dair təkliflər vermək;

4.1.10. vəzifələrinin icrası ilə əlaqədar digər hüquqları həyata keçirmək.

5. İdarənin fəaliyyətinin təşkili

5.1. İdarənin strukturu və ştat vahidlərinin sayı Azərbaycan Respublikasının ədliyyə naziri tərəfindən təsdiq olunur.

5.2. İdarəyə Azərbaycan Respublikasının Prezidenti ilə razılaşdırmaqla Azərbaycan Respublikasının ədliyyə naziri tərəfindən vəzifəyə təyin edilən və vəzifədən azad edilən rəis rəhbərlik edir. Rəis İdarəyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır.

5.3. İdarə rəisinin Azərbaycan Respublikasının ədliyyə naziri tərəfindən vəzifəyə təyin edilən və vəzifədən azad edilən müavini vardır. İdarənin rəis müavini ona həvalə olunmuş vəzifələri yerinə yetirir və bunun üçün şəxsən məsuliyyət daşıyır.

5.4. İdarənin rəis müavini və digər işçiləri öz funksiyalarını bu Əsasnamə, habelə vəzifə və iş bölgüsünə əsasən yerinə yetirir.

5.5. İdarə işini fəaliyyət istiqamətləri, habelə Nazirliyin və özünün iş planları əsasında həyata keçirir.

5.6. İdarədə işin təşkili və vəziyyəti, iş planlarında nəzərdə tutulmuş tədbirlərin yerinə yetirilməsi, qarşıda duran vəzifələrin həyata keçirilməsi ilə əlaqədar məsələlər mütəmadi olaraq İdarə rəisinin yanında keçirilən iclaslarda müzakirə edilir.

5.7. İdarə rəisi:

5.7.1. İdarənin işini təşkil edir və onun fəaliyyətinə rəhbərlik edir;

5.7.2. İdarənin işçiləri arasında vəzifə və iş bölgüsü aparır, "Elektron sənəd dövriyyəsi" informasiya sistemi ilə daxil olan sənədlərin işlənməsini, əməkdaşlar arasında bölünməsini həyata keçirir, sənədlərin icrasına nəzarət edir;

5.7.3. İdarənin işçilərinin üzərinə düşən vəzifələrin yerinə yetirilməsinə, icra və əmək intizamına nəzarət edir;

5.7.4. İdarənin iş planını və müvafiq hesabatlarını təsdiq edir, iş planının vaxtında və keyfiyyətli icrasına nəzarət edir;

5.7.5. İdarənin fəaliyyətini Nazirliyin sisteminə daxil olan struktur qurumlarla əlaqələndirir;

5.7.6. Nazirliyin iş planında və kollegiyasının qərarlarında, Nazirlik üzrə əmr və sərəncamlarda nəzərdə tutulmuş aidiyyəti tədbirlərin yerinə yetirilməsini təmin edir;

5.7.7. İdarənin fəaliyyəti ilə bağlı məsələlərin Nazirliyin kollegiyasının müzakirəsinə çıxarılması üçün təşəbbüs göstərir, bu məsələlərin kollegiyanın müzakirəsinə hazırlanmasını təmin edir;

5.7.8. İdarəyə yeni qəbul edilmiş işçiləri təcrübəli əməkdaşlara təhkim edir və onların işinə bilavasitə nəzarət edir;

5.7.9. böyük həcmli və ya çətin tapşırıqların icrasını bir neçə işçiyə tapşırır və ya bir işçinin icraatından digər işçinin icraatına verir;

5.7.10. İdarədə işçilərin vəzifəyə təyin və vəzifədən azad edilməsi, həvəsləndirilməsi, onlara xüsusi rütbə və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı Nazirliyin rəhbərliyinə təkliflər verir;

5.7.11. İdarənin fəaliyyətinin təkmilləşdirilməsi sahəsində tədbirlər görür, bu barədə Nazirliyin rəhbərliyinə təkliflər verir;

5.7.12. səlahiyyətlərin bir hissəsinin həyata keçirilməsini müavininə tapşırır;

5.7.13. vətəndaşları qəbul edir;

5.7.14. fəaliyyət istiqamətlərinə uyğun olaraq digər məsələləri həll edir;

5.7.15. xidməti fəaliyyətlə bağlı Nazirliyin rəhbərliyinin tapşırıqlarını yerinə yetirir.

5.8. İdarə rəisinin müavini:

5.8.1. beynəlxalq hüquq müdafiə təşkilatlarının Azərbaycan Respublikası üzrə hesabatları, məruzələri, tövsiyələri, sorğuları və digər sənədləri barədə Nazirliyin rəhbərliyinin məlumatlandırılması üçün İdarə rəisinə təkliflər vermək;

5.8.2. İdarənin işçilərini cəlb etməklə ümumiləşdirmələrin aparılmasını, statistik və digər hesabatların hazırlanmasını təşkil edir və İdarənin rəisinə təqdim edir;

5.8.3. Nazirliyin təşəbbüsü ilə keçirilən tədbirlərin və hüquqi maarifləndirmə sahəsində görülmüş işlərin uçotunun aparılmasını təmin edir;

5.8.4. hüquqi maarifləndirmə sahəsində Nazirliyin sisteminə daxil olan qurumlarla əlaqəli işin həyata keçirilməsini təmin edir;

5.8.5. kommunikasiya strategiyasının, böhran kommunikasiya planının və sosial media siyasətinin həyata keçirilməsini təşkil edir, mətbuat xidmətinin işini aparır;

5.8.6. İdarənin fəaliyyətinin təkmilləşdirilməsi üzrə İdarənin rəisinə təkliflər verir;

5.8.7. ədliyyə sistemində insan və vətəndaş hüquq və azadlıqlarının kobud şəkildə pozulması halları ilə bağlı aparılan müvafiq yoxlamalarda iştirakı və onların nəticələrinin ümumiləşdirilməsini təmin edir;

5.8.8. İdarədə kargüzarlıq işini təşkil edir, "Elektron sənəd dövriyyəsi" informasiya sistemi ilə daxil olan sənədlərin işlənməsini, əməkdaşlar arasında bölünməsini həyata keçirir, sənədlərin icrasına nəzarət edir;

5.8.9. İdarənin rəisi vəzifələrini icra edə bilmədikdə onun vəzifələrini yerinə yetirir;

5.8.10. ona tapşırılmış sahədə işlərin düzgün təşkil və icra olunmasını təmin edir;

5.8.11. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır;

5.8.12. xidməti fəaliyyətlə bağlı Nazirliyin rəhbərliyinin və İdarə rəisinin tapşırıqlarını yerinə yetirir.

5.9. İdarənin strukturuna daxil olan şöbələrin (qrupların) rəhbərləri:

5.9.1. şöbənin (qrupun) işini təşkil edir və fəaliyyətinə rəhbərliyi həyata keçirirlər;

5.9.2. şöbədə (qrupda) işçilərin fəaliyyətini istiqamətləndirir, onlara həvalə edilən vəzifələrin yerinə yetirilməsini təmin edirlər;

5.9.3. şöbənin (qrupun) işçiləri arasında iş bölgüsünü aparırlar;

5.9.4. şöbənin (qrupun) fəaliyyətini İdarənin digər strukturları və Nazirliyin sisteminə daxil olan qurumlarla əlaqələndirir, onların fəaliyyətinə dair hesabatlarının vaxtında təqdim edilməsinə, habelə onların tamlığına və keyfiyyətinə nəzarət edirlər;

5.9.5. Nazirliyin kollegiyasının qərarlarında, Nazirlik üzrə əmr və sərəncamlarda, habelə iş planlarında nəzərdə tutulmuş aidiyyəti tədbirlərin yerinə yetirilməsini səlahiyyətləri daxilində təmin edirlər;

5.9.6. aşkar edilən qanun pozuntuları və nöqsanlar, o cümlədən nazirliyin nüfuzuna və fəaliyyətinə xələl gətirən faktlarla bağlı dərhal idarə rəisini məlumatlandırırlar;

5.9.7. şöbənin (qrupun) işçilərinin üzərinə düşən vəzifələrin yerinə yetirilməsinə, etik davranış qaydalarına, icra və əmək intizamına nəzarət edirlər;

5.9.8. şöbənin (qrupun) fəaliyyəti ilə bağlı məsələlərin Nazirliyin kollegiyasının müzakirəsinə çıxarılması barədə İdarənin rəisinə təklif verirlər, onları Nazirliyin kollegiyasının müzakirəsinə hazırlayırlar;

5.9.9. şöbənin (qrupun) müvafiq hesabatlarını hazırlayırlar;

5.9.10. şöbəyə (qrupa) yeni təyin olunmuş işçiləri təcrübəli əməkdaşlara təhkim edir və onların işinə bilavasitə nəzarət edirlər;

5.9.11. şöbədə (qrupda) işçilərin həvəsləndirilməsi, onlara xüsusi rütbələrin və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı baş idarə rəisinə təkliflər verirlər;

5.9.12. şöbənin (qrupun) fəaliyyətinin təkmilləşdirilməsi sahəsində tədbirlər görür, bu barədə İdarənin rəisinə təkliflər verirlər;

5.9.13. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışırlar;

5.9.14. Bu Əsasnamə ilə müəyyən edilmiş səlahiyyətləri daxilində digər məsələləri həll edir, habelə xidməti fəaliyyətlə bağlı Nazirliyin və İdarənin rəhbərliyinin tapşırıqlarını yerinə yetirirlər.

5.10. Baş məsləhətçi, böyük məsləhətçi, aparıcı məsləhətçi və məsləhətçi İdarənin fəaliyyət istiqamətlərinə uyğun olaraq, vəzifə və iş bölgüsünə əsasən aşağıdakı işləri icra edir:

5.10.1. insan hüquq və azadlıqlarının təmin edilməsi və müdafiəsi sahəsində Nazirliyin sisteminə daxil olan qurumlara, İnsan Hüquqları üzrə Müvəkkilə (Ombudsman), digər dövlət orqanlarına (qurumlarına), yerli və beynəlxalq təşkilatlara müraciət və cavablar hazırlayır;

5.10.2. beynəlxalq hüquq müdafiə təşkilatlarının Azərbaycan Respublikası üzrə hesabatları, məruzələri, tövsiyələri, sorğuları və digər sənədləri üzrə məlumatlar hazırlayır;

5.10.3 insan hüquq və azadlıqlarına dair normativ hüquqi aktların layihələri üzrə Nazirliyin sisteminə daxil olan aidiyyəti qurumlarla birgə rəy hazırlayır;

5.10.4. Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəliklərin icrası ilə bağlı Azərbaycan Respublikası tərəfindən müvafiq beynəlxalq təşkilatlara təqdim olunan dövri hesabatların hazırlanması üçün müvafiq məlumatları toplayır, ümumiləşdirir və ya aidiyyəti üzrə təqdim edir;

5.10.5. ədliyyə sistemində insan hüquqlarının məhdudlaşdırılması ilə nəticələnən tədbirlər haqqında Nazirliyin sisteminə daxil olan qurumlardan məlumatların tələb edilməsi barədə idarə rəisinə təklif verir, bu məlumatları təhlil edir və Nazirliyin rəhbərliyinə məruzələr hazırlayır;

5.10.6. Nazirliyin rəhbərliyinin tapşırığına əsasən ədliyyə sistemində insan və vətəndaş hüquq və azadlıqlarının kobud şəkildə pozulması halları ilə bağlı Nazirliyin sisteminə daxil olan digər qurumlar tərəfindən aparılan müvafiq yoxlamalarda iştirak edir, onların nəticələrini ümumiləşdirir;

5.10.7. İnsan Hüquqları üzrə Avropa Məhkəməsi yanında Azərbaycan Respublikasının səlahiyyətli nümayəndəsi və İnsan hüquqları üzrə müvəkkil (ombudsman) ilə əlaqələrin həyata keçirilməsi məqsədilə Nazirliyin sisteminə daxil olan aidiyyəti qurumların fəaliyyətinin əlaqələndirilməsini, ümumiləşdirməni və qeydiyyatı aparır, həmin məhkəmə tərəfindən ölkəmizlə bağlı çıxarılan qərarlara dair məlumatlar hazırlayır;

5.10.8. penitensiar müəssisələrdə saxlanılan şəxslərin hüquqlarının təmin olunması vəziyyətini öyrənir, onların cəmiyyətə reinteqrasiyası prosesində iştirak edir, ixtisaslaşmış yerli və beynəlxalq qeyri-hökumət, hüquq müdafiə təşkilatlarla yazışmalar aparır, onların həmin müəssisələrə səfər və başçəkmələri üçün köməklik göstərilməsi, habelə məhkumların islah edilməsində ictimaiyyətin iştirakı, penitensiar müəssisələrin və probasiya qurumlarının fəaliyyətinə ictimai nəzarətin həyata keçirilməsi məqsədilə tədbirlər görür;

5.10.9. ədliyyə sahəsində insan hüquq və azadlıqlarının təmin edilməsi və müdafiəsi sahəsində görülmüş işlər barədə ictimaiyyət üçün məlumatlar hazırlayır, insan hüquqlarına dair sənədlər toplularının, tədris vəsaitlərinin hazırlanmasında müvafiq məlumatları hazırlayır;

5.10.10. Çağrı Mərkəzinə daxil olan müraciətlər üzrə yarımillik və illik təhlillər aparılmasını və müvafiq tədbirlərin görülməsini təşkil edir;

5.10.11. ədliyyə fəaliyyətinin mediada işıqlandırılması üçün tədbirlər görür;

5.10.12. Nazirliyin kommunikasiya strategiyasının, böhran kommunikasiya planının və sosial media siyasətinin həyata keçirilməsi üçün tədbirlər görür;

5.10.13. ədliyyə sahəsində kommunikasiya fəaliyyəti ilə bağlı media və ictimaiyyətlə əlaqələrin, bu sahədə qanunvericilik, icra və məhkəmə hakimiyyəti orqanları, eləcə də özəl sektor və beynəlxalq təşkilatlarla əməkdaşlığın həyata keçirilməsi üçün tədbirlər görür;

5.10.14. ədliyyə orqanları işçilərinin xidməti fəaliyyəti ilə bağlı təhrif və böhtan xarakterli məqalə və yazılara təkzib hazırlayır, 5.10.15. ədliyyə işçilərinin müsbət xidməti fəaliyyətini mediada işıqlandırılması üçün tədbirlər görür;

5.10.16. mediada ədliyyə orqanları ilə bağlı yayılan informasiyalar barədə zəruri hallarda məlumatlar hazırlayır;

5.10.17. ədliyyə fəaliyyəti ilə bağlı məlumat və məqalələr hazırlayır, redaktə edir, yayılmasını təmin edir və çap mediasında dərc edilməsi üçün təqdim edir;

5.10.18. hüquqi maarifləndirmə sahəsində görülmüş işlərin uçotunu aparır;

5.10.19. Nazirliyin kommunikasiya strategiyasına dair fəaliyyət planlarının icrasını həyata keçirir, bununla bağlı yarımillik hesabatlar hazırlayaraq aidiyyəti üzrə təqdim olunmasını təmin edir;

5.10.20. informasiya sorğuları üzrə cavabları hazırlayır, sorğuların müvafiq uçotunu aparır;

5.10.21. Azərbaycan Respublikası Prezidentinin şərəf və ləyaqətinin qorunması üzrə tədbirlərin görülməsi ilə bağlı müraciət və sorğular hazırlayır və aidiyyəti qurumlardan məlumatlar alır;

5.10.22. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.10.23. xidməti fəaliyyətlə bağlı İdarənin rəhbərliyinin digər tapşırıqlarını yerinə yetirir.

5.11. Məsləhətçi (muzey üzrə):

5.11.1. Azərbaycan ədliyyəsinin tarixi, Heydər Əliyev və Zəfər muzeylərinin fəaliyyətini təşkil edir, qonaqların və ədliyyə orqanlarına işə qəbul olunan yeni əməkdaşların, gənc ədliyyə işçiləri və könüllülərinin onlarla tanış olunmasını və müvafiq Qonaqların Xatirə Kitabının aparılmasını təmin edir;

5.11.2. Azərbaycan Respublikasının ən yeni tarixinə və ədliyyənin inkişafına aid məlumatları toplayır, muzeylərin ekspozisiyasının yenilənməsini, muzey fondlarının zənginləşdirilməsini təşkil edir;

5.11.3. dövlət bayramları, ədliyyə işçilərinin peşə bayramı və ümumxalq hüzn və matəm günləri, Azərbaycan Respublikasının Anım Günü və Zəfər Günü ilə əlaqədar müvafiq ekspozisiyaları əks etdirən stendlər hazırlayır, ədliyyə tarixinə dair məqalələr dərc etdirir və müvafiq foto və video fondunu təşkil edir;

5.11.4. Nazirliyin sisteminə daxil olan qurumlara tarix və muzey işi üzrə əməli köməklik göstərir;

5.11.5. peşə hazırlığının yüksəldilməsi məqsədilə muzey işi üzrə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.11.6. xidməti fəaliyyətlə bağlı İdarənin rəhbərliyinin digər tapşırıqlarını yerinə yetirir.

5.12. Məsləhətçi (dövlət qulluğu üzrə):

5.12.1. daxil olan müraciətlər və sənədlər, habelə xidməti fəaliyyətlə bağlı digər informasiyalar üzrə məlumat bazaları yaradır və bu bazaları aktual saxlayır;

5.12.2. İdarənin rəhbərliyinin tapşırığına əsasən məlumat bazalarında olan informasiyaları təsnifatlaşdıraraq onları təqdim edir;

5.12.3. məlumat bazalarının mühafizəsini təmin edir, mütəmadi olaraq məlumat bazalarının ehtiyat nüsxələrini yaradır;

5.12.4. ədliyyə fəaliyyətinə dair, İdarənin fəaliyyət dairəsinə aid olan məsələlər və digər aidiyyəti məlumatları Nazirliyin internet səhifəsində yerləşdirir və müntəzəm olaraq yeniləyir;

5.12.5. Nazirliyin internet səhifəsinin təkmilləşdirilməsi üzrə təkliflər verir;

5.12.6. Nazirliyin sosial media hesablarını idarə edir;

5.12.7. Nazirliyin "Qanunçuluq" jurnalının və "Ədliyyə" qəzetinin fəaliyyətini təşkil edir, onların vaxtında hazırlanaraq çap olunmasını təmin edir, digər çap mediası məhsullarının fəaliyyətinə köməklik göstərir, Nazirliyin nəşrlərini elektron qaydada saytda yerləşdirir;

5.12.8. peşə hazırlığının yüksəldilməsi məqsədilə informasiya texnologiyalarını daim öyrənir, İdarədə informasiya texnologiyalarının səmərəli istifadəsinə dair tədbirlər görür, bu barədə təkliflər verir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.12.9. xidməti fəaliyyətlə bağlı İdarənin rəhbərliyinin digər tapşırıqlarını yerinə yetirir.

5.13. Baş mütəxəssis (böyük inspektor):

5.13.1. daxil olan sənədləri və müraciətləri Nazirliyin Katibliyindən götürür və onların qeydiyyatını aparır;

5.13.2. daxil olan sənədləri İdarənin rəisinə təqdim edir, onun dərkənarına əsasən sənədləri icraçılara təqdim edir;

5.13.3. sənədlərin normativ hüquqi aktlarla müəyyən olunmuş müddətlərdə icra olunmasını nəzarətdə saxlayır, onların icra müddətinin gözlənilməsi ilə bağlı İdarənin rəisinə məlumat təqdim edir;

5.13.4. sənədlərin icraçılar tərəfindən icra edilməsinin qeydiyyatını aparır, göndərilməsi üçün Nazirliyin Katibliyinə təqdim edir;

5.13.5. icra olunmuş sənədlərin səliqə ilə işə tikilməsini və İdarənin dəftərxanasında saxlanılmasını təmin edir;

5.13.6. idarəyə "Elektron sənəd dövriyyəsi" informasiya sistemi vasitəsilə daxil olan sənədləri və müraciətləri qəbul edir, İdarə rəisinin dərkənarına əsasən icraçılara təqdim olunmasını təmin edir, onların icrası vəziyyətini nəzarətdə saxlayır;

5.13.7. hüquqi və fiziki şəxslərin müraciətlərini ümumiləşdirir, İdarənin hər bir işçisinin icraatına daxil olan sənədlərə dair hesabatlarını toplayıb İdarənin rəisinə və ya onun müavininə, yaxud şöbə rəisinə təqdim edir;

5.13.8. işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.13.9. xidməti fəaliyyətlə bağlı İdarənin rəhbərliyinin digər tapşırıqlarını yerinə yetirir. Azərbaycan Respublikası Ədliyyə Nazirliyinin Kollegiyasının 27.12.2023-cü il tarixli 20-N nömrəli qərarı ilə təsdiq edilmişdir Əlavə 5 Azərbaycan Respublikası Ədliyyə Nazirliyinin İnformasiya texnologiyaları və innovasiyalar idarəsi haqqında ƏSASNAMƏ

1. Ümumi müddəalar

1.1. Azərbaycan Respublikası Ədliyyə Nazirliyinin İnformasiya texnologiyaları və innovasiyalar idarəsi (bundan sonra - İdarə) Azərbaycan Respublikası Ədliyyə Nazirliyinin (bundan sonra - Nazirlik) sisteminə daxil olan qurumların, birinci və apellyasiya instansiya məhkəmələrin (bundan sonra — məhkəmələr) İKT infrastrukturunun və rəqəmsal informasiya resurslarının formalaşdırılması, saxlanılması, təkmilləşdirilməsi və inkişafı, onlar tərəfindən göstərilən xidmətlərin elektron mühitə keçirilməsi, informasiya təhlükəsizliyinin təmin edilməsi, innovasiya yönümlü layihələrin tətbiqi, təşviqi və innovativ təşəbbüskarlığının təbliği sahəsində (bundan sonra - müvafiq sahə) fəaliyyəti həyata keçirən Nazirliyin müstəqil struktur qurumudur.

1.2. İdarə öz fəaliyyətində Azərbaycan Respublikasının Konstitusiyasını, Azərbaycan Respublikasının tərəfdar çıxdığı beynəlxalq müqavilələri, Azərbaycan Respublikasının qanunlarını, Azərbaycan Respublikası Prezidentinin 2006-cı il 18 aprel tarixli 391 nömrəli Fərmanı ilə təsdiq edilmiş "Azərbaycan Respublikasının Ədliyyə Nazirliyi haqqında Əsasnamə"ni, Azərbaycan Respublikası Prezidentinin digər fərman və sərəncamlarını, Azərbaycan Respublikası Nazirlər Kabinetinin qərar və sərəncamlarını, Azərbaycan Respublikasının digər normativ hüquqi aktlarını, həmçinin Nazirliyin Kollegiyasının qərarlarını, Nazirlik üzrə əmr və sərəncamları, habelə bu Əsasnaməni rəhbər tutur.

1.3. İdarə fəaliyyətini Nazirliyin sisteminə daxil olan qurumlar, habelə məhkəmələr və digər dövlət orqanları (qurumları) ilə əlaqəli həyata keçirir.

1.4. İdarə müstəqil balansa, sərəncamında olan dövlət əmlakına, xəzinə və bank hesablarına, üzərində Azərbaycan Respublikasının Dövlət gerbinin təsviri və öz adı həkk olunmuş möhürə, müvafiq ştamplara və blanklara malikdir.

1.5. İdarənin saxlanma xərcləri və fəaliyyəti Azərbaycan Respublikasının dövlət büdcəsinin vəsaiti, büdcədənkənar vəsaitlər, beynəlxalq maliyyə və digər qurumlar tərəfindən verilən kreditlər, qrantlar, ianələr və qanunvericilikdə nəzərdə tutulan digər mənbələr hesabına maliyyələşdirilir.

2. İdarənin fəaliyyət istiqamətləri

2.1. İdarənin fəaliyyət istiqamətləri aşağıdakılardır:

2.1.1. müvafiq sahədə fəaliyyətin təşkilini, əlaqələndirilməsini və həyata keçirilməsini təmin etmək;

2.1.2. müvafiq sahənin inkişafını təmin etmək, innovasiya yönümlü layihələri hazırlamaq, onları tətbiq və təşviq etmək, innovativ təşəbbüskarlığı dəstəkləmək;

2.1.3. müvafiq sahədə elektron xidmətlərin göstərilməsini təşkil etmək;

2.1.4. müvafiq sahədə informasiya təhlükəsizliyini təmin etmək;

2.1.5. müvafiq sahədə rəqəmsallaşma səviyyəsini müəyyənləşdirmək, idarəetmə proseslərinin rəqəmsal mühitə daşınması üzrə tədbirlər görmək;

2.1.6. müvafiq sahədə dövlət-özəl tərəfdaşlığının inkişafı üzrə tədbirlər görmək;

2.1.7. qanunvericiliklə müəyyən edilmiş digər istiqamətlərdə fəaliyyət göstərmək.

3. İdarənin vəzifələri

3.1. İdarə bu Əsasnamə ilə müəyyən edilmiş fəaliyyət istiqamətlərinə uyğun olaraq aşağıdakı vəzifələri yerinə yetirir:

3.1.1. Nazirliyin sisteminə daxil olan qurumların, məhkəmələrin müvafiq sahə üzrə fəaliyyətini əlaqələndirmək;

3.1.2. Nazirliyin sisteminə daxil olan qurumların informasiya resurslarının, habelə "Elektron məhkəmə" informasiya sisteminin operatoru funksiyalarını yerinə yetirmək;

3.1.3. Nazirliyin sisteminə daxil olan qurumlara və məhkəmələrə rəqəmsal texnologiyaların tətbiqi ilə bağlı əməli və metodiki kömək göstərmək;

3.1.4. Nazirliyin rəqəmsal informasiya resurslarının, o cümlədən internet saytlarının dayanıqlığını, sorğuların sürətli emalını istifadə rahatlığını və informasiya təhlükəsizliyini təmin etmək;

3.1.5. Nazirliyin sisteminə daxil olan qurumlarda, məhkəmələrdə informasiya təhlükəsizliyinin təmini ilə bağlı tədbirlərin həyata keçirilməsində iştirak etmək;

3.1.6. "Elektron məhkəmə" və Nazirliyin apardığı digər rəqəmsal informasiya resursları üzrə "Qaynar xətt"in işini təşkil etmək və fəaliyyətinə nəzarət etmək;

3.1.7. müvafiq sahədə normativ hüquqi aktların, inkişaf konsepsiyalarının və məqsədli proqramların, iş planlarının hazırlanmasında və həyata keçirilməsində iştirak etmək;

3.1.8. Nazirliyin sisteminə daxil olan qurumlarda, məhkəmələrdə müvafiq sahədə rəqəmsal inkişafın və innovasiyaların həyata keçirilməsi ilə bağlı təkliflər vermək və tədbirlər görmək, habelə innovasiya təşəbbüskarlığının təbliğini həyata keçirmək və belə təşəbbüsləri dəstəkləmək;

3.1.9. innovativ layihələrin həyata keçirilməsi üçün yüksək texnoloji infrastrukturun qurulması, o cümlədən avadanlıq və lisenziyaların alınması, proqram məhsullarının hazırlanması, Nazirliyin sisteminə daxil olan qurumlarda, məhkəmələrdə bu sahədə mütəxəssislərin hazırlanması və digər tədbirlərin görülməsi işində iştirak etmək;

3.1.10. qabaqcıl beynəlxalq təcrübəni nəzərə almaqla, müvafiq sahədə elmi-texniki nailiyyətlərin tətbiqini təmin etmək;

3.1.11. Nazirliyin sisteminə daxil olan qurumlar və məhkəmələr üzrə müvafiq sahədə innovativ inkişafla bağlı meyilləri təhlil etmək, tətbiqi ilə bağlı proqnozlar hazırlamaq və təkliflər vermək;

3.1.12. ədliyyə xidmətləri sahəsində transformativ texnologiyaların tətbiqi ilə bağlı təkliflər vermək və tədbirlər görmək;

3.1.13. Nazirliyin sisteminə daxil olan qurumların, məhkəmələrin təqdim etdiyi xidmətlərinin rəqəmsallaşdırılması və proaktiv təşkili ilə bağlı təkliflər vermək;

3.1.14. Nazirliyin fəaliyyət istiqamətlərinə uyğun müvafiq elektron xidmətləri qanunvericiliyin tələblərinə uyğun təşkil etmək;

3.1.15. dövlət və kommersiya sirrinin, habelə məxfilik rejiminin qorunması üçün tədbirlər görmək;

3.1.16. Nazirliyin sisteminə daxil olan qurumlarda, məhkəmələrdə rəqəmsal hazırlıq səviyyəsini müəyyənləşdirmək;

3.1.17. Nazirliyin sisteminə daxil olan qurumlarda və məhkəmələrdə rəqəmsal texnologiyalardan istifadə imkanlarının artırılması üçün tədbirlər görmək;

3.1.18. müvafiq sahədə kağız sənəd dövriyyəsinin və informasiya ehtiyatlarında kağız daşıyıcıda olan məlumatların rəqəmsal formata keçilməsi üzrə tədbirlər görmək;

3.1.19. Nazirliyin elektron sənəd dövriyyəsi sistemini Rəqəmsal Sənəd Dövriyyəsi altsistemi ilə inteqrasiya edərək digər dövlət qurumları ilə elektron sənəd mübadiləsini təmin etmək;

3.1.20. müvafiq sahədə dövlət-özəl tərəfdaşlığının inkişafı və təşviqi üçün tədbirlər görmək, habelə qanuna uyğun olaraq dövlət-özəl tərəfdaşlığı layihələrinin özəl investisiyaların cəlb edilməsi yolu ilə həyata keçirilməsi üçün tədbirlər görmək;

3.1.21. müvafiq sahədə Nazirliyin müxtəlif hesabatlarda və reytinqlərdə mövqeyinin yaxşılaşdırılması məqsədilə tədbirlər görmək;

3.1.22. məhkəmələrin və hakimlərin fəaliyyətinə dair elektron statistik hesabat məlumatlarını qəbul edərək ümumiləşdirmək, təhlil etmək, aidiyyəti üzrə təqdim edilməsi üçün hazırlamaq, həmçinin elektron statistik hesabatları aidiyyəti informasiya resurslarında dərc etmək;

3.1.23. videokonfrans formatında keçirilən tədbirləri təşkil etmək;

3.1.24. İdarənin fəaliyyəti ilə bağlı daxil olan müraciətlərə "Vətəndaşların müraciətləri haqqında", "İnzibati icraat haqqında" və "İnformasiya əldə etmək haqqında" Azərbaycan Respublikasının qanunlarına uyğun olaraq baxmaq və qanunla müəyyən edilmiş qaydada tədbirlər görmək;

3.1.25. İdarədə kargüzarlıq işini təşkil etmək, İdarənin əməkdaşlarının peşəkarlığının yüksəldilməsi üçün tədbirlər görmək;

3.1.26. nazirliyin sisteminə daxil olan qurumlarda, məhkəmələrdə müvafiq sahə üzrə tələb olunan maliyyə vəsaitlərinə dair ehtiyacları təhlil edərək ədliyyə nazirinə təqdim etmək;

3.1.27. İdarəyə ayrılan büdcə vəsaitindən, kreditdən, qrantdan və digər maliyyə vəsaitindən təyinatı üzrə səmərəli istifadə etmək;

3.1.28. fəaliyyət istiqamətləri üzrə və Nazirliyin rəhbərliyinin tapşırıqları əsasında digər vəzifələri yerinə yetirmək.

4. İdarənin hüquqları

4.1. İdarə öz vəzifələrini həyata keçirmək üçün aşağıdakı hüquqlara malikdir:

4.1.1. müvafiq sahədə normayaratma fəaliyyətindən irəli gələn hüquqları həyata keçirmək;

4.1.2. müvafiq sahədə Nazirliyin sisteminə daxil olan qurumlar və məhkəmələrə, habelə digər dövlət və yerli özünüidarəetmə orqanlarına, fiziki və hüquqi şəxslərə zəruri məlumatlar (sənədlər) barədə sorğu vermək və onlardan belə məlumatları (sənədləri) almaq;

4.1.3. müvafiq sahə üzrə rəy vermək, təhlillər, ümumiləşdirmələr, monitorinqlər və tədqiqatlar aparmaq, metodik və analitik materiallar, habelə tövsiyələr hazırlamaq, təkliflər vermək, çatışmazlıqların həlli üzrə görülməli olan tədbirləri prioritetləşdirmək;

4.1.4. müvafiq sahəyə aid olan məsələlərlə bağlı araşdırmalar aparmaq, müstəqil yerli və beynəlxalq ekspert və mütəxəssisləri, məsləhətçi təşkilatları müqavilə əsasında, bu məqsəd üçün nəzərdə tutulmuş vəsaitlər çərçivəsində öz fəaliyyətinə cəlb etmək, işçi qruplar və komissiyalar yaratmaq;

4.1.5. müvafiq sahədə keçirilən tədbirlərdə, o cümlədən beynəlxalq konfranslarda, seminarlarda, forumlarda, təlimlərdə və digər tədbirlərdə iştirak etmək, həmçinin öz səlahiyyətləri çərçivəsində dövlət orqanlarında və digər təşkilatlarda Nazirliyi təmsil etmək;

4.1.6. beynəlxalq təcrübənin tətbiqi imkanlarının araşdırılması üçün müvafiq sahədə xarici dövlətlərin aidiyyəti orqanları və digər qurumları ilə, beynəlxalq təşkilatlarla, xarici hüquqi və fiziki şəxslərlə əməkdaşlıq etmək;

4.1.7. fəaliyyət istiqamətlərinə aid məsələlərlə bağlı konfranslar, müşavirələr, seminarlar keçirmək və digər tədbirlər təşkil etmək;

4.1.8. Nazirliyin sisteminə daxil olan qurumlar, məhkəmələrin fəaliyyətinin rəqəmsallaşdırılması, elektron xidmətlərin təşkili və təkmilləşdirilməsi ilə bağlı təkliflərini toplamaq, onları təhlil etmək və rəy vermək;

4.1.9. Nazirliyin sisteminə daxil olan qurumlar, məhkəmələrin fəaliyyətinin rəqəmsallaşdırılması, elektron xidmətlərin təşkili və təkmilləşdirilməsi ilə bağlı layihələrin təşəbbüsçüsü, icraçısı və ya sifarişçisi kimi çıxış etmək;

4.1.10. Nazirliyin sisteminə daxil olan qurumlar, məhkəmələrin fəaliyyətinin rəqəmsallaşdırılması, o cümlədən tərəflərindən göstərilən xidmətlərin elektron formada təşkili ilə bağlı müvafiq proqram təminatını hazırlamaq məqsədilə həmin qurumların xidmət prosesini öyrənmək və müvafiq təkliflər vermək;

4.1.11. fəaliyyəti ilə bağlı ictimai maraq kəsb edən məlumatları media, habelə Nazirliyin mətbu nəşrləri və internet səhifəsi vasitəsilə yaymaq;

4.1.12. İdarənin fəaliyyətinin təkmilləşdirilməsinə dair təkliflər vermək;

4.1.13. əməkdaşlarını dövlət təltiflərinə və digər mükafatlara təqdim etmək, onların həvəsləndirilməsi üçün tədbirlər görmək məqsədilə təqdimatlar vermək;

4.1.14. işçiləri ölkə daxilində xidməti ezamiyyətə göndərmək;

4.1.15. qanunvericiliklə müəyyən edilmiş qaydada dövlət satınalmalarını həyata keçirmək;

4.1.16. vəzifələrinin icrası ilə əlaqədar digər hüquqları həyata keçirmək.

5. İdarənin fəaliyyətinin təşkili

5.1. İdarənin strukturu və ştat vahidlərinin sayı ədliyyə naziri tərəfindən təsdiq olunur.

5.2. İdarəyə Azərbaycan Respublikasının ədliyyə naziri tərəfindən Azərbaycan Respublikasının Prezidenti ilə razılaşdırmaqla vəzifəyə təyin və vəzifədən azad edilən rəis rəhbərlik edir. Rəis İdarəyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır.

5.3. İdarə rəisinin Azərbaycan Respublikası Ədliyyə Naziri tərəfindən vəzifəyə təyin və vəzifədən azad edilən müavinləri vardır. Rəisin müavinləri ona həvalə olunmuş vəzifələri yerinə yetirir və bunun üçün şəxsən məsuliyyət daşıyır.

5.4. İdarənin rəis müavinləri və işçiləri öz funksiyalarını vəzifə və iş bölgüsünə əsasən yerinə yetirirlər.

5.5. İdarənin strukturunu təşkil edən qurumlara Azərbaycan Respublikasının ədliyyə naziri tərəfindən vəzifəyə təyin və vəzifədən azad edilən struktur qurumların rəisləri rəhbərlik edirlər.

5.6. İdarənin işi fəaliyyət istiqamətləri üzrə, habelə Nazirliyin və İdarənin iş planları əsasında həyata keçirilir.

5.7. İdarədə işin təşkili və vəziyyəti, iş planlarında nəzərdə tutulmuş tədbirlərin yerinə yetirilməsi, qarşıda duran vəzifələrin həyata keçirilməsi ilə əlaqədar məsələlər mütəmadi olaraq İdarənin rəisinin yanında keçirilən iclaslarda müzakirə edilir.

5.8. İdarənin rəisi:

5.8.1. İdarənin işini təşkil edir və onun fəaliyyətinə rəhbərliyi həyata keçirir;

5.8.2. İdarənin strukturuna daxil olan qurumların rəisləri arasında vəzifə və iş bölgüsü aparır;

5.8.3. İdarənin işçilərinin üzərinə düşən vəzifələrin yerinə yetirilməsinə, icra və əmək intizamına nəzarət edir;

5.8.4. İdarənin cari və perspektiv iş planlarını təsdiq edir, iş planlarının vaxtında və keyfiyyətli icra olunmasına nəzarət edir, həmçinin görülən işlərlə bağlı müvafiq hesabatları nazirliyin rəhbərliyinə təqdim edir;

5.8.5. səlahiyyəti daxilində icrası məcburi olan yazılı göstərişlər verir, onların icrasını təşkil edir və icrasına nəzarəti həyata keçirir;

5.8.6. İdarənin fəaliyyəti ilə bağlı məsələlərin Nazirliyin kollegiyasının müzakirəsinə çıxarılması üçün təşəbbüs göstərir, bu məsələlərin kollegiyanın müzakirəsinə hazırlanmasını təmin edir;

5.8.7. Nazirlyin qurumları və məhkəmələr üzrə informasiya texnologiyalarının idarə edilməsi və təminatı məsələləri ilə əlaqədar nazirliyin aidiyyəti struktur qurumlarının rəhbərləri və müvafiq məhkəmə sədrləri ilə müzakirələr aparır, bu sahənin maliyyələşdirilməsinə dair təkliflər verir;

5.8.8. İdarənin fəaliyyəti ilə əlaqədar Nazirliyin kollegiya qərarlarının, nazirlik üzrə əmr və sərəncamların, habelə Nazirliyin iş planında nəzərdə tutulmuş aidiyyəti tədbirlərin yerinə yetirilməsini təmin edir;

5.8.9. İdarənin fəaliyyətinin təkmilləşdirilməsi sahəsində tədbirlər görür və bu barədə Nazirliyin rəhbərliyinə təkliflər verir;

5.8.10. İdarəyə yeni qəbul edilmiş işçiləri təcrübəli əməkdaşlara təhkim edir və onların işinə bilavasitə nəzarəti həyata keçirir;

5.8.11. idarədə işçilərin vəzifəyə təyin və vəzifədən azad edilməsi, həvəsləndirilməsi, onlara xüsusi rütbə və ixtisas dərəcələrinin verilməsi, intizam tənbeh tədbirlərinin tətbiq olunması, habelə işçilərin vəzifə səlahiyyətlərinin icrasından kənarlaşdırılması ilə bağlı Nazirliyin rəhbərliyinə təkliflər verir;

5.8.12. İdarədə kargüzarlıq və arxiv işinin aparılmasını, dövlət sirrinin qorunmasını və məxfilik rejiminə riayət olunmasını təmin edir;

5.8.13. "Dövlət satınalmaları haqqında" Azərbaycan Respublikasının Qanunu ilə müəyyən edilmiş qaydada dövlət satınalmalarının həyata keçirilməsi üçün tədbirlər görür, dövlət büdcəsindən ayrılmış vəsaitin təyinatı üzrə və səmərəli xərclənməsini təmin edir;

5.8.14. səlahiyyətlərinin bir hissəsinin həyata keçirilməsini müavinlərinə tapşırır;

5.8.15. vətəndaşları qəbul edir;

5.8.16. xidməti fəaliyyətlə bağlı Nazirliyin rəhbərliyinin tapşırıqlarını yerinə yetirir.

5.9. İdarənin rəis müavinləri vəzifə bölgüsünə əsasən:

5.9.1. İdarənin işçilərini cəlb etməklə ümumiləşdirmələr aparır, statistik və digər hesabatları, iş planının layihəsini hazırlayaraq İdarənin rəisinə təqdim edirlər;

5.9.2. İdarənin iş planının vaxtında və keyfiyyətli icrasını təşkil edirlər;

5.9.3. İdarənin fəaliyyəti ilə bağlı məsələləri Nazirliyin kollegiyasının müzakirəsinə hazırlayırlar;

5.9.4. İdarədə kargüzarlıq işini təşkil edir;

5.9.5. İdarənin işçilərinin icraatında olan sənədlərin düzgün və vaxtında icra olunmasına nəzarət edir;

5.9.6. işçilərin peşəkarlıq səviyyəsinin yüksəldilməsi, hüquqi biliklərinin artırılması, peşə vərdişlərinə yiyələnməsi və xüsusi hazırlıq keçməsi məqsədilə onların müvafiq kurs və treninqlərə cəlb edilməsi, habelə digər müvafiq tədbirlər görülməsi barədə İdarə rəisinə təkliflər verir;

5.9.7. vətəndaşların qəbulunda iştirak edir;

5.9.8. İdarənin rəisi vəzifələrini icra edə bilmədikdə onun vəzifələrini icra edir;

5.9.9. İdarənin fəaliyyətinin təkmilləşdirilməsi üzrə İdarənin rəisinə təkliflər verir;

5.9.10. ona tapşırılmış sahədə işin düzgün təşkil və icra edilməsini təmin edir;

5.9.11. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır;

5.9.12. xidməti fəaliyyətlə əlaqədar Nazirliyin rəhbərliyinin və İdarənin rəisinin tapşırıqlarını yerinə yetirir.

5.10. İdarənin strukturuna daxil olan qurumların rəisləri:

5.10.1. struktur qurumunun işini təşkil edir və fəaliyyətinə rəhbərliyi həyata keçirirlər;

5.10.2. struktur qurumunun işçilərinin fəaliyyətini istiqamətləndirir, onlara həvalə edilən vəzifələrin yerinə yetirilməsini təmin edirlər;

5.10.3. struktur qurumunun fəaliyyətini İdarənin digər struktur qurumları və Nazirliyin sisteminə daxil olan qurumlarla əlaqələndirirlər;

5.10.4. Nazirliyin kollegiyasının qərarlarında, Nazirlik üzrə əmr və sərəncamlarda, habelə iş planlarında nəzərdə tutulmuş aidiyyəti tədbirlərin yerinə yetirilməsini səlahiyyətləri daxilində təmin edirlər;

5.10.5. struktur qurumunun fəaliyyəti ilə bağlı məsələlərin Nazirliyin kollegiyasının müzakirəsinə çıxarılması barədə İdarənin rəisinə təklif verirlər, İdarənin fəaliyyəti ilə bağlı aidiyyəti məsələləri Nazirliyin kollegiyasının müzakirəsinə hazırlayırlar;

5.10.6. struktur qurumlarının müvafiq hesabatlarını İdarənin rəisinə təqdim edirlər;

5.10.7. struktur qurumunda işçilərin həvəsləndirilməsi, onlara xüsusi rütbələrin verilməsi, intizam tənbeh tədbirlərinin tətbiq olunması, habelə işçilərin vəzifə səlahiyyətlərinin icrasından kənarlaşdırılması ilə bağlı İdarənin rəisinə təkliflər verirlər;

5.10.8. struktur qurumunun fəaliyyətinin təkmilləşdirilməsi sahəsində tədbirlər görür, bu barədə İdarənin rəisinə təkliflər verirlər;

5.10.9. Nazirliyin informasiya sistemlərinin tətbiqi ilə bağlı qaynar xətti təşkil edir və idarə edir;

5.10.10. peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışırlar;

5.10.11. xidməti fəaliyyətlə bağlı Nazirliyin və İdarənin rəhbərliyinin tapşırıqlarını yerinə yetirirlər;

5.10.12. səlahiyyətləri daxilində digər məsələləri həll edirlər.

5.11. İdarənin baş məsləhətçisi, böyük məsləhətçisi, aparıcı məsləhətçisi və məsləhətçisi İdarənin fəaliyyət istiqamətlərinə uyğun olaraq, vəzifə və iş bölgüsünə əsasən aşağıdakı işləri icra edir:

5.11.1. qanunvericiliyin tələblərinin tətbiqi mexanizmlərini araşdıraraq elektron resursların inkişafına və təkmilləşdirilməsinə dair müvafiq təklifləri hazırlayır;

5.11.2. informasiya texnologiyaları sahəsində normativ hüquqi aktlara rəylər hazırlayır;

5.11.3. məktub və sorğuları cavablandırır;

5.11.4. İdarənin fəaliyyət istiqamətlərinə uyğun olaraq yeni normativ sənədləri, təlimatları, inzibati reqlamentləri, istifadə qaydalarını, statistik hesabatları, iş planlarını hazırlayır;

5.11.5. İdarənin fəaliyyət istiqamətlərinə uyğun beynəlxalq təcrübəni öyrənir, onun tətbiqi ilə bağlı müvafiq təkliflər hazırlayır;

5.11.6. informasiya-kommunikasiya texnologiyaları sahəsində müasir təhlükələri təhlil edərək informasiya təhlükəsizliyi siyasətinə dair təkliflər verir, bu sahədə standartları və prosedurları hazırlayır;

5.11.7. sistem vasitəsilə generasiya olunan sənədlərin, o cümlədən məhkəmə sənədlərinin şablonlarının tərtib edilməsində iştirak edir;

5.11.8. məhkəmə qərarları əsasında qanunvericiliyin tələblərini təhlil edərək "Elektron məhkəmə" informasiya sisteminə yeni kateqoriyaların, nəticələrin və halların əlavə edilməsini təklif edir;

5.11.9. məhkəmələr tərəfindən tərtib olunan hesabatların formalaşdırılmasında texniki dəstək göstərirlər;

5.11.10. informasiya texnologiyaları sahəsində nazirliyin və məhkəmələrinin əməkdaşları üçün mütəmadi təlimlərin keçirilməsində iştirak edir;

5.11.11. informasiya sistemlərinin fəaliyyətinin mütəmadi monitorinqini təşkil edir, avadanlıqların, lisenziya və proqram təminatlarının işlək vəziyyətinə dair və təhlükəsizliyi baxımından mütəmadi nəzarətdə saxlayır, aşkar olunmuş problemlərin həlli üzrə təkliflər verir;

5.11.12. server avadanlığının əməliyyat sistemlərini və proqram təminatını yeniləyir;

5.11.13. şəbəkə infrastrukturuna dair tələbləri müəyyən edir;

5.11.14. informasiya sistemlərinin təhlükəsiz, dayanıqlı və fasiləsiz fəaliyyətinin təşkili ilə bağlı tədbirlər görür, kiber təhlükəsizlik sahəsində tədbirlər həyata keçirərək qarşıya çıxan çatışmazlıqları operativ həll edir;

5.11.15. informasiya sistemlərinin ümumi idarə olunmasını təşkil edir, onların formalaşdırılmasına, təkmilləşdirilməsinə və genişləndirilməsinə dair tələbləri müəyyənləşdirir;

5.11.16. informasiya sistemlərinin texniki sənədlərini hazırlayır;

5.11.17. proqram təminatlarını və kodları yazır;

5.11.18. məlumat bazalarının təhlilini və optimallaşdırılması, məlumatların sistem daxili dövriyyəsini, digər elektron resurslarla qarşılıqlı inteqrasiyanın təşkil edir;

5.11.19. nazirliyin veb səhifələrə dizaynlar verir;

5.11.20. Nazirliyin elektron informasiya resurslarının texniki-texnoloji infrastrukturunu və bütün komponentlərini təyinatı üzrə istismarını təmin edir, onlara texniki xidmət göstərir və mütəmadi profilaktik işlər aparır;

5.11.21. avadanlıq, lisenziyalar və proqram təminatlarının istifadəçi qurumlarda quraşdırılmasını təşkil edir;

5.11.22. aidiyyəti əməkdaşları gücləndirilmiş elektron imza ilə təmin edir;

5.11.23. regional ədliyyə idarələrinə və yerlərdəki qurumlara informasiya sistemləri üzrə operativ texniki xidmətin göstərilməsini təşkil edir;

5.11.24. müxtəlif tədbirlərin, o cümlədən məhkəmə iclaslarının videokonfrans vasitəsilə keçirilməsini təşkil edir; 5.11.25.peşə hazırlığının yüksəldilməsi məqsədilə qanunvericiliyi daim öyrənir, işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir;

5.11.26. vəzifələrinin vaxtında və düzgün icra edilməsinə görə məsuliyyət daşıyır.

5.12. İdarənin baş məsləhətçisi (mühasib) və böyük məsləhətçisi (iqtisadçı):

5.12.1. idarədə mühasibat uçotu və maliyyə təminatı işlərinin düzgün təşkil və icra olunmasını təmin edir;

5.12.2. dövlət büdcəsindən ayrılmış vəsaitin səmərəli xərclənməsi üçün tədbirlər görür, büdcənin proqnozlaşdırılması üzrə tədbirlər görür, bununla əlaqədar bütün təsərrüfat əməliyyatlarının mühasibat uçotu hesablarında düzgün əks etdirilməsini, ona nəzarəti, operativ məlumatların təqdim edilməsini, mühasibat hesabatlarının "Büdcə sistemi haqqında" Azərbaycan Respublikası Qanunu ilə müəyyən edilmiş müddətdə tərtib və təqdim edilməsini həyata keçirir;

5.12.3. dövlət büdcəsindən ayrılmış vəsaitlərin həddi nəzərə alınmaqla işçilərin vəzifə maaşlarını, o cümlədən qulluq illərinə, xüsusi rütbələrə, ixtisas dərəcələrinə və elmi dərəcəyə görə əlavələri, digər müavinətləri və mükafatları hesablayır və ödənilməsini təmin edir;

5.12.4. ayrılmış büdcə vəsaitlərinin xərclənməsini Azərbaycan Respublikasının Nazirlər Kabinetinin 2018-ci il 11 oktyabr tarixli 440 nömrəli qərarı ilə təsdiq edilmiş "Azərbaycan Respublikasının büdcə gəlirlərinin təsnifatı"na uyğun həyata keçirir;

5.12.5. bank və kassa əməliyyatlarının sənədlərini hazırlayır;

5.12.6. ümumiləşdirmələr aparır, statistik, maliyyə və digər hesabatlar hazırlayır və struktur qurumunun rəisinə təqdim edir;

5.12.7. informasiya kommunikasiya texnologiyaları sahəsində büdcənin proqnozlaşdırılmasına və icrasına nəzarət edir, xərclərin səmərəliləşdirilməsinə dair təkliflər verir;

5.12.8. "Dövlət satınalmaları haqqında" Azərbaycan Respublikasının Qanunu ilə müəyyən edilmiş qaydada dövlət satınalmalarının həyata keçirilməsi üçün tədbirlər görür;

5.12.9. xidməti fəaliyyətlə bağlı idarənin rəhbərliyinin tapşırıqlarını yerinə yetirir.

5.13. İdarənin baş mütəxəssisi və mütəxəssisləri:

5.13.1. idarəyə daxil olan təklif, ərizə, şikayət və digər sənədləri qəbul edir və onların qeydiyyatını aparır, rəhbərliyin dərkənarına uyğun olaraq onları aidiyyəti üzrə verir, icra olunmuş sənədləri aidiyyəti üzrə göndərir;

5.13.2. vətəndaşların müraciətləri və hüquqi maarifləndirmə ilə əlaqədar statistik hesabatların hazırlanmasında iştirak edir;

5.13.3. Qaynar xəttə daxil olan zəngləri cavablandırır və həll olunması üçün aidiyyəti üzrə yönləndirir;

5.13.4. daxil olan müraciətlərin həllinin nəzarətdə saxlayır;

5.13.5. işgüzar və peşə keyfiyyətlərinin yüksəldilməsinə çalışır, əmək və icra intizamına əməl edir, vəzifələrinin vaxtında və düzgün icra edilməsinə görə məsuliyyət daşıyır;

5.13.6. xidməti fəaliyyətlə bağlı idarənin rəhbərliyinin tapşırıqlarını yerinə yetirir.